Biblia Todo Logo
Baibulo la pa intaneti

- Zotsatsa -

Mavingu 9 - Tshwa Bible


A kutlhariha ni wupumbu.

1 A wutlhari gi akile a yindlu ya gona, i vatlile timhanze ta gona ta ntlhanu ni timbiri.

2 Gi tlhavile tihomu ta gona, gi kamile vinya; i longisile a meza ya gona.

3 Gi rumile malanza ya gona ya xisati, i yimile matshanwini yo tlakuka ya muti gi vitana, giku:

4 Ni wihi loyi a nga xipumbu a ate laha ka loyi a nga hiko na kupimisisa, giku:

5 Ngonani mu taga zakuga za mina, wanani a vinya legi nzi gi kamileko.

6 Tsikani wupumbu, mu ta hanya: ambani hi ndlela ya kupimisisa.

7 Loyi a lulekako mutseketseli i ti lavela tingana, i loyi a kawukako wakubiha i ti vangela a bawa.

8 U nga luleki mutseketseli ha kuva a nga ku venga: awuka a tlhari, yi ta ku ranza.

9 Gonzisa a tlhari, yi ta tlhariha nguvu; onzisa a munhu a lulamileko, i ta enzeleka gonzweni yakwe.

10 A masangulo ya wutlhari hi ku chava Jehova; i ku tiva Loyi a Basileko, kupimisisa.

11 Hakuva a masiku ya wena ma enzelekiswa ha mina, i malembe ya wutomi ga wena ma ta engetelwa.

12 Loku u tlhariha, u ta vuneka hi wutlhari ga wena, anilezi loku u tseketsela, hi wena wece u ta nga ku rwala.

13 A wasati wa xipumbu i na ni guwa; nga tlharihangi, a nga tivi nchumu.

14 Hakuva i tshama laha nyangweni ya yindlu yakwe, aha xitshanwini, matshanwini yo tlakuka ya muti,

15 A vitana lava va hunzako, ava va ti fambelako hi ndlela yabye, aku:

16 Loyi a nga xipumbu a ate laha! i ka loyi a nga hiko na kupimisisa, aku kakwe:

17 A mati ma yibyilweko ma nanziha, i xibaba xi giwako kufihlaleni xa tsakisa.

18 Kanilezi a nga zi tivi lezaku a vakufa va laho, i lezaku lava a va rambileko va lomu nzeni ka Xeole.

Tshwa Bible © Bible Society in Mozambique, 1972, 2007.

Bible Society of Mozambique
Titsatireni:



Zotsatsa