Levi 1 - Tshwa Bible

A milayo ya miphahlo.

¹ Jehova i lo vitana Mosi na hi lomu tabernakelini ga mutlhangano, a wulawula naye, aku:

² Byela a vanana va ka Israeli, uku kabye: Loku a munwe wa nwina a nyikela ka Jehova a munyikelo, mu ta nyikela a zifuyo lezi za hombe ni lezi za zi tsongwani, wu tava munyikelo wa nwina.

³ Loku a munyikelo wakwe wu hi muphahlo wa kuhiswa wa tihomu, i ta nyikela hi nkuzi yi nga hiko na bawa; i ta yi nyikela laha ngangweni ya tabemakeli ga mutlhangano, kasi a ta amukeleka mahlweni ka Jehova.

⁴ I ta tlhateka a canja gakwe le hlokweni ya munyikelo wo hiswa, zonake yi ta amukelwa a mahelwa a nzhiho ha yona.

⁵ Yena i ta tlhava a nkuzi mahlweni ka Jehova, zonake a vapristi, a vana va Aroni, va ta teka a nkhata va nwatsekela ha wona matlhelweni wontihe hehla ka alati legi gi nga laha nyangweni ya tabemakeli ga mutlhangano.

⁶ I ta sunzuwula a muphahlelo lowo wa kuhiswa, a tsemelela a zitluwu za wona.

⁷ Zonake a vana va mupristi Aroni, va ta dzivela a nzilo laha alatini, va veketela tihunyi nzilweni.

⁸ Zonake a vapristi, a vana va Aroni, va ta tlhatekela a zitluwu za nyama ni hloko ni mafura, hehla ka tihunyi leti ti vekilweko nzilweni le hehla ka alati.

⁹ Kanilezi i ta hlaza marumbu ni masonzo lomu matini, zonake mupristi i ta hisa zontlhe laha alatini, akuva munyikelo; a muphahlelo wa nzilo lowu wu nga ni masema ya kunanziha ka Jehova.

¹⁰ Loku a munyikelo wakwe wu hi wa xifuyo xa xitsongwani, ti nga tiyivu kutani timbuti na ti hi ta munyikelo wa kuhiswa, i ta nyikela ya matsune a nga hiko na bawa.

¹¹ I ta yi tlhavela tlhelweni ga Nwalungu ga alati, mahlweni ka Jehova; zonake a vapristi, a vana va Aroni, va ta nwatsekela a nkhata laha alatini, matlhelweni wontihe.

¹² I ta yi tsemelela, zinwe ni hloko ni mafura ya kona, zonake a mupristi i ta zi tlhatekela le hehla ka tihunyi ti nga nzilweni laha alatini.

¹³ 1 ta hlaza marumbu ni masonzo lomu matini, zonake mupristi i ta hisa zontlhe laha alatini, akuva munyikelo wa kuhiswa; a muphahlelo lowu Wu hisilweko, wu nga ni masema yo nanziha ka Jehova.

¹⁴ Loku a munyikelo wakwe ka Jehova wu hi muphahlo wa kuhiswa wa tinyanyani, i ta nyikela a munyikelo wa zipomba kutani mavinyani ya matuva.

¹⁵ A mupristi i ta neha a xinyanyani laha alatini, a sukuruta a hloko ya xona, a yi hisa alatini; a nkhata wa kona wu ta kamelwa khurisini ga alati.

¹⁶ I ta susa a felelo ni chaka ga kona, a zi hoxa laha taleni, kusuhani ni alati, hi tlhelo ga Mutsuwuka-gambo.

¹⁷ Yena i ta panza a xinyanyani ni tipapa ta xona hi laha xikari, a nga chaputi, zonake mupristi i ta xi hisa laha alatini le hehla ka tihunyi leti wu dzivelweko ha tona a nzilo; muphahlo wa kuhiswa, lowu wu nga ni masema yo nanziha ka Jehova.