Nauma 1 - BONKANDA WA NZAKOMBA

Isei ya Nzakomba ele banto bakae, ko efltanelo ea Ninewe

¹ Lotelo ndʼewelʼea Ninewe, Bonkanda wʼenelo ea Nauma, Bo-Elekose.

² Yawe ale Nzakomba ea jua, ko asombolaka nkele; Yawe asombolaka nkele, ko aokama lʼolemo wa ndalemwa: Yawe asombolaka nkele ele basukiʼakae, ko aombelaka bainiʼakande nkele o mbaomba.

³ Yawe oka nkele la lokuto, ko aokaka la mpamba, ko afaolongya okwei likambo nye: Yawe ale la mboka ekande ndʼefeele la ndʼompompo, ko batute bale biucu bia bakaka bakae.

⁴ Ende afelaka lieke jʼokwa lofeli, ko akaseyaka liko; ko akaseyaka ntando iuma: Basana aolokwa loko, la Kalumela ngoko, ko lobya ja Lebanona jonyeela.

⁵ Ngongo ya ntale yofuka lʼende, ko ngongo yolangwa lango; bokili bofuka nda joso likae, o nde benanga beuma lʼiyʼauma bayala nda beko.

⁶ Osʼemaleya nda joso jʼolemo bolemwʼende na? Oyalemeya nda nkele ekae ea ngangala na? Nkele ekae ea ngangala eolutezama nga tsa, ko bikenje biooza lʼende.

⁷ Yawe ale bolotsi, lokombo ja bolo nda mbile eʼelo; ende aolea bako bandilʼotema elʼende.

⁸ Lolo ende ifomelenganya basuki akande lʼefembelo eʼasi o o mpafemba, ko ifokima bainiʼakae nda wilima.

⁹ Wango bondangelʼinyo Yawe na? Ende ifosiza fe; elo efauta jenya wenya wʼefe.

¹⁰ Mpeka la iyo bale nga baeke batongani, ko balangwa nda limeli likiyo, bifosizama fe ngole bailo bakasaki.

¹¹ Bontʼalʼeko, aolola limʼele we, asangeza Yawe bobe, angaka wango wa bobe.

¹² Yawe akela ngone: Mpeka la baokaka la mpamba ko bale bauke ngoko, bifotenya nkako, ko bimane. Mpeka la nkeneyakʼelo, mpaokeneya lenkina elo nye.

¹³ Ko aeyoko mbole joug ekae limʼele we, ko ntene bikata bike se.

¹⁴ Yawe aosisa bosise ndʼeloko eke, wae nkʼomo ondonama owa lina like: njifimolʼefoya ea nsasenga ko lʼefoya ea nduteza limʼilombe ya nzakomba ike; njifokocimela likila: ele we bobe mongo.

¹⁵ Bala nda ngongo, bakaka bakande oyelaka besako biʼolotsi, ondongozaka kuci! O Yuda, fonga bilambo bike, ieza bilaka biki wʼocikaka: la ncina wete owʼobe afaotuwana lenkina ele we; ende aotenya se.