مقتطفات من الزبور 4 - الترجمة اللبنانية مع القافية

دعاء الرثاء للنبي داود (ع)

¹ يا الله، يا واسِع، برحمتَك أنا بريء، يا مفرِّج عليِّ بوقت الضّيق، استجِب لي لمّا بدعيك بترجّاك، بُطلُب رَحِمتَك بِتوسَّل إليك!

² يا عالَم، لأَيمَتى رح تضلّوا شَرفي مْدَنْسين؟ لأَيمَتى رح تْضَلّوا الباطِل حابّين، وْوَرا الكِذب ماشيين؟

³ اعْرِفوا كتير منيح إنّه الله بيخْتار لنفسُه المُخْلِصين، فهوّ بيسمَع دعائي، لأنّي من الصّالحين.

⁴ خافوا الله! وبِكَفّي تْضَلّوا مُذنبين، راجعوا حَالكُن، مع توبة وندم، وإنتو بهدوء قاعدين،

⁵ اعبدوا ربكُن بِكلّ أمانة وعَليه تْوَكَّلوا.

⁶ كتير من المُشَكِّكين يلّي بيسألوا: "مين رح يبعَتِلْنا الخير ويساعِدْنا؟" يا ربّ! شْروق بوجَّك علينا ونوّرنا.

⁷ أنعمْت عْلَيّي وفرَّحِتْني كتير، أكتر من أصحاب البَلاط ويلّي عندُن مال وَفير.

⁸ بكلّ سَلام، بْحُطْ راسي وبنام، لأنَّك يا ربّ يا حَنّان، وَحْدَك بْتوهَبْني الأمان.