Lukka 1 - Geji New Testament Portions

Ndat zhila ga̱ɓa

¹ Mbala̱n wonti lish ga̱ɓa ten ilgwe pi ka̱ tlo ga̱na̱n wu.

² Sa̱ lish ilgwe ma̱ kumi mal ma̱jwe yeni na̱ gwel gwasa̱n tet ten ndat zhile wu, a zhel ma̱n dla̱mti ga̱ɓa ga̱ Nya ka̱ɗe si.

³ Yek laki, ami mago a bodla̱l ga̱ɓe i'e wugo, yek a yeni go mbun ɗe ta lishik kangwe ni wu, ma̱n nalti Tiyopolos,

⁴ ta̱k yisi ɗe ilgwe ka̱ kumi go gem ka̱n.

Yen shinti ga̱ Nya dla̱m za̱t ga̱ Yohana ma̱n baptisma

⁵ Ka̱ gin gwe ɗe Hiridus ni ɗe guu ka̱ atl ga̱ Yehudiya wu, ma̱n pa̱lti wul ka̱ lubii ga̱ Nya gon, asa̱ mbet ɗe Zakariya, gwe ni ka̱ mbala̱n ga̱ Abija bal ma̱n da̱nti ka̱ bii ngemti Nya ga̱ cina. Shin ga̱ kili ga̱ Zakariya ka̱ɗe Alisabatu, ti mago ma̱n ga̱s ga̱ Haruna bal ma̱n da̱nti ka̱ bii ngemti Nya ga̱ cina wu.

⁶ Mas jwasa̱n sa̱ pa̱l hwa da̱nti gwe Nya lami wu, sa̱ kop mba̱t ga̱ Nya na̱k kangwe ta̱ lami ta̱ mbala̱n koɓi wu.

⁷ A ba̱ mil nisi ɗa̱ so. Na̱k ɗe Alisabatu wo ba̱ ma̱n za̱t yen ka̱ɗe ti sowu, a mas jwasa̱n go sa̱ koli wi.

⁸ Gas gon Zakariya na̱ma pa̱lti wul ka̱ lubii ga̱ Nya ɗe cin pa̱lti wul gwasa̱n ka̱ bii ngemti Nyami balla̱t tet wu.

⁹ Na̱k kangwe a ma̱n pa̱lti wul ka̱ lubii ga̱ Nyami kul pa̱li wu. Yek sa̱ botl Zakariya ta̱s te ka̱ lubii ga̱ Nyami ta̱s kwel turare ma̱n ta̱mti wusa̱n. Yek ta̱ te giɓi.

¹⁰ A mbala̱n wonti ni deɓa̱l asa̱ na̱ma ngemti Nya ɗe Zakariya na̱ma kwelti turare wu.

¹¹ Ta̱ ni nugo, yek yen shinti ga̱ Nya ka̱wu ten ka̱t ang shinti a malka̱n lu kwelti turare.

¹² Yek ɓanti ci Zakariya, ɗe ta̱ yen yen shinti ga̱ Nyami wu.

¹³ Yek yen shinti ga̱ Nyami wulti ɗe, <>

¹⁴ <

¹⁵ Yeni a da̱n ɗe bal mbala̱n mal Nya. Ta tla ɗuk so a ba̱ta tla mas ilgwe a gillit gaa ka̱wu so. Sa njika̱n mbadl gwas na̱ Shishi ga̱ Nya ata̱ yi ka̱ tuk ga̱ ana gwasi.

¹⁶ Tik ka palli ma̱n Yisiraila wonti mal Nya Bagaa gwasa̱n.

¹⁷ Ta tuli Bagaa Yesu cina, ata̱ pa̱l wul na̱ nda̱lti na̱k gwe Iliya ma̱n dla̱mti ga̱ɓa ga̱ Nya pa̱li wu. Ta tulli ta̱mti da̱nti ka̱ tlo ga̱ mil suk ma̱n za̱t jwasa̱n. Ta palli mbala̱n ma̱n la̱shi kumti bi asa̱ da̱n ɗe ma̱n kumti bi suk ma̱n pa̱lti zok wul. Na̱ nu ka̱n ta la̱ka̱mi Yesu mbala̱n jwasi.>>

¹⁸ Yek Zakariya wul yen shinti ga̱ Nyami ɗe, <<Ɗa̱ nii ka̱n ba yisi ɗe ilgwe ka̱ dla̱m go a pi nu gwi? Na̱k ɗe ami wo kol mbala̱n ka̱ ɓali a kili gi mago ta koli wu?>>

¹⁹ Yek yen shinti ga̱ Nyami wulti ɗe, <

²⁰ Yek yekgu ka̱ nge ga̱ɓa gini, ama a da̱n ɗe gem kume multi njika̱n wu. Yek laki ɗe ningo ka po man ga̱ɓa so, se gas gwe sa̱ zi yeni wu.>>

²¹ Mbala̱n na̱ma ɓa̱tti yilti ga̱ Zakariya, yek sa̱ njel daamti gwasa̱n ɗe yek laki ɗe ba̱ta̱ yil tet ba̱le so ye.

²² Ta̱ yil tet wugo yek ba̱ta̱ man ga̱ɓa so, yek sa̱ yisi ɗe Nya ɓulit gwel yek ta̱ yen ilgon ka̱ lubii ga̱ Nyami. Yek ta̱ ngusi ga̱ɓa na̱ ang ama ba̱ta̱ man ga̱ɓa na̱ bi gwas so.

²³ Multi ga̱ pa̱lti wul gwasa̱n ka̱ bii ngemti Nyami paki wugo, yek ta̱ li ga̱zi.

²⁴ La̱m multi wugo, yek kili gwas Alisabatu mbi yen, yek ta̱ hwuda̱l gaa gwas ka a gibboo ga̱ lip ɗe namtan.

²⁵ Yek ta̱ wule, <>

Yen shinti ga̱ Nya dla̱m za̱t ga̱ Yesu

²⁶ Alisabatu njika̱n lip ɗe mukka na̱ yen tuk wugo, yek Nya shin yen shinti gwasi asa̱ mbet ɗe Jibirailu ka̱ ba̱n gon asa̱ mbe ɗe Nazarat ka̱ atl ga̱ Galili.

²⁷ Ta̱ shinti mal yen kili gon gwe ba̱ta̱ ɓo yis maani sowu asa̱ mbet ɗe Maryam, ti ka̱n ma̱lgon asa̱ mbet ɗe Yusupu na̱ma kopti gwas ɗe yen kili gwas wu. Yusupu wo ma̱n ga̱s ga̱ gus guu ga̱ ma̱n Yisiraila gwe asa̱ mbet ɗe Dauda wu ka̱n.

²⁸ Yek yen shinti ga̱ Nyami tul mal Maryam, yek ta̱ wulti ɗe, <>

29 Maryam kum ga̱ɓetisi wugo, yek ɓanti citi, yek ta̱ daamti ɗe, <>

³⁰ Yek yen shinti ga̱ Nyami wulti ɗe, <

³¹ Ka mbi yen tuki, aka̱ zi yen maani, aka̱ zit shin ɗe Yesu.

³² Ta da̱n ɗe kaksha mbala̱n, asa̱ mbet ɗe yen ga̱ Guu ga̱ Nya ma̱n nalti. Nya Bal Kakshe a ba̱lti nalti ga̱ ma̱n za̱t ga̱ koli gwasi Dauda.

³³ Tik ka da̱n ɗe guu gwe ba̱ pakti niɗɗa̱ sowu ga̱ ma̱n Yisiraila, ta da̱n ɗe guu ga̱ Israila gwe ba̱ a paki sowu.>>

³⁴ Yek Maryam ngem yen shinti ga̱ Nyami ɗe, <<Ɗa̱ nii ka̱n a pi nu gwi, ɗe ba ɓo yis maani sowu?>>

³⁵ Yek yen shinti ga̱ Nyami wulti ɗe, <

³⁶ Yilka gwa Alisabatu mago yen nit tuki ka̱ kolit gwasi, a mbala̱n kul wule, ti wo ma̱n za̱t yen ka̱ so, yekgu ta̱ ɓal ka̱ lip ɗe mukka gwasi.

³⁷ Ilgon kan Nya gaa so.>>

³⁸ Yek Maryam wul yen shinti ga̱ Nyami ɗe, <> Yek yen shinti ga̱ Nyami zigaa.

Maryam la ga̱ɓet ga̱ Alisabatu

³⁹ Kaal ɗa̱ la̱mti multi, yek Maryam li ka̱ ba̱n gon ɗe ni ten za̱nda̱l wu ka̱ atl ga̱ Yehudiya ba̱le-ba̱le,

⁴⁰ Yek ta̱ te ka̱ lubii ga̱ Zakariya, yek ta̱ ga̱ɓe Alisabatu.

⁴¹ Na̱ kumti yal ga̱ɓet ga̱ Maryam, yek yen gwe ni Alisabatu tuk wu nwuti, yek mbadl ga̱ Alisabatu njika̱n na̱ Shishi ga̱ Nya.

⁴² Yek ta̱ wul Maryam na̱ nda̱lti ɗe, <

⁴³ Hwa wul yek a mbi na̱n ye, ɗe ana ga̱ Bagaa gi li tet mala̱n wu?

⁴⁴ Na̱ kumti yal ga̱ɓet gwa Maryam, yek yen ga̱ nii tuk wu nwuti na̱ hwol tuki.

⁴⁵ Ki wo ma̱n mbit hwa wul ga̱ Nya ka̱n na̱k ɗe ka̱ zi mbadl ɗe ga̱ɓa gwe Nya shinik lu sut na̱ nali wu pi wu.>>

Koo ta̱sti Nya ga̱ Maryam

⁴⁶ Yek Maryam ballit ɗe, <

⁴⁷ Na̱k ɗe tik ɗe ma̱n kisti gi wu.

⁴⁸ Na̱k ɗe ta̱ yisi lu wu, ko ɗe ami wo zhel gwas ka̱n gwe ba̱ ani ten bi ilgon sowu. Ningo gin ten gin sa mbe ɗe ma̱n mbit hwa wul ga̱ Nya.

⁴⁹ Na̱k ɗe Nya Bal Kakshe wo ma̱n nalti ka̱wu ta̱ pa̱li kiɗi wul, shin gwas ka̱ɗe ma̱n cilti.

⁵⁰ A ta̱ yen gonti ga̱ ma̱jwe ɓantit wu gin ten gin.

⁵¹ Na̱ ang gwas ma̱n nda̱lti ka̱n ta̱ pa̱l kiɗi wul, yek ta̱ cat ma̱n nali gaa ka suk mas wul jwe nisi ka̱ mbadl wu.

⁵² Yek ta̱ yilli kiɗi guu ɗa̱ka̱ gobdlan gwasa̱n ka, yek ta̱ ba̱l nalti ma̱jwe sa̱ mbulsi wu.

⁵³ Yek ta̱ ba̱l hwa wul ma̱jwe ni ka̱ kuza̱n wu, yek ta̱ mbol ma̱n wul koo ami.

^54-55 A ta̱ zi ang ten zhel jwasi ma̱n Yisiraila na̱k ɗe a ba̱ta ma̱sa̱n ga̱ɓa gwe ta̱ dla̱lli ka̱ dlo gwas suksi gwe ɗe ba̱ a paki sowu so. A ta̱ kul yen gonti ga̱ koli ga̱na̱n Ibirahim suk ma̱jwasi gin ten gin, na̱k gwe ta̱ dla̱mi ma̱ jina̱n ji cina wu.>>

⁵⁶ Yek Maryam da̱m suk Alisabatu lip ɗe mekan yek paa ta̱ pal ga̱zi.

Za̱t ga̱ Yohana ma̱n baptisma

⁵⁷ Yek za̱t yen ga̱ Alisabatu tul wi yek ta̱ zi yen maani.

⁵⁸ Yek ga̱ɓe ma̱tl ɗa̱nka̱ yela̱n da̱nti gwas ka suk yilkeni, kangwe Nya yen gonti gwas i'e wu, yek mas mbala̱n pa̱l hwol tuk sukti.

⁵⁹ Yeni mul ɗe wusupsi na̱ za̱t wugo, yek sa̱ sa̱lti, yek yilkeni ji Alisabatu mogaa mas suk yela̱n jwasi gas sa̱lti ga̱ yeni, yek sa̱ lami ɗe ta̱s zit shin ga̱ koli gwasi Zakariya.

⁶⁰ Yek gasa̱l gwas wulsi ɗe, <>

⁶¹ Yek sa̱ wulti ɗe, <>

⁶² Yek sa̱ pa̱li kolisi na̱ ang ɗe, nii ka̱n sa mbe shin ga̱ yeni gwi?

⁶³ Yek ta̱ ngwe ɗe ta̱s ba̱lti wul lishti, yek ta̱ lishi ɗe, <> Na̱ kumti nu yek mbadl tatlisi.

⁶⁴ Zakariya na̱ma lishti shin ga̱ yeni, yek bi ɓuliti yek ta̱ nda ga̱ɓa. Yek ta̱ njel ta̱sti ga̱ Nya.

⁶⁵ Yek ɓanti ci yela̱n da̱nti jwasi yek sa̱ ngusi dla̱mti ilgwe pi wu mas ten za̱nda̱l atl ga̱ Yehudiya.

⁶⁶ Mas ma̱jwe kum ga̱ɓe jo yek ili cisi ɓanti, yek sa̱ ngem yilkeni ɗe, <<Ɗe yek yeni a da̱n ye?>> Na̱k ɗe ang ga̱ Nya ma̱n nda̱lti ni tenti nu wu.

Koo ta̱sti Nya ga̱ Zakariya

⁶⁷ Yek Shishi ga̱ Nya njika̱n mbadl ga̱ Zakariya aba ga̱ Yohana yek ta̱ dla̱m ga̱ɓa ga̱ Nya ten ilgwe a ya pi wu, yek ta̱ wule,

⁶⁸ <

⁶⁹ Ta̱ ɓalma shinti ga̱ bal ma̱n kisti ga̱na̱n suɗi tet ka̱ ga̱s ga̱ zhel gwasi Dauda guu.

⁷⁰ Na̱k kangwe Nya dla̱mi ma̱n dla̱mti ga̱ɓa gwas ji cina wu.

⁷¹ Ningo ta̱ ɓalma shinti ga̱ ma̱n kisti ga̱na̱n, ta̱s kisnii ɗa̱ka̱ ang ji mas ma̱n nget ga̱na̱n ka.

⁷² Na̱k kangwe ta̱ wula̱nni ɗe ta yen gonti ji kolsi jina̱n wu, a ba̱ta ma̱sa̱n zok ga̱ɓa gwe ta̱ dla̱lli ka̱ dlo gwas suksi wu so,

⁷³ Yek ɗe ga̱ɓa gwe ta̱ dla̱lli ka̱ dlo gwas suk koli ga̱na̱n Ibirahim wu.

⁷⁴ Ta̱ hwinii ɗe ta kisnii ɗa̱ mal ma̱n nget ga̱na̱n ka, kangwe ba̱ ɓanti kopti gwas a cinni sowu,

⁷⁵ Na̱ zok mbadli suk pa̱lti hwa wul ka̱ da̱nti ga̱na̱n mas a cina ɗatka.

⁷⁶ Ki nak en yen gi go, sa mbek ɗe ma̱n dla̱mti ga̱ɓa ga̱ Nya Bal Kakshe, kik ɗe ma̱n la̱ka̱nti mbadl ga̱ mbala̱n ji Nya, na̱k ɗe ka tuli Almasihu cina aka̱ la̱ka̱mit tantu tulti wu,

⁷⁷ Kik ka hwi mbala̱n jwasi kangwe sa mbi kisti wu, ten taasti byas wul jwasa̱n ka.

⁷⁸ Na̱k ɗe Nya wo ma̱n yenti gonti ka̱n i'e wu, ta shin Almasihu suɗi na̱k gwe a cin yil tot na̱ cilti wu.

⁷⁹ A cilti gwisi ka cilli ma̱n da̱nti ka̱ da̱mshal suk ma̱jwe ni ka̱ da̱n-da̱n ma̱shka̱n wu, ata̱ koɓi na̱mi ten tantu ta̱mti mbadli.>>

⁸⁰ Yek Yohana nali yek ta̱ nda̱li ata̱ na̱ma ɓotlka̱n, yek ta̱ da̱m ka̱ la̱ɓi se na̱k ta̱ nda dla̱mti ga̱ɓa ka̱ dlo ga̱ ma̱n Yisiraila.