Jabuli 1 - BUK OBAŊA ACIL AME OLWOŊO NI BAIBUL AME OGEO LOKO I LEB LAŊO

BUK ME AGEGE ( Jabuli 1–41 ) Jo a kitegi atira kede jo areco

¹ Ŋat a mom winyo tam a jo areco tye kede winyo, a mom koporo kite obalo, a mom bedo karacel i wegi aŋale;

² ento maro gire cik a Rwot; ame bedo lwodo i cunye dyeceŋ kede dyewor,

³ Dano-nono calo yat ame odoŋo i ŋet kulo, ame nyako nyige i kare mere ikome, dok pote daŋ mom ner, ginnoro luŋ ame en timo cobere kakare.

⁴ Cite otim tim areco mom tye kittono, gin ocalo cuŋ kal ame yamo kolo oko.

⁵ Mannono omio otim tim areco mom bino cuŋ i kare me ŋolo kop; dok obalo mom bino ribere i jo a kitegi atira.

⁶ Pien Rwot gwoko jo ame kitegi atira, i yogi luŋ; cite yo ame jo areco lubo terogi i can.