مقتطفات من الزبور 23 - الترجمة اللبنانية مع القافية

دعاء الثقة بالله للنبي داود (ع)

¹ الله وكيلي هو مْراعيني، مَعُه ما بْعوز شي لأنّه مْكَفّيني

² عأَراضي خَضرا بْياخِدني، بِرَيّحني، وجنب المَيّ الهادية بْيِهْديني.

³ بِرَيِّح نَفسي بْيِنْعِشْني، ولَسَبيل البِرّ بْيِرْشِدْني، إكراماً لإسمُه الصّادق الأمين.

⁴ وحتّى لو مْشيت بالوادي المُظْلم المُميت، ما بْخاف من الأذى أبداً، لأنّك مَعي يا معين. بْتِحْميني مِتل الرّاعي بْعَصاه، وبْتِهْديني

⁵ سُفْرِة مْلوك بِتْحضِّرلي، علناً إدّام عَدوّيني، بِتْكَرِمّني آخِر كَرَم وبْأعلى تِشْريف بْتِدْعيني

⁶ نَعَم، الخير والوَفا بِرافقوني حتّى مَماتي، ورَح إسكُن في بيت الله كلّ إيام حياتي.