مقتطفات من الزبور 16 - الترجمة اللبنانية مع القافية

دعاء الثقة بالله للنبي داود (ع)

¹ احفظني يا ربّ! أنا فيك بِحْتمي.

² اللهُمَّ بِشهَد: "إنّك سيّدي مولاي، ومن عندَك كلّ نعيمي ونِعَمي".

³ فرِحْتي بكلّ أوليائَك المُختارين يلّي عالأرض هنّ عِبادك الصّالحين.

⁴ ويلّي بْيِعبدوا آلهة تانية حِزنُن رح بِزيد، وأنا ما بقدِّم لآلهتُن الأضاحي، وبْصلاتي ذِكرا عَلساني ما بْريد.

⁵ إنتَ يا ربّ قِسِمْتي وصَلاحي، وفيكْ الحِماية مِنْ كِلّ تَهديد.

⁶ ما أروَع قِسِمتي ونصيبي، جودَك مش قليل.

⁷ بْسَبِّح بإسمُه تعالى لأنّه وحدَه هوّ السّبيل، حتّى بنُصّ الليل بِنوِّر قلبي وبِخَلّيه يْصير دَليل.

⁸ ما عندي شكّ إنّه ربّي هوّ دايماً جنبي، أبداً ما بْخاف لأنّه هوّ وحدَه المُعيل.

⁹ لَهيك قلبي فرحان، ولساني عم بِسَبِّح، فَبْعيش بِأمان.

¹⁰ لأنّك مش رح تِتْرِكْني موت قَبْل الأوان، ولا عبدَك الصّالَح حيعَفِّن بالقبر كمان.

¹¹ نَوِّرْني اللهُمَّ عالصّراط المستقيم، بحضورك مَعي بِفْرح، وبْعيش للأبد أَعْظم نعيم.