Salmos 1 - Ñawpaq Testamento Apurímac Llaqtanchispaq Este nisqa Lawpaq

PRIMER KAQ LIBRO (Capítulos 1-41) Justo runamanta huchasapa runamantawan

¹ Ancha kusisqan huchasapa runakunapa consejonkunata mana chashkiq runaqa. Payqa manan huchasapa runakunapa purisqanpipas purinchu. Payqa Señor Diosmanta burlakuq runakunawanpas manan juntakunchu.

² Aswanmi chay runaqa Señor Diospa kamachisqan leykunata kasukuspa kusikun. Payqa tuta p'unchawmi chay leykunapi yuyaymanan.

³ Allin ruwaq justo runaqa mayu patapi plantasqa sach'a hinan. Payqa tiempollanpi ruruq sach'a hinan. Payqa mana ch'akiq sach'apa rap'inkuna hinan. Chayraykun paypa ima ruwasqankunapas allinpuni lloqsin.

⁴ Ichaqa mana allin ruwaq runakunawanqa manan saynachu pasan. Paykunaqa wayrapa apasqan rastrojo paja hinallan kanku.

⁵ Chayraykun huchasapa runakunaqa juicio p'unchawpi castigasqa kanqaku. Chay runakunaqa manan justo runakunapa huñunakusqanku lugarmanqa haykunqakuchu.

⁶ Señor Diosqa reqsinmi justo runakunapa ñannintaqa. Ichaqa mana allin ruwaq runapa kawsayninqa wañuymanmi apakun.