Masalimo 128 - Mawu a Mulungu mu Chichewa Chalero

Salimo 128

Nyimbo yoyimba pokwera ku Yerusalemu.

¹ Odala ndi onse amene amaopa Yehova, amene amayenda mʼnjira zake.

² Udzadya chipatso cha ntchito yako; madalitso ndi chuma zidzakhala zako.

³ Mkazi wako adzakhala ngati mpesa wobereka mʼkati mwa nyumba yako; ana ako adzakhala ngati mphukira za mitengo ya olivi kuzungulira tebulo lako.

⁴ Ameneyu ndiye munthu wodalitsidwa amene amaopa Yehova.

⁵ Yehova akudalitse kuchokera mʼZiyoni masiku onse a moyo wako; uwone zokoma za Yerusalemu,

⁶ ndipo ukhale ndi moyo kuti udzaone zidzukulu zako. Mtendere ukhale ndi Israeli.