Genesisi 10 - Tshwa Bible

A xaxameto wa matiko.

¹ Lezi hi zizukulwana za vana va Noa, Xemi, na Hamu, na Jafete; va lo beleka a vanana hi nzhako ka ntalo.

² A vanana va Jafete hi Gomere, na Magoge, na Madayi, na Javani, na Tubale, na Mexeki, na Tirase.

³ A vana va Gomere hi Axkenaze, na Rifate, na Togarma,

⁴ a vana va Javani hi Elixa, na Tarxixi, na Kitime, na Dodanime.

⁵ Lava va nga zihlaleni za matiko va humela ka vona, va ti hangalakela matikweni yabye; vontlhe hi tirimi tabye, hi tixaka tabye, matikweni yabye.

⁶ A vana va Hamu hi Kuxe, na Mizraimi, na Puti, na Kanani.

⁷ A vana va Kuxe hi Seba, na Havila, na Sabita, na Rama, na Sabiteka. A vanana va Rama hi Xeba, na Dedani.

⁸ Na Kuxe i lo beleka Nimrode. Hi yena a nga sangula kuva ni mufumo laha misaveni.

⁹ 1 wa hi muhloti wa hombe mahlweni ka Jehova, hikwalaho ku lo wulwa ku ngalo: Kota Nimrode muhloti wa hombe mahlweni ka Jehova.

¹⁰ A kusangula ka mufumo wakwe hi le Babeli, ni le Ereke, ni le Akade, na Kalne, le tikweni ga Xinari.

¹¹ I lo suka tikweni lego aya Siria, i lo ya aka Niniva, ni Rehobote-Ire, ni Kala,

¹² ni Reseni xikari ka Niniva na Kala, lowo wu wa hi muti wa hombe.

¹³ Mizraime i lo beleka Ludime na vaAnamime, na Lehabime, na Naftuhime,

¹⁴ na Paturusime, na Kasluhime, (ku humako hi ka vona a vaFilistia,) na vaKaftore.

¹⁵ Kanani i lo beleka Sidoni, matewula yakwe, na Heti,

¹⁶ ni vajebusi, ni vaAmori, ni vaGirgaxi,

¹⁷ ni vaHivi, ni vaAraki, ni vaSini,

¹⁸ ni vaArvadi ni vaZemare, ni vaHamate. Anzhako ka lezo a tiyindlu ta vaKanani ti lo ti hangalakela kule.

¹⁹ Ni mbhingano wa maKanani wu wa sangula Sidoni wu komama Gerari, wu kala wuya chikela le Gaza, wu komama le Sodoma ni le Gomora, ni le Adma; ni le Zeboime wu kala wuya chikela le Laxa.

²⁰ Lava hi vana va Hamu hi tixaka tabye, ni tirimi tabye misaveni yabye, ni matikweni yabye.

²¹ Yenawu Xemi a raru wa vana vontlhe va ka Eberi, a nhonzwa ya Jafete, i lo beleka vana.

²² A vana va Xemi hi Elame, na Asure, na Arpaxade, na Luda, na Arame.

²³ A vana va Arame hi Uza, na Hule, na Geteri, na Maxe.

²⁴ Na Arpaxade i lo beleka Xela; na Xela i lo beleka Eberi,

²⁵ Eberi i lo beleka a vafana vambiri, a vito ga munwe i wa hi Pelegi; hakuva masikwini yakwe a misava yi lo avanyiswa; a vito ga nakulobye i wa hi Joktani.

²⁶ Na Joktani i lo beleka Almodade, na Xelefe, na Hazarmaveti, na Jera,

²⁷ na Hadorame, na Uzale, na Ditla,

²⁸ na Obale, na Abimaeli, na Xeba,

²⁹ na Ofira, na Havila, na Jobabe; vontlhe lava va wa hi vana va Joktani.

³⁰ A kuaka kabye kusukela le Mexa kuya chikela le Sefare, a xitsunga xa Mutsuwuka-gambo.

³¹ Lava va wa hi vana va Xemi, hi tixaka tabye, ni tirimi tabye, misaveni yabye ni matikweni yabye.

³² Leti hi tiyindlu ta vana va Noa hi mingango yabye, ka misava yabye: a matiko ma humile ka vona ma hangalaka ni misava anzhako ka ntalo.