Habakuki 1 - Baiberi Magwaro Matȿene aMŋari 1949 (Doke)

ƲaKardea ishamhu yaJehova. Muprofita unokumbirira ʋaJuda.

¹ Cireʋo caMŋari cakaʋonekwa nomuprofita Habakuki.

² Haiwa, Jehova, ndicaɗana kuȿikira riniko, imi musiŋganzwi? Ndinoɗana kwamuri pamsoro pokuitirwa simba, asi hamundiponesi.

³ Munondiratidzireiko ɀakaipa, munotarireiko ɀisakarurama? Nokuti kuparadza nokuita nesimba ɀiri pamberi paŋgu; rukaʋe ruri’po, ʋuye kukakaʋara kunomuka.

⁴ Saka murairo haunesimba, ʋuye kururamisira ʋamŋe hakucaʋonekwi; nokuti ʋakashata ʋanokomba ʋakarurama; saka kururamisira ʋamŋe kunoŋgoʋonekwa kwakaminama.

⁵ Tarirai pakati pamarudzi, muʋone, mushamiswe kwaɀo‐kwaɀo; nokuti ndinoɓate‐ɓasa pamazuʋa enyu, ramucaramba kutenda kunyaŋge muciɀiʋudzwa.

⁶ Nokuti tarirai, ndinomutsa ʋaKardea, rudzi runehasha runopeŋga, ʋanofamba panyika pose, kuti ʋaɀitorere ʋugaro ʋusati ʋuri bgaʋo.

⁷ Ʋanotyisa nokukarudza; kutoŋga kwaʋo nokukudzwa kwaʋo kunobva kwaʋari ʋamene.

⁸ Mabiza aʋo ʋo anomhanya acipfuʋura iŋgwe, anehasha kupfuʋura mapere amaɗekwana; ʋataȿi ʋaʋo ʋamabiza ʋanomhanya ʋaciuruka, ɀirokwaɀo ʋataȿi ʋaʋo ʋamabiza ʋanoʋuya ʋacibva kure, ʋanobururuka segondo rinokurumidzira kudya.

⁹ Ʋanoʋuya ʋose kuzoita nesimba; ɀiso ɀaʋo ɀakatarira mberi; ʋanoʋuŋganidza ʋatapxa sejeca.

¹⁰ Ɀirokwaɀo ʋanoɗaɗira madzimambo, macinda anosekwa naʋo; ʋanoseka nhare dzose, nokuti ʋanodzitutira guruʋa ndokudzikunda.

¹¹ Ipapo ʋanopfuʋura semhepo, ndokuenda, asi ʋanemhoȿa, iʋo ʋanoita simba raʋo mŋari waʋo.

¹² Imi Jehova, Mŋari waŋgu, Mutȿene waŋgu, hamuzakaʋa’po kubva pakutaŋga‐taŋga here? Isu hatiŋgafi. Jehova, imi makatema kuti ʋatoŋge, nemi ɗombo, makaʋaisa’po kuti ʋaraŋge.

¹³ Imi, munameso akaiȿo‐naka, asiŋgaɗi kutarira ɀakaipa, musiŋgaɗi kuʋona ɀisakarurama, munotaririreiko ʋanonyeŋgera, mucinyarara kana wakashata acimedza wakamupfuʋura nokururama;

¹⁴ muciita ʋanhu sehoʋe dzeguŋgwa, seɀinokambaira, ɀisinomuɓati?

¹⁵ Ʋanoʋaredza ʋose neciredzo caʋo, ʋanoʋaɓata mumumbure waʋo, ʋaciʋaʋuŋganidzira murutaʋa rwaʋo; naiɀoɀo ʋanofara kwaɀo ʋanomufaro.

¹⁶ Naiɀoɀo ʋanoɓayira mumbure waʋo, nokupisira rutaʋa rwaʋo ɀinonhuwira, nokuti mugoʋe waʋo wakakora naɀo, ɀokudya ɀaʋo ɀawanda.

¹⁷ Ɀino ʋaŋgaɗurura ɀiri mumumbure waʋo, ʋakaramba ʋaciʋuraya marudzi aʋanhu here?