Luka 18 - Tshwa BibleA noni ni mulamuli. 1 Yena i lo kanela kabye a mufananiso xungetano ni lezaku va fanele ku khongela a xikhati xontlhe, va nga Xip. 11:5; Rom. 12:12; Kol. 4:2 2 aku: A mutini wo kari ku wa hi kona a mulamuli, loye a nga kala a nga chavi Nungungulu, ni ku nga khatali hi munhu. 3 A mutini walowo ku wa hi ni noni, leyi yi ngata kanyingi kakwe, yi taku: Nzi lulamisele a mhaka ka nala wa mina. 4 Ku wa hi xikhati xo kari na a nga vumeli; kanilezi hi lenzhako i lo alakanya, aku: Hambu lezi nzi nga chaviko Nungungulu, ne ni ku khatala hi munhu; 5 kanilezi kota lezi a noni leyi yi nzi karatako, nzi ta yi lulametela a mhaka, yi nga kala yi nzi rera loku yi simamisa yita. 6 Hosi yi te ngalo: Zwanani lezi a wulako a mulamuli a nga lulamangiko! 7 Xana Nungungulu a nga ta va photela a vahlawulilweko vakwe, lava va rilako ka yena a mumu ni wusiku ke, a nga ta timisela ha vona ke? Kuv. 6:10 8 Nziku ka nwina: I ta va photela hi kuhatlisa. Ahemba-lokoke, laha Nʼwana wa munhu a ta nga wuya, i ta ta kuma kukholwa misaveni ke? Maheb. 10:37; 2 Ped. 3:8, 9 Mufananiso wa muFarisi ni muhlengisi. 9 I lo engeta a kanela lowu mufananiso ka vokari lava va ti tsumbako vaku va lulamile, va kanyisa vanwani, aku: Xip. 10:29; 16:15 10 A vavanuna vambiri va loya tempeleni ku ya khongela; a munwe i wa hi muFarisi, munwani a hi muhlengisi. 11 A muFarisi i lo yima hi tlhelo a khongela, aku: Nungungulu, nza ku bonga hilezi nzi nga fananiko ni vanwani vanhu; va nga makhamba, ni vakanganyisi, ni zirembi, hambu ku khwatsi hi muhlengisi loyi. Tis. 135:2; Isa. 1:15; Kuv. 3:17 12 Nzi yila kumbiri hi viki, nzi nyika za wukhume ka zontlhe lezi nzi zi kumako. 13 Kanilezi a muhlengisi i lo yima kule, a nga tiyangi ni ku tlakusa a mahlo yakwe le tilweni, kanilezi a tiba xifuva, aku: Nungungulu, ngha u hi ni wuxinji ka mina nzi nga muonhi. 14 Nziku ka nwina: Loyi munhu i lo tlhelela kaya na a hlayiwa loyi a lulamileko ku hunza loyi munwani; hakuva ni wihi a ti kulisako i ta koramiswa; kanilezi loyi a ti koramisako i ta kuliswa. Joba 22:29; Mat. 23:12; Jak. 4:6 Jesu a katekisa zihlangana. 15 Vanhu va lo neha kakwe a tisana tabye, lezaku kasi a fela ku ti khumba; kanilezi laha a vapizani vakwe va nga zi wonile, va lo va kawuka. Mat. 19:13; Mar. 10:13 16 Kanilezi Jesu i lo vitana vanana, aku: Vumelani a vanana vata ka mina, mu nga va beleteli; hakuva a mufumo wa Nungungulu ngwa va kunghahi. 1 Kor. 14:20; 1 Ped. 2:2 17 Hizinene nziku ka nwina: Kani hi wihi a nga amukeliko a mufumo wa Nungungulu kota a nwanana, cima a nga ta enghena ka wona. Mar. 10:15 A mufumeli a wutisa hi wutomi ga pinzukelwa. 18 A mufumeli wo kari i lo mu wutisa, aku: Mugonzisi nene, nzi ta maha yini kasi nzaga a tshomba ya wutomi ga pinzukelwa ke? Mat. 19:16; Mar. 10:17 19 Jesu aku kakwe: Hi yini u nzi vitanako uku nzi nene ke? A ku na loyi nene, saseka munwe, yena Nungungulu. 20 Wa yi tiva milayo leyi yi nge ngalo: U nga bhayi, U nga dayi, U nga yivi, U nga mahi wukustumunyu ga mawunwa, Chava raru wa wena ni nyine wa wena. Ekso. 20:12, 16; Rom. 13:9 21 Yena aku ngalo: Zontlhe lezi nzi zi hlayisile kusukela wusweni ga mina. 22 Laha Jesu na zi zwile, i te ngalo kakwe: Wa ha vumala xilo xinwe; xavisa zontlhe lezi u nga nazo, u avela zisiwana, wena u tava ni tshomba le tilweni; zonake ngona u nzi lanzela. Mat. 6:19, 20; 1 Tim. 6:19 23 Kanilezi laha na a zi zwile, i lo xaniseka nguvu; hakuva i wa hi ni kufuma ka hombe. 24 Jesu na a mu wona aku ngalo: Zi tsanzisa kuyini ka lava va fumileko a ku enghena mufunweni wa Nungungulu! Mat. 11:28; Mat. 19:23; Mar. 10:23 25 Za hehuka ka kameli ku enghena nonwini wa chingani, ku hunza munhu a fumileko ku enghena mufunweni wa Nungungulu. 26 Lava va nga zizwa vaku ngalo: Kasi himani a nga hanyiswako ke? 27 Kanilezi yena aku ngalo: A zilo lezi zi nga kotekiko ka vanhu, za koteka ka Nungungulu. Jer. 32:17; Zak. 8:6; Mat. 19:28 28 Pedro aku ngalo: Wangabye, hina hi siyile a za hina, hi ku lanzela. 29 Aku ngalo kabye: Hizinene nziku ka nwina: A ku na munhu loyi a siyileko yindlu, kutani sati, kutani vanakulobye, kutani vapswali, kutani vana, hi kota ya mufumo wa Nungungulu, Deut. 33:9 30 loyi a ta nga kala ku amukela hi kuengetilweko kunyingi a ka lexi xikhati, ni ka tiko gi tako a wutomi ga pinzukelwa. Joba 42:10 Jesu a tivisa hi kufa kakwe. 31 Yena i lo tsawuka ni vakhume ni vambiri, aku ngalo babye; Langutani, hi kanziha hiya Jerusalema; zonake ku ta tatiseka zontlhe lezi zi tsalilweko hi vaprofeti hi Nʼwana wa munhu. Tis. 22; Isa. 53; Mat. 16:21 32 Hakuva i ta nyikelwa ka vamatiko, va ta mu tseketsela, a khomiwa hi tingana, ni ku phelelwa; Mat. 27:2; Joh. 18:28; Miti. 3:13 33 va ta mu xupula ni ku mu daya; hi siku ga manharu i ta tlhela a vuka. 34 A va pimangi nchumu timhakeni leti; a gezu legi gi wa fihlilwe ka vona, va kohlwa hi lezi a zi wulako. Mar. 9:32; Joh. 10:6; 12:16 Jesu a hanyisa xikhumu. 35 Kota lezi a nga kari a tshinela Jeriko, a xikhumu xi wa tshamile reveni ga ndlela, xi kombela. Mat. 20:29; Mar. 10:46 36 Laha na xizwa a xidlemo xi kari xi hunza, xi lo wutisa lezaku xini. 37 Va lo mu byela vaku: Hi Jesu wa le Nazareta a hunzako. 38 Yena i lo vitana, aku: Jesu, nʼwana Davida, nzi mahele wuxinji. 39 Lava va nga rangile mahlweni va lo mu kawuka, lezaku ngha a miyela; kanilezi yena i lo engeta a vitana nguvu, aku: Wena nʼwana Davida, nzi mahele wuxinji. 40 Jesu i lo yima, a laya a kuva a nehiwa kakwe; laha a nga tshinele, i lo mu wutisa, aku: 41 U ranza a ku ngha nzi ku mahela yini ke? Aku ngalo: Hosi, ngha nzi tlhela nzi wona. 42 Jesu aku ngalo ka yena: Tlhela u wona; a kukholwa ka wena ku ku hanyisile. Xip. 17:19 43 Khalekhale i lo tlhela a wona; a mu lanza, a dumisa Nungungulu. A vanhu vontlhe loku va zi wonile, va lo dumisa Nungungulu. Xip. 5:26; Miti. 4:21; 11:18 |
Tshwa Bible © Bible Society in Mozambique, 1972, 2007.
Bible Society of Mozambique