Masalimo 114 - Mawu a Mulungu mu Chichewa Chalero

Salimo 114

¹ Pamene Israeli anatuluka mu Igupto, nyumba ya Yakobo kuchoka ku mtundu wa anthu a chiyankhulo chachilendo,

² Yuda anasanduka malo opatulika a Mulungu, Israeli anasanduka ufumu wake.

³ Nyanja inaona ndi kuthawa, mtsinje wa Yorodani unabwerera mʼmbuyo;

⁴ mapiri analumphalumpha ngati nkhosa zazimuna, timapiri ngati ana ankhosa.

⁵ Nʼchifukwa chiyani iwe unathawa? iwe mtsinje wa Yorodani unabwereranji mʼmbuyo?

⁶ inu mapiri, munalumphalumphiranji ngati nkhosa zazimuna, inu timapiri, ngati ana ankhosa?

⁷ Njenjemera pamaso pa Ambuye iwe dziko lapansi, pamaso pa Mulungu wa Yakobo,

⁸ amene anasandutsa thanthwe kukhala chitsime, thanthwe lolimba kukhala akasupe a madzi.