3 Yoane 1 - BONKANDA WA NZAKOMBA W’AEYOKO

¹ MPAKA ele Ngayo olangema, ondok’emi eefe nda nsosolo.

² Olangema, mbonda wae oonge nd’aoyi’auma ko okeme nda jonge elenge eonga we nd’olimo.

³ Eki’m’osalanganaka bouke, aki balongo oyaka ko basangaki nsango ea nsosolo eke nk’elenge ekenda we nda nsosolo,

⁴ Mpok’ekemo endekol’ene, wae ndoke bana’akami bayokende nda nsosolo eko.

⁵ Olangema, bolemo wa nko loswele bokambela we balongo b’afaya, okamba bolemo wa nsosolo:

⁶ iyo basangaki nsango ea eefe eke ea lolango nda joso ja Ekelesia: bolotsi wae w’acindeza nda lokendo lokiyo l’elenge endeji la Nzakomba;

⁷ ek’iy’ocwaka nd’eloko ea Lina liko, ko ntabambaki yomba lim’ele Bafaya.

⁸ Nd’ewela eko, sik’iso tamb’anto b’eleng’eko, wae toamane l’iyo nd’olemo wa nsosolo eko.

⁹ Nkotelaki Ekelesia baoyi’amo: lolo Diotulefe, olanga wae ayaleme owa joso el’iyo, afotamb’iso.

¹⁰ Nd’ewel’eko, nkina nje, njifoetola beketo bekae bekel’ende, ayototefeza baoyi’obe: afosukela la baoyi’ako, lolo ende mongo afambe balongo, ko afeka iy’alanga wae baambe, ko aolaoza lim’Ekelesia.

¹¹ Olangema, tokimanake la bobe; lolo kimanaka la bolotsi Okelaka bolotsi ale lim’ele Nzakomba; okelaka bobe ntena Nzakomba.

¹² Demetulio aata lokumo j’olotsi lim’el’ant’auma, ko lima nsosolo eko mongo: onde, ko iso tosanga nsango ngoko: ko wea nsango ekiso ele nsosolo.

¹³ Nki la baoyi’auke baki’m’okelaka wae nkokotele, lolo mpange wae nkokotel’ako la boko la lopi;

¹⁴ lolo ndendeza wete nk’elingi nkene, kela totefelane bomwa l’omwa. Kuci ele we. Balongo bakuola. Uola balongo l’aina.