Baibulo la pa intaneti

Tĭto 2 - Geba Roman New Testament

Dèthèhlô̆ Ab́èabò

¹ Ḿî nè nu, d́òŭsaŭbò̄ dè alethô̆lô̄kô dèthèhlô̆ adî̄ahma nu.

² Thèhlô̆bò̄ amikhŏ thabwe tòcò dèsòiwoi ane, Dèthăbrŭthăbrā, dèkŏikhòi ane, dèb́udènè adî̄ahma, dèb́èlò̄thòklè̆ kî dèkhòthad́ò̆wî̄thazô.

³ Cab́ô̆ gōnu akhò̆, thèhlô̆ amihmu thabwe tòcò dèòwîòtcă acab́ô̆ amihmu tòcò mò ò thôḿô̆ nu. Cè tòcò tèb́è d́òmēsepwè ńò, tèb́è kèzôi thîd́î̆ ńò ńò. Cè b́è thèhlô̆ dè awîaè,

⁴ cab́ô̆htè amihmu athaze tòcò kè b́èlò̄ aphoawa,

⁵ gò̄ sòiwoi ane kî òwîòtcă, gî̄ ḿî hmè̆ d́ŏ atcaihitcaiphă thuŭthèè, sòkhĕńelēthèhô̆ awa, cab́ô̆htè bija dèbwè̆ kò tò d́òkè̆d́òôbò̄ Kib́ĭcè aVanzĕlo ńò nu.

⁶ Gōnu akhò̆, ikhoiăbò̄ amikhŏ adohtablò̄hta tòcò agò̄ sòiwoi ane.

⁷ D́ŏ dèlŏcăcè abu nu, ne neb́î̆cè thè̆ne nè kèb́è kèhta dètcahlô̆tcad́ò̆i anikhĭ. Òibò̄ dèdî̄dèhma kî dèbè̄thobè̄tha d́ŏ nè dèthèhlô̆ abu nu.

⁸ D́òbò̄ dèjî̄b́è adî̄ahma, cab́ô̆htè bija awāhlè nè dèkèḿè alle kò tò òbò̄ ńò anikhĭ nu, kî d́ĕd́ò tòcò gā thăwāib́èkò̆ d́ŏ adè kèhtî dèmòd́òmòsa nè dimĭ ńò nu.

⁹ Zô tòcò kèb́è kha ŭi ane kî mè b́ètha ab́icè d́ŏ dèlŏcăcè abu nu. Cè tòcò tè b́è d́òscĭge ab́icè ńò.

¹⁰ Tè b́è a hu lōwa adè ńò. Ḿî cè tòcò b́è d́è̆lî̄hta ane htè zi ḿî tèpwè bija ab́îajū kî adî̄ahma d́ŏ ci B́ĭcè akho, cab́ô̆htè d́ŏ dèlŏcăcè abu, bija gò̄ kòihtăibò̄ dèthèhlô̆ ab́èkja Kib́ĭcè, Amèhlô̆htagedè anikhĭ nu.

¹¹ Manè̄ d́ō, Kib́ĭcè d́è̆lî̄hta adèhludètă d́ŏ bija Lākhopho lŏcăcè gī nib́è dèhlô̆htage anikhĭ nu.

¹² Ahluată anu, thèhlô̆ kè cab́ô̆htè gè̄ b́è̆lădakè̆bò̄ dè to d́ŏ ta j́a B́ĭcè ńò, dèthaèni Lākho adî̄adè kî kò òibò̄ dèkŏikhòi, dèdî̄dèhma, dèd́ŏb́èj́ab́è Kib́ĭcè d́ŏ Lākho jo abu,

¹³ b́ĕ wò òsô̆wô̄i Muni ab́èhôwî d́ŏ wa sascĭigè, b́ĕ wî B́ĭcè Dèado kî Amèhlô̆htage wa Jezŭ Krĭstu adòathe kè d́è̆lî̄hta nu.

¹⁴ Ci ilagè Ze neb́î̆cè d́ŏ wi nikhĭ cab́ô̆htè Zè gè̄ mèhlô̆htage wa d́ŏ dèkî̆kkèmèhlò̆ lŏcăcè, kî Za gā hna kèhta wa bija dikhwĭ htè aòwîòtcă kî ab́èkja htĕ Cè dèbwè lò, kî athasô d́ŏ dèmè awîaè tòcò nu.

¹⁵ Thèhlô̆bò̄ cè tòcò jo kî sòthŏi nè dècô̆dèthèlè̆ pĕhtazòhta b́ĕ ni ikhoiă kî d́òisai bija akhè̆ nu. I ḿè bija tcadalakă nè dèbwè̆ ḿè.

« Zam'mbuyo

Ena »

Bible Society of Myanmar

Titsatireni:

Maulalo othandizidwa

Zotsatsa