Epeso 1 - Iesu Keriso imo pai-dubi naiba kitouti dubu nou pai mea 1941

¹ Mo Paulo, Iesuro kotiodoi mereri tana oubido Epesowa, nouri oubi nei naihehari Iesu Kerisomu.

² Niainiai kiwabatuti wia amea rioido mo’umo. Iehova imo Abea wia Pai‐dubu Iesu Keriso neiti mabudo.

³ Imo Pai‐dubu Iesu Keriso, nou himia Urio‐abea wia Kahomai‐abea, geii na nouido mo’umo, nouri Nouvia imo geii tauniwai Kerisomu, urio geii nana auwoha nou ramu.

⁴ Nou imo noumu tau niahuetaumo nou ta’uwa batibati kotoi na ia biahai, nouri imo tana nouwa nimowai wia soviori nou himia idomaito.

⁵ Tauotauo imo nouro naibaha niapoi nou himia mereri, Iesu Kerisomu, nouri nou niro wia nou geii emahebidiowa nou aibo idodiai.

⁶ Nou naibaha nimapoi, nou himia auwo mea kiwabatuti emabitimoi, nouri kiwabatuti na’i nouro imoido tau nimaairo nou himia auwo niro mere noumu.

⁷ Imo himia kiitouti na’i imoo ainiworohodumo nou himia sawi noudo, nou tauwa imo noumuri. Imo himia ubauba kidia kiipiti na’i imoo ainiworohodumo mabu nouri nou himia niainiai kiwabatuti nou auwo auwori.

⁸ Nouri niainiai kiwabututi na’i nouro imoido tau nimaatiro godogodori, imini mea nana’i auwoha ramu wia umokoi‐tuti na’i auwoha nou ramu.

⁹ Nou himia piroha niro na’i nouro imo umo tau niwai, nouri kidodiai na’i nou himiaro naibaha iraromo, nou imoido iwaevia.

¹⁰ Nou ta’uwa naiheha ta’ui o’uwa, toborowa nana’i auwoha wia hopowa nana’i auwoha, na’u na aibo, Iesu Kerisomu, nou niro idabuai.

¹¹ Kerisomu mainaro; Imo himia kirahoo bati nou imoido tau nimapoiro noumuri, naiba nou airaromotuti tauo tauori, Nouvia nana auwoha idodiaiwatuti naiba nou niro nou himia iminito.

¹² Nou himia moari kemabiti na’i nou niro imo auwo niimo emabitidiomoi, mabu nouri imo Iesuido opuito kararomodio oubiri.

¹³ Wia rioo tau irovidioumo, nouri naiheha kowaduuti wade rio himia kiitouti pai‐mea; ina rio nouido tau iraromodioumo rio noumu tau oweaumo Tana‐urio kowateai wade modoboi.

¹⁴ Nouri nei imo kirahoo bati kemidai nari, wia opoito kemaai nari, wia imo tana na’i imoo nouowa niviaumo ina nou himia moarito kemabiti na’i auwo nouwa noweaumo.

¹⁵ Rio kiraromodio na’i Pai‐dubu Iesumu wia rio niro kemahebidio na’i tana‐oubi auwohaido, moro tau nirovidio.

¹⁶ Nouri hiwio auwoha moro Iehovido ainemabitidio mabu rioidori, nou tauwa rio himia paina’i moro ainimahoodio mo kirodumea wadeito.

¹⁷ Imo Pai‐dubu Iesu Keriso, nou himia Urio‐abea, nouri tiaha mea Abea, imini meaha wia kiwaevia‐urio’i nouro rioido aiwaimapoiwai nouri rio nou himiaido umoitimoi.

¹⁸ Rio himia giopu idomai pida iwaimoi, nouri rio umoitimoi nouri kemahebidio na’i nouro imo ainimorourou, wia nouri meamea nana horohoro’i nou himia kirahoo nana tana‐oubimu.

¹⁹ Wia nou himia tiaha pupuo nana imoido nou himia kiraromodio oubi, nou himia auwo pupuo kiwaati na’i.

²⁰ Naiba nou kidodiai Iesu Kerisomu nou ta’uwa nouro nou koihiaudo naibaha itorai wia nou himia tuiha hapuowa naibaha edea, toboro batibatiwa.

²¹ Nouvia opuitori pai‐oubi auwoha wia kemapoioubi auwoha wia pupuo‐ubi auwoha wia kiwotoi‐oubi auwoha, wia nouvia opuitori auwoha paina oubio naibaha idutiwaumo; batibatinu nei gauwoha biahai, batibati amida do’o nei aiwaumo’ui.

²² Wia nana auwoha nou kono gorowa nouro tau idiamo, wia nouro nou Pai aibo edea, nana auwoha Ekalesiaido.

²³ Nouri Ekalesia nou nou himia gohori, nou tau iapeuti nou himiamu ina nouvia batibati auwoha naibaha iapeuti.