1 Seenaa 1 - Macaafa Qulqulluu Afaan Oromoo

Dhaloota Addaamii Jalqabanii Hamma Abrahaamitti Lakkaa'aman

¹ Addaam, Sheetin dhalche; Sheet, Enoshin dhalche;

² Enosh, Qayinaanin dhalche; Qayinaan, Mahalaleelin dhalche; Mahalaleel, Yaaredin dhalche;

³ Yaared, Henokin dhalche; Henok, Matusaalaa dhalche; Matusaalaan, Laamekin dhalche;

⁴ Laamek, Nohin dhalche; Nohi immoo Seemin, Kaamin, Yaafetin dhalche.

⁵ Ilmaan Yaafet,<<Gomer, Maagoog, Maada'i, Yaawaan, Tubaal, Meshekii fi Tiiraas>> jedhamu.

⁶ Ilmaan Gomer,<<Ashkenaas, Riifaatii fi Togaarmaa>> jedhamu.

⁷ Ilmaan Yaawaan,<<Eliishaa, Tarshiish, Kitiimii fi Rodaaniim>> jedhamu.

⁸ Ilmaan Kaam,<<Kuush, Misraayim, Fuxii fi Kana'aan>> jedhamu.

⁹ Ilmaan Kuush,<<Saabaa, Hawiilaa, Sabtaa, Ra'imaa fi Sabtekaa>> jedhamu; ilmaan Ra'imaa,<<Sheebaa fi Dedaan>> jedhamu.

¹⁰ Kuush, Niimrodin dhalche; Niimrod kun biyya lafaa keessatti loltuu jabaa isa duraa ture.

¹¹ Misraayim immoo Ludiimin, Anaamiimin, Lehabiimin, Naftuhiimin,

¹² Fatrusiimin, Kasluhiimin isa warri Filiisxiyaa irraa argamanii fi Kaftoriimin dhalche.

¹³ Kana'aan, Sidoonin dhalche; inni ilma isaa isa angafa ture; itti aansee Heetin,

¹⁴ Yibusoon, Amooron, Girgaashon,

¹⁵ Hiiwon, Arqon, Siinon,

¹⁶ Arwaadon, Simaaroo fi Kamaaton dhalche.

¹⁷ Ilmaan Seem, Elaam, Ashuur, Arfaaksaad, Lud, Aaram; ilmaan Aaram immoo, Uz, Hul, Geterii fi Meshek.

¹⁸ Arfaaksaad, Shalaa dhalche; Shalaan immoo Ebeerin dhalche.

¹⁹ Ebeeriif ilmaan lama in dhalatan; bara inni tokko dhalate lafti waan hirmatameef maqaan isaa <<Feleg>> jedhame; [<<Feleg>> jechuun,<<Hiramuu>> jechuu dha;] maqaan obboleessa isaa immoo Yoqxaan ture.

²⁰ Yoqxaan ilmaan in dhalche; isaanis, Almodaad, Sheleef, Hasarmaawet, Yaaraa,

²¹ Hadoraam, Uzaal, Diqilaa,

²² Obaal, Abiimaa'el, Sheebaa,

²³ Ofiir, Hawiilaa fi Yobaab turan; isaan kun hundinuu ilmaan Yoqxaan turan.

²⁴ Dhaloonni Seemii hamma Abraamitti lakkaa'aman kanatti fufanii jiru; Seem, Arfaaksaad, Shalaa,

²⁵ Ebeer, Feleg, Re'uu,

²⁶ Seruug, Naahor, Taaraa,

²⁷ Abraam, innis isa booddee<<Abrahaam>> jedhamee dha.

Ilmaan Ishmaa'el

²⁸ Ilmaan Abrahaam, Yisihaqii fi Ishmaa'el turan.

²⁹ Hiddi dhaloota isaanii kanatti fufee kan jiruu dha; ilmi Ishmaa'el inni angafni Nabaayot, warri booddee immoo Qedaar, Adbii'el, Miibsaam,

³⁰ Miishmaa, Dumaa, Maasaa, Hadaad, Temaa,

³¹ Yetuur, Nafiishii fi Qedimaa turan; isaan kun ilmaan Ishmaa'el.

³² Ilmaan Abrahaam warri Qexuuraa saajjatoo isaa irraa dhalataniif immoo Zimraan, Yokshaan, Medaan, Miidiyaan, Ishbaakii fi Shuwaa turan; ilmaan Yokshaan, Sheebaa fi Dedaan.

³³ Ilmaan Miidiyaan, Efaa, Efer, Henok, Abiidaa fi Elda'aa turan; isaan kun ijoollee warra Qexuuraan hortee dha.

Ilmaan Esaawuu

³⁴ Abrahaam, Yisihaqin dhalche; ilmaan Yisihaq, Esaawuu fi Yaaqoob; Yaaqoob kun isa booddee<<Israa'el>> jedhamee ture.

³⁵ Ilmaan Esaawuu immoo Eliifaaz, Reu'el, Ye'ush, Yaa'alamii fi Qoraahi turan.

³⁶ Ilmaan Eliifaaz, Temaan, Omaar, Zafoo, Gaataam, Qenaz, Tiimnaa fi Amaaleq turan.

³⁷ Ilmaan Reu'el, Naahaat, Zeraa, Shamaa fi Miizaa turan.

Jalqaba Namoota Warra Edoom Keessa Jiraatanii

³⁸ Ilmaan Se'iir, Loxaan, Shobaal, Zibe'on, Aannaa, Diishon, Ezerii fi Diishaan turan.

³⁹ Ilmaan Loxaan, Hoorii fi Hemaam turan; obboleettiin Loxaan immoo Tiimnaa turte.

⁴⁰ Ilmaan Shobaal, Alwaa, Manahaat, Ebaal, Shefoo fi Onaam; ilmaan Zibe'on, Ayyaa fi Aannaa;

⁴¹ ilmi Aannaa, Diishon; ilmaan Diishon immoo Hemdaan, Eshbaan, Yitraanii fi Keraan turan.

⁴² Ilmaan Ezer, Bilhaan, Zaawaanii fi Aqaan turan; ilmaan Diishaan, Uzii fi Aaraan.

Mootota Biyya Edoom

⁴³ Namni mootii ta'ee warra Israa'el irratti mo'u utuu hin argamin, mootonni biyya Edoom irratti mo'an kanatti fufanii in lakkaa'amu; Bel'aa ilma Be'or isa maqaan mandara isaatii Diinhaabaa ture.

⁴⁴ Yeroo Bel'aan du'e, Yobaab ilma Zeraa nama biyya Bozraatu mootii ta'ee iddoo isaa bu'e.

⁴⁵ Yeroo Yobaab du'e, Hushaam nama biyya Temaantu iddoo isaa bu'e.

⁴⁶ Yeroo Hushaam du'e, Hadaad ilma Bedad isa biyya Mo'aabitti warra Miidiyaan harka jala galfatetu iddoo isaa bu'e; maqaan mandara isaa immoo <<Awiit>> jedhama.

⁴⁷ Yeroo Hadaad du'e, Saamlaa nama biyya Masreqaatu iddoo isaa bu'e.

⁴⁸ Yeroo Saamlaan du'e, Shaawul nama biyya Rehobot isa laga Efraaxiis biraatu iddoo isaa bu'e.

⁴⁹ Yeroo Shaawul du'e, Ba'aal-Hanaan ilma Akbortu iddoo isaa bu'e.

⁵⁰ Yeroo Ba'aal-Hanaan du'e, Hadaadtu iddoo isaa bu'e; maqaan mandara isaatii Phaayi, maqaan haadha manaa isaatiis Mahexaabi'el, isheen intala Maxired akkoo Mezahab turte.

⁵¹ Hadaadis in du'e; warri Edoomitti abboota gosaa ta'an warra kanatti aananii jiranii dha; isaanis Tiimnaa, Alwaa, Yetet,

⁵² Oholiibaamaa, Elaa, Phiinon,

⁵³ Qenaz, Temaan, Miibzaar,

⁵⁴ Magdii'elii fi Iraam; isaan kun abboota gosa Edoom turan.