2 JOHAN 1 - Thukhun Thak NT (BSI)

Chibai bukna

¹ Upa in—- Numei tel leh atate, thutak a ka itte kiangah, hinanleh thutak theijousiahin zong,

² ei a om tualeh tangtawn a zong i kiang a om ding thutak jiak in.

³ Pa Pasian leh Toupa Jesu Krist, Pa Tapa, a kipan hehpihna, zahngaihna, khamuanna pen thutak leh itna in na kiang uah om hen.

Itna leh Thutak

⁴ Pa kiang a kipan a thupiak i muh bang a, na tate uh khenkhat thutak a om ka muh jiakin ka kipak mahmah hi.

⁵ Tualeh tuin, numei hoih, thupiak thak gelh bang pen hilouin, achil a kipat ineih uh gelhjaw in, khat leh khat ki ittuah dingin kung ngen hi.

⁶ Hihmi ahi itna, a thupiak bang a i om uh; thupiak pen hihmi ahi, achil a kipan a najak bang ua—-huamah a na om ding uh ahi.

⁷ Bangjiakin ahia ichihleh, Jesu Krist taksa in a hungpai hi chih gumlou khemtu tampi leitung ah ahung pawtta uhi, huachibang mite pen khemtu leh Krist doudaltu ahi!

⁸ I sepkhiatsate mansuah lou a nuamman akim a i muhtheih jawkna ding un noumah leh noumah kiveng un.

⁹ Mi kuapeuh dan botsia leh, Jesu Krist thugin a omgige lou in Pasian a neikei hi, kuahileh Krist thugin dan a omgige mi in Pa leh Tapa anih in a neikhawm hi.

¹⁰ Mi khatpeuh hih thugin kenglou a na kiang ua hungpai aom leh na inn uah tungsak kei unla, “Kampha in zong houpih kei un.”

¹¹ Ajiak pen kampha a khatu in amah gitlouhna a kikoppih hi.

Mangpha khakna

¹² Na kiang uah thu tampi hung gelh ding ka neih hangin, laipuan leh laitui a gelh ka utkei a; hinanleh hungpaia i kipahna uh a kimtheihna dingin, kimaituah a hunggen ka kinemjaw hi.

¹³ Tel a om na sanggamnu taten chibai ahung buk uhi. Amen.