Tisimu 1 - Tshwa Bible

A Bhuku go Ranga A ndlela ya valulamileko.

¹ I katekile a munhu loyi a nga fambiko xikungweni xa vakubiha, Loyi a nga yimiko ndleleni ya vaonhi, Hambu ni ku tshama hlengeletanweni wa vatseketseli; Tis. 26:4; Mav. 1:10; Jer. 15:17

² Kanilezi a tsakela a nayo wa Jehova, A wu ehleketa mumu ni wusiku.

³ I fanana ni sinya yi byelweko kusuhi ni micongo ya mati, Leyi yi pswalako a mihanzu ya yona hi nguva ya yona, Leyi a matluka ya yona ma nga wuniko; Zontlhe lezi a zi mahako za vuvuma.

⁴ A vakubiha a va nghaho; Va fanana ni mungu wu kukuletwako hi mheho. Joba 21:18

⁵ Hikwalaho a vakubiha va nga ta yima kulamulweni, Hambu ni vaonhi lomu ntlhanganweni wa valulamileko. Nah. 1:6; Lu. 21:36; Efe. 6:13

⁶ Hakuva Jehova wa tiva a ndlela ya valulamileko, Kanilezi a ndlela ya vakubiha yi ta lova. Mal. 3:18; 2 Tim. 2:19