SALM 3 - Khasi CL Bible (BSI)

Ka jingduwai step ban ïoh jingïarap

¹ Nga don bun bah ki nongshun, A Trai, Ki bun katta katta kiba ïeng pyrshah ïa nga!

² Ki kren shaphang jong nga bad ong, “U Blei un ym ïarap ïa u.”

³ Hynrei ma me, A Trai, me long borabor ka stieh jong nga na ka jingma; me ai ha nga ka jingjop, bad me pynïoh pat ïa ka jingshlur jong nga.

⁴ Nga kyang ha U Trai ban ïoh jingïarap, bad na u lum bakyntang jong u, u jubab ïa nga.

⁵ Nga dem bad nga thiah, bad baroh shi miet U Trai u da ïa nga.

⁶ Ngam sheptieng ïa ki hajar ki nongshun kiba ker sawdong ïa nga na ki liang baroh.

⁷ To wan, A Trai! To pyllait im ïa nga, A U Blei jong nga! Pynshitom ma me ïa ki nongshun jong nga baroh, bad ieh ïa ki khlem bor ban pynmynsaw ïa nga.

⁸ Ka jingjop ka wan na U Trai — to un kyrkhu ïa ki briew jong u.