Levi 15 - Tshwa Bible

¹ Jehova i lo wulawula ka Mosi ni ka Aroni, aku:

² Byelani a vanana va ka Israeli, muku ka vona: Kani hi wihi wanuna a nga ni ntungu wo huma wubovu a nga hlazekangi hi kota ya wona.

³ Makunu a nayo lowu wu vekelweko loyi a nga ni ntungu wo huma wubovu hi lowu: Loku gi huma nyameni yakwe, hambu loku a nyama yi valeka, a nga hlazekangi.

⁴ Lezi a etleleko ka zona loyi a nga ni ntungu wo huma wubovu a zi hlazekangi, ni zilo zontlhe lezi a tshamileko ka zona a zi hlazekangi.

⁵ Kani hi wihi a henyako mubhedi wakwe, i ta hlaza tinguwo takwe, a hlamba lomu matini, hambu lezo i tava a nga hlazekangi kala laha gambyeni.

⁶ Ni loyi a tshamako hehla ka xilo lexi xi tshamelweko hi loyi a nga ni ntungu wo buma wubovu i ta hlaza a tinguwo takwe, a hlamba lomu matini, hambu lezo i tava a nga hlazekangi kala laha gambyeni.

⁷ Ni loyi a henyako a miri wa loyi a babyako hi ntungu wo huma wubovu i ta hlaza tinguwo takwe, a hlamba lomu matini, hambu lezo i tava a nga hlazekangi kala laha gambyeni.

⁸ Loku a mubabyi loye a phelela hehla ka munhu a hlazekileko, a munhu loye i ta hlaza tinguwo takwe, a hlamba lomu matini, hambu lezo i tava a nga hlazekangi kala gambyeni.

⁹ Kani hi xihi xigabhatsa xi khilelweko hi munhu loyi a nga ni ntungu wo huma wubovu a xi hlazekangi.

¹⁰ Kani hi wihi loye a henyako ni xihi xilo lexi xi tshamelweko hi yena i tava a nga hlazekangi kala laha gambyeni; ni wihi loye a rwalako a xilo xa kona, i ta hlaza tinguwo takwe, a hlamba lomu matini, hambu lezo i tava a nga hlazekangi kala laha gambyeni.

¹¹ Ni loye a henyiwako hi mubabyi loye, na a nga hlambangi mandla yakwe, a munhu loye i ta hlaza tinguwo takwe, a hlamba laha matini, hambu lezo i tava a nga hlazekangi kala laha gambyeni.

¹² A mbita ya wumba loku yi henyiwa hi loye a nga ni ntungu wo huma wubovu yi ta fayiwa, loku xi hi xibya xa sinya xi ta hlaziwa lomu matini.

¹³ Loku a basisilwe loye a nga hi ni ntungu wo huma wubovu i ta hlaya ntlhanu wa masiku ni mambiri ya kubasiswa kakwe; zonake i ta hlaza a tinguwo takwe, a hlamba lomu matini ma hlazekileko, zonake ti tava a hlazekile.

¹⁴ Zonake hi siku ga wuntlhanu ni manharu i ta lava a matuva mambiri, kutani mavinyani mambiri ya zipomba, aya ti kombisa mahlweni ka Jehova laha nyangweni ya tenda ga mutlhangano, aya ma nyikela ka mupristi.

¹⁵ A mupristi i ta ma nyikela, a ginwe gi ta maha ga muphahlelo wa kuonha, a ginwani gi ta maha muphahlelo wa kuhiswa; lezo a mupristi i ta mu mahela a nzhiho mahlweni ka Jehova hi kota ya wubabyi gakwe.

¹⁶ Kambe loku a wanuna a huma a mbewu ya libeleko, i ta hlamba wontihe a miri wakwe lomu matini, hambu lezo i tava a nga hlazekangi kala laha gambyeni.

¹⁷ A tinguwo tontlhe ni mabhebhe wontihe lawa ma nga tsakamiswa hi mbewu ya libeleko, zi ta hlaziwa lomu matini, hambu lezo zi tava zi nga hlazekangi kala laha gambyeni.

¹⁸ Ni wasati loye a etlelako ni wanuna loyi yi humileko a mbewu ya libeleko ka yena, vona vambiri va ta hlamba lomu matini, hambu lezo va tava va nga hlazekangi kala laha gambyeni.

¹⁹ Ni loku wasati a hi ni tihweti takwe, laha kaku a nkhata wu huma mirini wakwe, i tava zivini zakwe ntlhanu wa masiku ni mambiri; kani hi wihi a mu henyako, i tava a nga hlazekangi kala laha gambyeni. Ezek. 18:8

²⁰ Ni masango wontihe laya a etlelako ka wona loku a ha hi ni tihweti takwe, ma tava ma nga hlazekangi, ni zilo zontlhe lezi a tshamako ka zona, zi tava zi nga hlazekangi.

²¹ Kani hi wihi loye a henyako a sango gakwe, i ta hlaza a tinguwo takwe, a hlamba matini, hambu lezo i tava a nga hlazekangi kala laha gambyeni.

²² Kani hi wihi a henyako ni xihi xilo a xi tshameleko, i ta hlaza a tinguwo takwe, hambu lezo i tava a nga hlazekangi kala laha gambyeni.

²³ Ni loku ku vekiwa a xilo laha mubhedini, kutani laha ka wutshamu legi a tshamileko ka gona, a munhu a dzuka a xi henya, a munhu loye i tava a nga hlazekangi kala laha gambyeni.

²⁴ Ni loku a wanuna a etlela naye, a zivi zakwe zi mu namarela, loye wanuna i tava a nga hlazekangi ntlhanu wa masiku ni mambiri, zonake wontihe masango laya a etlelako ka wona ma tava ma nga hlazekangi.

²⁵ Kambe loku wasati a huma nkhata wakwe, na ku nga hi xikhati xa tihweti takwe, kutani loku a zivi zakwe zi hunzisa a xikhati xakwe, i tava a nga hlazekangi xontlhe xikhati xa kuhuma ka nkhata wakwe, kota xikhati xa tihweti takwe.

²⁶ A masango wontihe laya a etleleko ka wona xikhatini xa zivi zakwe, ma tava ma nga hlazekangi a ku khwatsi hi xikhati xa tihweti takwe; zinghaho ni zilo zontlhe lezi a tshamako ka zona, zi tava zi nga hlazekangi khwatsi hi masiku yakwe ya tihweti.

²⁷ Kani hi wihi loyi a zi henyako i tava a nga hlazekangi; yena i ta hlaza a tinguwo takwe, a hlamba lomu matini, hambu lezo i tava a nga hlazekangi kala laha gambyeni.

²⁸ Zonake a zivi zakwe loku zi khawule, yena i hlaya a ntlhanu wa masiku ni mambiri, zonake i tava a hlazekile.

²⁹ Hi siku ga wuntlhanu ni manharu, i ta teka matuva mambiri, kutani mavinyani mambiri ya zipomba, a ma neha ka mupristi laha nyangweni ya tabemakeli ga mutlhangano.

³⁰ A mupristi i ta nyikela ginwe gi maha ga muphahlelo wa kuonha, a ginwani gi maha ga muphahlo wa kuhiswa; zonake a mupristi i ta mu mahela a nzhiho mahlweni ka Jehova hi kota ya zivi lezi zi nga wa mu nyenyezisile.

³¹ Mu ta hambanyisa kota lezo a zivi za vanana va ka Israeli, kasi va fela ku kala va ngafi hi kota ya zivi zabye, za ku nyenyezisa a tabemakeli ga mina legi gi nga laha xikari kabye.

³² Lowu hi nayo wu vekelweko loyi a humako nkhata, ni wa loyi a humako a mbewu ya libeleko, lezaku ava a nga hlazekangiko.

³³ Ni ka wasati loyi a nga ni tihweti takwe, ni loyi a nga ni kuhuma wubovu, kutani ngwanuna, kutani ngwasati, hambu wanuna loyi a etlelako ni wasati loyi a nga hlazekangiko.