Matayo 1 - BONKANDA WA NZAKOMBA

Bonkokoolo wa Yesu Masiya

¹ Bonkanda wa lioci ja Yesu Masiya, bona owa Dawidi, bona owa Abalayama.

² Abalayama aotaki Yisaka; ko Yisaka aotaki Yakoba; ko Yakoba aotaki Yuda la batomolo lʼakuneʼakande;

³ ko Yuda aotaki Pelese la Zela, bana ba Tamala; ko Pelese aotaki Eselone; ko Eselone aotaki Lama;

⁴ ko Lama aotaki Aminadaba; ko Aminadaba aotaki Nasona; ko Nasona aotaki Salamona;

⁵ ko Salamona aotaki Boaza, bona owa Laba; ko Boaza aotaki Obede, bona owa Luta; ko Obede aotaki Yisai;

⁶ ko Yisai aotaki Dawidi Roi. Ko Dawidi aotaki Solomo, bona owʼomoto oki waji owa Uliya;

⁷ ko Solomo aotaki Labama; ko Labama aotaki Abiya; ko Abiya aotaki Asa;

⁸ ko Asa aotaki Yosapata; ko Yosapata aotaki Yolama; ko Yolama aotaki Uziya;

⁹ ko Uziya aotaki Yotama; ko Yotama aotaki Aza; ko Aza aotaki Izikiya;

¹⁰ ko Izikiya aotaki Manase; ko Manase aotaki Amosa; ko Amosa aotaki Yosiya;

¹¹ ko Yosiya aotaki Yekonya lʼakuneʼakande ndʼekekʼekʼiyʼotombamaka nda Babulona.

¹² Ndʼafeka, akiʼyʼotombamaka nda Babulona, Yekonya aotaki Salatiele; ko Salatiele aotaki Zelubabela;

¹³ ko Zelubabela aotaki Abiuda; ko Abiuda aotaki Eliyakima; ko Eliyakima aotaki Azola;

¹⁴ ko Azola aotaki Sadoka; ko Sadoka aotaki Akimi; ko Akimi aotaki Eliuda;

¹⁵ ko Eliuda aotaki Eleazala; ko Eleazala aotaki Matana; ko Matana aotaki Yakoba;

¹⁶ ko Yakoba aotaki Yosefa bome owa Malia, ootaki Yesu, otangema Masiya.

¹⁷ Elengʼeko ndatsa Abalayama la Dawidi baoci jom la banei; ko ndatsa Dawidi lʼekeke ekiʼyʼotombamaka nda Babulona baoci jom la banei; ko ndatsa ekeke ekiʼyʼotombamaka nda Babulona la Masiya baoci jom la banei.

Elotswelo ea Yesu

¹⁸ Eotswelo eki Yesu Masiya eki ngone; aki nyango ekande Malia oandema la Yosefa, atafʼiyʼoamana waji lʼome, aki la jemi la Bolimo wʼoeko.

¹⁹ Koko Yosefa, bome okande, aki bonto owa liongi, ko ntalanga jokyʼende nsoi lʼesayenge, asangya joimolʼende la lokuko.

²⁰ Lolo akiʼndʼokanela baoyiʼane, bala, ekima ea Nkolo aolenya elʼende nda liloto, aokela, Yosefa bona owa Dawidi, toangake lokola Malia wae ayaleme waji oke; ende ale la jemi la Bolimo wʼoeko.

²¹ Ko ende ifoota bona owa jende, ko wifilʼende lina YESU; elʼende ifoikya bantʼakande limʼaoyiʼobe bakiyo.

²² Baoyiʼane bauma baoliela wete baoyi baki Nkolo osangaka la boteli bakelame, aokela,

²³ Bala, bomoto otafoamana la jende ifofoswa jemi, ko ifoota bona owa jende ko bifilʼende lina Imanwele; lile wae Nzakomba ale lʼiso.

²⁴ Yosefa aoetswa limʼaisilo ko aokela ngoki ekima ea Nkolo olakaka, ko aokola waji okande;

²⁵ ko ntaamana Tende elaka nko aoota bona owa jende, ko aoloila lina Yesu.