Matthew 1 - Haida Matthew Luke John and Acts 1891-99

Chaptergē Swaunshung.

¹ JESUS CHRIST gwudistahānḡē kogīnēu īching: David kitu il idjan, waigen Abraham kit ishin.

² Abraham Isaac kaiang; waigen Isaac Jacob kaiang; waigen Jacob Judah kaiang, waigen il tuanalung ishin;

³ Waigen Judah Tamar stāhā Perez kaiang, waigen Zerah ishin: waigen Perez Hezron kaiang, waigen Hezron Ram kaiang:

⁴ Waigen Ram Amminadab kaiang: waigen Amminadab Nahshon kaiang; waigen Nahshon Salmon kaiang;

⁵ Waigen Salmon Rahab stāhā Boaz kaiang: waigen Boaz Ruth stāhā Obed kaiang;

⁶ Waigen Obed Jesse kaiang; waigen Jesse King David kaiang;

⁷ Waigen David Uriah chā stāhā Solomon kaiang;

⁸ Waigen Solomon Rehoboam kaiang; waigen Rehoboam Abijah kaiang; waigen Abijah Asa kaiang; waigen Asa Jehoshaphat kaiang; waigen Jehoshaphat Joram kaiang;

⁹ Waigen Joram Uzziah kaiang; waigen Uzziah Jotham kaiang; waigen Jotham Ahaz kaiang; waigen Ahaz Hezekiah kaiang;

¹⁰ Waigen Hezekiah Manasseh kaiang: waigen Manasseh Amon kaiang; waigen Amon Josiah kaiang;

¹¹ Waigen Josiah Jechoniah kaiang, waigen il tuanalung ishin; waigen ashgē timegē gud Babylon tligē ā ltha ltha istaodzouāni.

¹² Waigen Babylon tligē ā ltha ltha istaiang silīd, Jechoniah Shealtiel kaiang; waigen Shealtiel Zerubbabel kaiang;

¹³ Waigen Zerubbabel Abiud kaiang; waigen Abiud Eliakim kaiang; waigen Eliakim Azor kaiang;

¹⁴ Waigen Azor Sadoc kaiang; waigen Sadoc Achim kaiang; waigen Achim Eliud kaiang;

¹⁵ Waigen Eliud Eleazer kaiang; waigen Eleazer Matthan kaiang; waigen Matthan Jacob kaiang;

¹⁶ Waigen Jacob Joseph kaiang Mary tlāl ā, waigen lā stāhā Jesus tlakaiang, waigen Christ hinu il kēyang.

¹⁷ Gwudistakānḡē wautliwan Abraham stāhā David ā gwudistakānḡē klāalth wok stanshangang: waigen David stāhā Babylon tligē ā ltha ltha istatālangtlo gwudistakānḡē klāalth wok stanshangang; waigen Babylon tligē ā ltha ltha istaiang stāhā Jesus Christ ā gwudistakānḡē klāalth wok stanshangang.

¹⁸ Itan Jesus Christ tlakaiangtlo, Mary il ou Joseph ināsangang, waigen gwu il inēlthawē kwunast Hānts Las alth il telthkiāyēlan.

¹⁹ Waigen Joseph il tlāl kwutungē skwunaiang, waigen ltha hangku il tlaēdāgē kum il gwulaangang, il dāngkwolthtiē tlou il gwulāgang.

²⁰ Waigen houān ā kin isis addu il kwulthilgundang, kwoking, Shālānā giē Angelgē la an kātlang il kungaiāni, waigen hinū il shouan, Joseph, David kitu dung īching, altsīilth kum Mary chā unga an istiē ga lth lthwaugāng, Hānts Las alth il telthkiēlths althlā.

²¹ Waigen il kit kaiashang, waigen Jesus hin lā dung kēyādāshang, il touilung kin dāunga istas stāhā il kagindāsēsi althlā.

²² Tliku Shālānā nung Prophet ga shouan kingān adshi wautliwan ēlthkigang, waigen hinū il shouan,

²³ Kwoking, nung chitlthlingā nung hāhutsu telthkiashang waigen lā il kaiashang, waigen Immanuel hin lā ltha kēyādāshang; waigen Immanuel Shānungetlagidas ītil alth stungs hinū ēdung.

²⁴ Itan Joseph il kattaiang stāhā il kātlouang, waigen tliku Shālānā giē Angelgē lā ga shouan kingānu il waugang, waigen chā unga kinung an il istaiang.

²⁵ Kum lā alth il tīdaangang il kit kaiasēs kwunast; waigen Jesus hin lā il kēyādaiang.