Mataio 1 - Iesu Keriso imo pai-dubi naiba kitouti dubu nou pai mea 1941

¹ Nouri Iesu Keriso Gu oubi painari. Nouvia Davida mereri naiba Aberahamo mereri.

² Aberahamoro Isaka ahomai; Isakaro Iakobo ahomai; Iakoboro Iuda ina Iuda niamamio naibaha iahomai.

³ Iudaro Paresara Sarara iahomaimama. Tamaro irotomama; Paresaro Esarona ahomai; Esaronaro Arama ahomai;

⁴ wia Aramaro Aminadaba ahomai; Aminadabaro Naasona ahomai; Naasonaro Salamona ahomai;

⁵ Salamonaro Boasa ahomai, Rahabaro oroto; Boasaro Abeda ahomai, Rutaro oroto; Abedaro Iese ahomai;

⁶ Iesero Davida ahomai, nouri nou Pai‐duburi. Davidaro Solomona ahomai, Uria o’boai nouro oroto.

⁷ Solomonaro Rehoboamu ahomai; Rehoboamuro Abia ahomai; Abiaro Asa ahomai;

⁸ Asaro Iosepata ahomai; Iosepataro Iorama ahomai; Ioramaro Osia ahomai;

⁹ Osiaro Iotama ahomai; Iotamaro Ahasa ahomai; Ahasaro Hesekia ahomai;

¹⁰ Hesekiaro Manasa ahomai; Manasaro Amona ahomai; Amonaro Iosia ahomai;

¹¹ Iosiaro Iekonia ina Iekonia niamomio iahomai, nou ta’uwa neiio Babuloniaito iaubuaumo.

¹² Ina Babuloniawa kemidio ta’ui oboiri, dooudo Iekoniaro Salatiela ahomai wia Salatielaro Serubabela ahomai;

¹³ Serubabelaro Abiuda ahomai; Abiudaro Eliakima ahomai; Eliakimaro Asora ahomai;

¹⁴ Asoraro Sadoka ahomai; Sadokaro Akima ahomai; Akimaro Eliuda ahomai;

¹⁵ Eliudaro Eleasa ahomai; Eleasaro Matana ahomai Matanaro Iakobo ahomai.

¹⁶ Iakoboro Iosepa ahomai, Maria uramuri wia Mariaro Iesu naibaha oroto ina oubio nou aiahooumo, Keriso.

¹⁷ Mabu nouri auwoha ageiio Aberahamoudo Davidaido, nouvia 14 ageiio; wia auwoha ageiio Davidaudo Babuloniaito kiaubuai hiwio’i nouowa, nouvia 14 ageiio; wia auwoha ageiio Babuloniaito kiaubuai hiwiowa Kerisoido, nouvia 14 ageiio.

¹⁸ Iesu koroto hiwio nou naibaha o’uro. Nou mamu paina Maria, Iosepa emapoumo Iosepa o’boari; ina opuito neiti idabuai biahai, nou umo naibaha oiti Maria niroro naibaha ahioti, Tana‐urioro ahomai.

¹⁹ Wia Maria uramo Iosepa nou dubu meari, nouri nou niro biahai nou hipo owai; nouro aiararomo nou piroha ahoiouti.

²⁰ Ina nou naibaha araromo, Iehova gururu‐mere na’u nouro hiwoito naibaha eauri wia nouro naiba aro: Iosepa, Davida mereri, ro tore kaati biahai ro o’boa Maria ro motoito aubuaiwa, mabu nouri nana nou mere daimowa emidio nou Tana‐urioudo o’uro.

²¹ Ina do’o, ohio nou aiwarotoi wia roro nou paina aiwai‐dodoi Iesu, mabu nouri nou himia oubi nei himia ubauba kidiaudo nouro aiwaiitouti.

²² Nouri nana auwoha tau o’umo nouri kiao wade naiheha iwai, naiba Iehovaro peroveta dubu maataudo tau aro; nou naiba iaowa:

²³ Taauri: Behe nou merero niro aiwahioti, Ina ohio nou aiwarotoi wia neiio nou paina aiwaimo‐idodoi Imanuela; wade nouri owaevia naiba, Iehova imomuri.

²⁴ Wia Iosepa uwomoudo naibaha o’ibua wia naiba Iehova gururu‐mere nouido nou emapoi nourowia nou aibo idodiai, wia nou himia o’boa nouido naibaha owaiwai;

²⁵ ina nou noumu iro’utimama biahai, opuito nou morio mere naibaha oroto: wia nou paina nouro naibaha idodo, IESU.