Tisimu 11 - Tshwa Bible

A ku tsumba Jehova.

Ka muchuli. Lisimu la Davida.

¹ Mina nzi chavele ka Jehova. Mu wulisa kuyini ka mina, muku: Chavela xitsungeni xa wena kota xinyanyani?

² Hakuva a vakubiha va kondla a mawura, Va phaka tigalala tabye, Kasi va fela ku fula a valulamileko lomu munyameni.

³ Loku a ziseketelo zi khungumulwe, A wa kululama i ta kuyini?

⁴ Jehova i lomu tempeleni yakwe yo basa, A xitshamu xa wuhosi xa Jehova xi le tilweni; A mahlo yakwe ma wona, Ni tikohe takwe ti kamba a vanana va vanhu. Isa. 66:1; Hab. 2:20; Mat. 5:34

⁵ Jehova wa kamba loyi a lulamileko; Kanilezi wa venga a wakubiha ni loyi a ranzako kuleva.

⁶ I ta nisa makala ya nzilo hehla ka vakubiha, ni nzilo ni solufa, Ni mheho yi hisako; Lezi zi tava xiavelo xa gombe gabye. Gen. 19:24; Deut. 29:23; Ezek. 38:22

⁷ Hakuva Jehova i lulamile, I ranza mitiro yo lulama; A valulamileko va ta wona a nghohe yakwe.