Wongoji 1 - BONKANDA WA NZAKOMBA

¹ Baoyi ba Wongoji, bona owa jende owa Dawidi, roi nda Yelusalema.

² Wongoji akela, Joi jʼayanga, baoyi bʼayanga: bauma nkʼayanga.

³ Nkito eatʼonto limʼolemoʼouma bokambʼende ndʼase ba jefa na?

⁴ Eotswelo emo elekaka, ko eotswelo emo eyaka; ko bokili boyalema seko.

⁵ Jefa likyeka, ko jefa jilaka, ko likaolaka wae likite nda wiji bokya liko.

⁶ Bompompo bokumbaka nda sud, ko bokengwa nda nord: boko bokengwa nda mboka elekʼoko, ko bompompo wutaka lenkina nda belingola biʼoko.

⁷ Ntando iuma ielaka lieke jʼokwa, lolo lieke jʼokwa ntayolaka to; ndʼitenela icwa ntando, icwaka lenkinʼeko.

⁸ Baoyiʼauma bokanʼompele mongo; bonto afosangeya ngoko: liso ntalikindaka la njeena, ko litoi ntalikindaka la ndooka.

⁹ Joi lindielaki wete liko lindiela life ko joi likelamaki wae likelame life: nko joi jʼaeyoko ndʼase ba jefa nye.

¹⁰ La, bolemo bolʼqko bokelʼanto, Bala, bone bole wʼaeyoko nde?” boko boki eko nda bikeke biki nda joso likiso.

¹¹ Nko jofwa ja biotswelo biki joso, ko nko jofwa life ja biotswelo biye, elʼiyo bandiela ndʼafeka.

¹² Emi Wongoji nki roi ea Yisalaele nda Yelusalema.

¹³ Ndilakʼotema wae ndase ko ndosole la wanya ndʼewela ea baoyiʼauma bakelamaka ndʼase ba loola: Nzakomba aokaya bana bʼanto bolemo wa elo mongo wete bakambe boko.

¹⁴ Emi njolena belemo beuma bekambemaka ndʼase ba jefa; ko bala, bouma bole nkʼayanga ko la nkimana la bompompo.

¹⁵ Liko lile la likumba, lifosembweya ci: ko liko lisamba lifoandemeya.

¹⁶ Nkanelaki ndʼotemaʼokami mongo, nkelaki, “Bala, njoata wanya bouke bolekola bauma baki nda joso likami nda mpifo nda Yelusalema: onde, botemaʼokami bolena bofula wa wanya la njea.”

¹⁷ Koko ndilakʼotemaʼokami wete njea wanya, ko njea toonte la bolole: ko njokotola wae liko ngoko liki nko nkimana la bompompo.

¹⁸ Ncina wete lokeseli jouke lole nda wanya bouke: ko ende ofuzaka njea afuzaka lokeseli.