Tisimu 113 - Tshwa Bible

Jehova muhlayisi wa zisiwana.

¹ Dumisani Jehova! Nwina malanza ya Jehova, dumisani, Dumisani vito ga Jehova!

² A gi khesiwe a vito ga Jehova Kusukela lezi kala kupinzuka.

³ Kusukela Mutsuwuka-gambo kala Muhlwa-gambo, A gi dumiswe a vito ga Jehova. Mal. 1:11

⁴ Jehova i tlakukile hehla ka matiko wontihe, Ni wukulu gakwe hehla ka matilo.

⁵ Himani a fananako na Jehova, Nungungulu wa hina, Loyi a tshamako le hehlahehla, Isa. 57:15

⁶ Loyi a koramako a hlomela, A wona tilo ni misava.

⁷ Wa humesa loyi wa tsongwani hi lomu ntshurini, A tlakusa a muvumali lomu taleni; 1 Sam. 2:7; Lu. 1:52

⁸ A mu tshamisa ni tihosana, A xikari ka tihosana ta tiko gakwe.

⁹ I maha ngonwa a tshama ndlwini yakwe, A mu maha mamani wa vanana na xalele. Dumisani Jehova! Gen. 21:2; 1 Sam. 1:20; Lu. 1:57