Genesisi 36 - Tshwa Bible

A vazukulu va Esau.

¹ Leli hi lixaka la Esau, loyi a nga Edomi:

² Esau a vasati vakwe i wa tekile a vana va maKanani; ku wa hi Ada a nʼwana wa Eloni, a muHiti, na Oholibama, a nʼwana Ana, nʼwana wa Zibeoni, a muHivi;

³ na Basemati, nʼwana wa Ixmaeli, a makabye wa Nebaiote.

⁴ Ada i lo belekela Esau, Elifaze; Basemati a beleka Reueli;

⁵ Oholibama i lo beleka Jeuxa, na Jalama, na Kora. Lava hi vana va Esau lava a nga beleka tikweni ga le Kanani.

⁶ Zonake Esau i lo teka vasati vakwe ni varisanyana vakwe ni vanhanyana vakwe, ni vanhu vontlhe va ngango wakwe, ni mitlhambi yakwe, ni zontlhe zifuyo zakwe, ni tshomba yakwe a nga yi kuma tikweni ga le Kanani, aya ginwani tiko kule ni nzisana yakwe Jakobe.

⁷ Hakuva a zifuyo zabye zi wa tele nguvu, laha kaku a tiko lego va nga wa akile ka gona gi wa nga va enelisi hi kota ya mitlhambi yabye.

⁸ Hikwalaho Esau i lo ya aka le xitsungeni xa Seire; Esau hi yena Edomi.

⁹ Leli hi lixaka la Esau, a nga nyapanze wa va ka Edomi, le xitsungeni xa Seire.

¹⁰ A mavito ya vanana va Esau hi laya: Elifaze nʼwana Ada, a sati wa Esau; Reueli nʼwana wa Basemati, sati wa Esau.

¹¹ A vana va Elifaze hi Temani, na Omari, na Zefo, na Gatama, na Kenazi.

¹² Timna loyi a nga wa hi mundlukulu wa Elifazi, nʼwana Esau, i lo beleka Amaleki. Lava hi vana Va Ada, kata Esau.

¹³ A vana va Reueli hi lava: Nahata, na Zera, na Xama, na Miza, lava-ke va wa hi vana va Basemati kata Esau.

¹⁴ A vana va Oholibama, a nʼwana Ana wa Zibeoni, kata Esau, hi lava: Oholibama i lo belekela Esau, Jeuxa, na Jalama, na Kora.

¹⁵ A tihosana ta lixaka la vana va Esau hi leti: lomu ka ngango wa Elifazi, a matewula ya Esau, a hosi Temani, ni hosi Omari, ni hosi Zefo, ni hosi Kenazi,

¹⁶ ni hosi Kora, ni hosi Gatama, ni hosi Amaleki. Leti hi tona tihosi ti humako ka ngango wa Elifazi, le tikweni ga Edomi. Va nga vona vana va Ada.

¹⁷ A vana va Reueli, a nʼwana Esau, hi lava: hosi Nahata, hosi Zera, hosi Xama, hosi Miza. Leti hi tihosi ti humako ngangweni wa Reueli, le tikweni ga Edomi. Hi vona vana va Basemati, kata Esau.

¹⁸ A vana va Oholibama kata Esau, hi lava: hosi Jeuxa, hosi Jalama, hosi Kora. Leti hi tihosi ti humako ngangweni wa Oholibama, nʼwana Ana, kata Esau.

¹⁹ Lava hi vana va Esau, a nga yena Edomi, ni tihosi tabye hi twaleto.

²⁰ A vana va Seire a muHori, lava va nga wa akile lomo tikweni hi lava: Lotani, na Xobala, na Zibeoni, na Ana,

²¹ na Dixoni, na Ezeri, na Dixani. Leti ti wa hi tihosi ta vana va Hori, nʼwana Seire, tikweni ga le Edomi.

²² A vana va Lotani hi Hori na He-mami; ni makabye wa xisati wa Lotani i wa hi Timna.

²³ A vana va Xobala hi lava: Alvani, na Manahate, na Ebali, na Xefo, na Oname.

²⁴ A vana va Zibeoni hi lava: Aya na Ana. Hi yena Ana loyi a nga kuma tihlowo ta mati yo kufumela le xiwuleni na a kari a risa timbongola ta raru wakwe Zibeoni.

²⁵ A vana va Ana hi lava: Dixoni na Oholibama, a nhanyana wa Ana.

²⁶ A vana va Dixoni hi lava: Hemdani, na Exbani, na Jiterani, na Kerani.

²⁷ A vana va Ezeri hi lava: Bilhani na Zavani, na Akana.

²⁸ A vana va Dixani hi lava: Uza na Arana.

²⁹ Leti hi tihosi ta vaHori: hosi Lotani, ni hosi Xobali, ni hosi Zibeoni, ni hosi Ana,

³⁰ ni hosi Dixoni, ni hosi Ezeri ni hosi Dixani. Hi tona tihosi ta vaHori hi mifumo yabye lomu tikweni ga Seire.

³¹ Leti hi tihosi leti ti nga fuma tikweni ga Edome, na ku nga se fuma hosi xikari ka vana va ka Israeli.

³² Lomu tikweni ga Edome ku lo fuma Bela, nʼwana Beori; ni vito ga muti wakwe ku wa hi Dinhaba,

³³ Ku lofa Bela, ku fuma Jobaba, nʼwana Zera wa le Bozra wutshanwini gakwe.

³⁴ Ku lofa Jobaba, zonake ku fuma Huxamu, wa tiko ga le Temani.

³⁵ Kufa Huxamu, ku fuma Hadadi, nʼwana Bedadi, loyi a nga hlasela maMidiani tikweni ga le Moabi, a vito ga muti wakwe ku wa Aviti.

³⁶ Ku lofa Hadadi, ku lo fuma Samla wa le Masreka.

³⁷ Kufa Samla, ku fuma Xaule wa le Rehoboti wa le congweni.

³⁸ Ku lofa Xaule, ku fuma Baal-Hanana a nʼwana Akbori.

³⁹ Baal-Hanani nʼwana Akbori i lofa, ku lo fuma Hadari: ni vito ga muti wakwe ku wa hi Pau; ni vito ga sati wakwe ku wa hi Mehetabeli, a nhanyana wa Matredi, wa nhanyana wa Mezahaba.

⁴⁰ A mavito ya tihosi leti ti nga huma hi ka Esau, hi mingango yabye ni matiko yabye, ni zibongo zabye hi laya: hosi Timna, hosi Aliva, hosi Jetete,

⁴¹ hosi Oholibama, hosi Ela, hosi Pinoni,

⁴² hosi Kenazi, hosi Temani, hosi Mibzare,

⁴³ hosi Magdieli, hosi Iramu. Leti hi tihosi ta va ka Edome, hi kuaka kabye lomu tikweni ga tshomba yabye; ni raru wa va ka Edome hi Esau.