Nehemi 7 - Sră Goh 2018

Khà làng bol Israel rê wơl hơ Juda bal mơ Jerubabel

¹ Tòm tŭ dơrñang neh bơt mơ añ neh ơn ală pang mpồng, mơ ală cau sền gàr mpồng, ală cau đơs chò mơ ală cau Lebi neh geh pồ bơtào,

² gen añ jào Hanani oh añ gơs broă at bồ hơđang Jerusalem, bal mơ Hanania cau kwang at bồ ƀòn dờng, bơh khai la cau dòn song mơ duh rngòt di Yàng Tom Trồ rlau mơ oă cau ndai.

³ Añ đơs mơ bol khai lah: “Ală mpồng ƀòn Jerusalem ò geh pò jơl tus di tŭ mattơngai neh duh, tòm tŭ ală cau kơp mpồng gam ơm ntào kơp gàr, gen bol khai rơp til mpồng mơ kal wơl. Sac rwah tĕ cau kơp gàr bơh digùl làng bol ơm tòm Jerusalem, cau ƀà ơm tòm tiah kơp gàr bol khai dê, cau ƀà kơp gàr di đap hìu tòm bol khai dê.”

⁴ Ƀòn hơ̆ la dờng mơ ơnàng, ai làng bol tòm dơlam gơ gơs mìng dô êt, mơ ală hìu gen òhềt geh bơt bơtào.

Sơnđan ală cau rê wơl hơ ƀòn tòm

⁵ Gen Yàng Tom Trồ chồl ơn tòm nùs añ, pơjum ală cau dờng màng, ală cau kwang at bồ, mơ làng bol geh cih sơnđan jat jơi bơtiàn. Añ neh bàn sră cih sơnđan jơi bơtiàn ală cau neh rê dơ̆ sơnròp, mơ añ gŏ neh cih jat be do lah:

⁶ Do la ală làng bol bơh kơnhwàl la ală cau neh kong kup cèng pơrdô hơ lơgar ngài, bơh bơtau Nebukatnessar bơtau Babilôn dê neh kup cèng. Bol khai rê wơl hơ Jerusalem mơ Juda kòp nă tus hơ ƀòn tòm khai dê.

⁷ Bol khai rê wơl bal mơ Jerubabel, Jesua, Nehemi, Ajaria, Raamia, Nahamani, Mordekai, Bilsan, Misperet, Bikbai, Nehum mơ Baana. Do la khà ală cau klau làng bol Israel dê:

⁸ Kòn sau Parôs, bàr rbô dô rhiang poh jơt bàr nă.

⁹ Kòn sau Sephatia pe rhiang poh jơt bàr nă.

¹⁰ Kòn sau Arah prau rhiang pram jơt bàr nă.

¹¹ Kòn sau Pahat Môap hơ̆ la kòn sau Jesua mơ Jôap bàr rbô phàm rhiang jơt phàm nă.

¹² Kòn sau Elam dô rbô bàr rhiang pram jơt poan nă.

¹³ Kòn sau Sattu, phàm rhiang poan jơt pram nă.

¹⁴ Kòn sau Jakai poh rhiang prau jơt nă.

¹⁵ Kòn sau Binnui prau rhiang poan jơt phàm nă.

¹⁶ Kòn sau Bebai prau rhiang bàr jơt phàm nă.

¹⁷ Kòn sau Agat bàr rbô pe rhiang bàr jơt bàr nă.

¹⁸ Kòn sau Adônikam prau rhiang prau jơt poh nă.

¹⁹ Kòn sau Ejekia bàr rbô prau jơt poh nă.

²⁰ Kòn sau Adin prau rhiang pram jơt pram nă.

²¹ Kòn sau bơh jơi bơtiàn Ejekia, gơs sin jơt phàm nă.

²² Kòn sau Hasum pe rhiang bàr jơt phàm nă.

²³ Kòn sau Bejai pe rhiang bàr jơt poan nă.

²⁴ Kòn sau Harip dô rhiang jơt bàr nă.

²⁵ Kòn sau Gabaôn sin jơt pram nă.

²⁶ Tòm ală cau Betlehem mơ Netôpha, dô rhiang phàm jơt phàm nă.

²⁷ Bơh ală cau Anatôt dô rhiang bàr jơt phàm nă.

²⁸ Bơh ală cau Bet Asmabet poan jơt bàr nă.

²⁹ Bơh ală cau Kiriat Jearim, cau Kephirah mơ cau Beerôt poh rhiang poan jơt pe nă.

³⁰ Bơh ală cau Rama mơ Geba prau rhiang bàr jơt dùl nă.

³¹ Bơh ală cau Mikmas dô rhiang bàr jơt bàr nă.

³² Bơh ală cau Betel mơ Ahi dô rhiang bàr jơt pe nă.

³³ Bơh ală cau Nebô ndai, pram jơt bàr nă.

³⁴ Kòn sau Elam ndai dô rbô bàr rhiang pram jơt poan nă.

³⁵ Kòn sau Harim pe rhiang bàr jơt nă.

³⁶ Kòn sau Jerikô pe rhiang poan jơt pram nă.

³⁷ Kòn sau Lot, Hadit mơ Ônô, poh rhiang bàr jơt dùl nă.

³⁸ Kòn sau Sena pe rbô sin rhiang pe jơt nă.

³⁹ Ală cau gơnoar ơn phan duh khoai: Kòn sau Jedaja, hìu Jesua sin rhiang poh jơt pe nă.

⁴⁰ Kòn sau Imer dô rbô pram jơt bàr nă.

⁴¹ Kòn sau Pasur dô rbô bàr rhiang poan jơt poh nă.

⁴² Kòn sau Harim dô rbô jơt poh nă.

⁴³ Cau Lebi: Kòn sau Jesua mơ Katmiel bơh jơi bơtiàn Hôdeba poh jơt poan nă.

⁴⁴ Cau đơs chò: Kòn sau Asap dô rhiang poan jơt phàm nă.

⁴⁵ Cau sền gàr mpồng: Kòn sau Salum, kòn sau Ate, kòn sau Talmôn, kòn sau Akup, kòn sau Hatita mơ kòn sau Sôbai dô rhiang pe jơt phàm nă.

⁴⁶ Cau Nethinim: Kòn sau Jiha, kòn sau Hasupa, kòn sau Tabaôt.

⁴⁷ Kòn sau Kerôs, Sia, Padôn.

⁴⁸ Kòn sau Lebana, kòn sau Hagaba, kòn sau Salmai.

⁴⁹ Kòn sau Hanan, kòn sau Gidel, kòn sau Gahar.

⁵⁰ Kòn sau Reaya, kòn sau Rejin, kòn sau Nekôda.

⁵¹ Kòn sau Gajam, kòn sau Uja, kòn sau Paseah.

⁵² Kòn sau Besai, kòn sau Meunim, kòn sau Nephusim.

⁵³ Kòn sau Bakbuk, kòn sau Hakupha, kòn sau Harhur.

⁵⁴ Kòn sau Baslit, kòn sau Mehida, kòn sau Harsa.

⁵⁵ Kòn sau Barkôs, kòn sau Sisera, kòn sau Temah.

⁵⁶ Kòn sau Nejia, kòn sau Hatipha.

⁵⁷ Jơi bơtiàn ală cau duh broă Salômôn dê: kòn sau Sôtai, kòn sau Sôpheret, kòn sau Perida.

⁵⁸ Kòn sau Jaala, kòn sau Darkôn, kòn sau Gidel.

⁵⁹ Kòn sau Sephatia, kòn sau Hattil, kòn sau Pôkeret Hajebaim, kòn sau Ammôn.

⁶⁰ Pơjum bal ală cau Nethinim mơ kòn sau ală cau duh broă Salômôn dê, la pe rhiang sin jơt bàr nă.

⁶¹ Do la ală cau ơm bơh Tel Melah, Tel Harsa, Kerup, Adôn, mơ bơh Ime, mơya bol khai ò rgơi lơh cơng hìu ồng pàng bol khai dê mơ jơi bơtiàn bol khai dê la gơrê bal mơ Israel:

⁶² kòn sau Delaya, kòn sau Tôbiah mơ kòn sau Nekôda, kung prau rhiang poan jơt bàr nă.

⁶³ Tòm ală cau gơnoar ơn phan duh khoai: kòn sau Habayah, kòn sau Hakôs, kòn sau Barjilai, la cau tòmbau mơ kòn ùr Barjilai, cau Galaat, mơ geh tơmoh mơ sơnđan hơ̆.

⁶⁴ Ală cau hơ̆ cih tơmut bol khai tòm sră cih sơnđan jơi bơtiàn, mơya jòi ò gŏ, behơ̆ bol khai kòl tă tơlik bơh gơnoar broă ơn phan duh khoai, kòp be la ò goh.

⁶⁵ Cau kwang at bồ lơgar bơkơ̆u bol khai sa ală phan sàng goh jơl tus gơs dô nă cau gơnoar ơn phan duh khoai ngui Urim mơ Thumim rơp tus.

⁶⁶ Jơh mpồl jơnum pơjum wơl la poan jơt bàr rbô pe rhiang prau jơt nă,

⁶⁷ rlau mơ ală dĭ klau dĭ ùr làng bol dê, khà bol khai la poh rbô pe rhiang pe jơt poh nă. Bol khai kung gơs bàr rhiang poan jơt pram nă ùr klau đơs chò.

⁶⁸ Bol khai gơs poh rhiang pe jơt prau nơm ơseh, bàr rhiang poan jơt pram nơm alàng,

⁶⁹ poan rhiang pe jơt pram nơm làkđa, mơ prau rbô poh rhiang bàr jơt nơm alàng jơi dềt.

⁷⁰ Gơs cau ƀà tòm ală cau at bồ hìu nhă ai phan nàng dong tòm broă lơh. Cau kwang at bồ kơnhwàl ơn tòm đam dô rbô darik màh (dô darik la pe cìh), pram jơt nơm cờu mơ phàm rhiang pe jơt nơm ào cau gơnoar ơn phan duh khoai.

⁷¹ Gơs cau ƀà at bồ hìu nhă ơn tòm đam broă lơh bàr jơt rbô darik màh, bàr rbô bàr rhiang mina priă (dô mina la bàr darik),

⁷² Mơ làng bol gam wơl gen ơn bàr jơt rbô darik màh, bàr rbô mina priă mơ prau jơt poh nơm ào cau gơnoar ơn phan duh khoai.

⁷³ Behơ̆ ală cau gơnoar ơn phan duh khoai, ală cau Lebi, ală cau sền gàr mpồng, ală cau đơs chò, ƀà làng bol, ală cau duh broă hìu duh khoai dê, mơ jơh làng bol Israel ơm tòm ală ƀòn tòm bol khai dê. Ejra sền bơta boh lam làng bol in mơ bơtào wơl bơta ho bal. Tòm tŭ kơnhai poh neh tus gen làng bol Israel ơm tòm ală ƀòn tòm bol khai dê.