Tisimu 110 - Tshwa Bible

A nhonga ya ntamu ya le Zioni.

Lisimu la Davida.

¹ Jehova i te ngalo ka hosi ya mina: Tshama hi le reveni ga mina ga xinene, Kala nzi veka a valala va wena a kuva xikegetelo xa mikonzo ya wena. Mat. 22:44; 1 Kor. 15:25; Maheb. 1:13

² Jehova i ta ruma a nhonga ya ntamu wa wena hi le Zioni, Fuma wena xikari ka valala va wena.

³ A vanhu va wena vata hi litsako, Laha wena u hlomako a yimpi ya wena, A vaswa va tshinela ka wena na va ambele wubaswa, Khwatsi hi nzhokati yi humako ni mixo.

⁴ Jehova i hlambanyile, cima a nga ta hunzula: Wena u mupristi kala kupinzuka Hi tshamela ga Melkizedeki. Gen. 14:18; Maheb. 5:6, 10; 6:20

⁵ A Hosi yi nga reveni ga wena ga xinene, Yi ta hihirita tihosi hi siku ga zanga ya yona.

⁶ Yi ta lamula xikari ka matiko, A zirumbi zi ta mbambamela kontlhe; Yi ta lamata tihloko matikweni manyingi. Isa. 2:4; Kuv. 19:11

⁷ Yi tanwa mati ya xicongwana laha ndleleni, Zonake yi ta tlakusa hloko.