Baibulo la pa intaneti

Rŏma 12 - Geba Roman New Testament

Dèò Athè̆ d́ŏ Krĭstu abu

¹ Jè thè̆buwe tòcò, ja damò thĭ gā hmăibò̄ Kib́ĭcè adèkhòwèhmòb́è acab́ô̆ bwè atani dègomo ò tòcò nu, d́ŏ dèihta thĭ neb́î̆cè acab́ô̆ dèhlu tcahtĭ ab́ètha Kib́ĭcè tòcò nu.

² Dòniphînibò̄ ḿè bija Lākhopho aò khwè̆b́a thĭ tòcò adèphîdèmè ḿè. Ḿî b́ăkhlèbò̄ thĭ dègemeelô d́ŏ dègomogamā athè̆ abu nu. Ajo ḿî klèthòò̆ ad́è̆lî̄ wa Kib́ĭcè adèthaèni kî amèthîhè̆ wa dèzwî̄dèè htè Kib́ĭcè thaèni kî dè apĕhtazòhta amò mè tòcò nu.

³ D́ŏ ji nib́è ahluată adèhlî̆ abu nu, ja thaè hna no hnab́è thĭ dèbwè dèbwè ladū agî̄ dî phîdophîmu ane lôkhlolôb́a ńò nu. Dèbwè dèbwè ladū b́è thîhè̆lage ane d́ŏ Kib́ĭcè ilani cè dèb́u adèkhji abu nu.

⁴ Acab́ô̆ we neb́î̆cè tôklô̆ òi cud́ĕ khabò̄ amŏamo akhò̆,

⁵ d́ŏ Krĭstu dèneb́î̆cè tôklô̆ alò nu wî ḿî ab́èkjab́èhtò̆ hlè lōwa lò lò.

⁶ D́ŏ ahluată wi nib́è da jāthô hlè lōwa ńò akhoacè̆, dèilani wa tòcò ḿî ḿî da lahlè lōwa ńò ńò. Ni gī jî̄b́è b́eḿĕ Prò̆fèt adèila d́ō, mèibò̄ nè è̆ cab́ô̆ nè dèb́u d́ò̆sa nè nu;

⁷ ab́èkja dèŭitcai d́ō, mèibò̄ nè è̆ d́ŏ ale ŭicai adèmè abu nu. Agè̄ b́èkja dèthèi bija d́ō, mèibò̄ cè d́ŏ dèthèi ô cè aklè̆ nu.

⁸ Athôithò̆i dè tòcò kò d́òŭd́ò̆sa d́ò̆è dè, amèhlumètă dè tòcò atha gò̄ hlò̆ d́ò̆è. Akhoane tòcò gā thagolō d́ò̆è, aigetcage dè tòcò gā thalōthalai d́ò̆è.

⁹ Thĭ dèb́èlò̄ gî̄ dî ḿî d́ò̆bò̄è abarasa ńò. Ḿî dèthaèni dè è d́olĭ kî atè è ńò.

¹⁰ B́èlò̄hlèbò̄ lōwa acab́ô̆ athè̆buwe nu, kî d́ŏb́èjab́èhlèbò̄ lōwa acîahtwè.

¹¹ Thagolō mèbò̄ dè Kib́ĭcè anikhĭ d́ŏ dèthagolō kî dèhtukhohtuă abu nu. Thĭ dèsascĭi kò ò ma d́ō, agè̄ mèmòmèma tèpwè thĭ.

¹² Thĭ dèsascĭ ò akhoacè̆ thaganāibò̄. Thablè̄bò̄ mè dèbadèsè̆ aklè̆ ḿè, ḿî thèb́è̆htabò̄ thèjô̆.

¹³ Bija tcahtĭ dèbwèbwè kò òbaòsè̆ ma d́ō, igetcagebò̄ cè. Thĭ dèphîdèmè tòcò gî̄ ḿîb́è dèkhòwèhmòb́è.

¹⁴ Hôwîbò̄ bija alômèssègnè̆ thĭ tòcò nu. Hôkî̆kkè ḿè cè ḿè, hôwî cè dòkhò̆.

¹⁵ Thalōthalaikô athalōthala tòcò kî othoothakôbò̄ aohmŭora tòcò akă.

¹⁶ D́è̆lî̄ jăthôbò̄ thĭ dèkhòwèhmòb́è bija lŏcăcè akho; tca ḿè bija amūkă ḿè, ḿî mèthòbò̄ assègnè̆pho tòcò nu. Mèmòbò̄ ḿè thĭ ne lò ḿè.

¹⁷ Mègebò̄ ḿè dèkholī d́ŏ dè tè è ńò acè̆ ḿè. Ḿî bija gŏ abwè gè kèhtî d́ò̆è thĭ dègomo ḿî ahtajî gudu nu.

¹⁸ Ḿî thĭ nu acab́ô̆ thî kèhta adĕ, òjīòd́wăbò̄ bija gŏ abwè.

¹⁹ Mègebò̄ ḿè dèkholī taplă ḿè, ŏ athò, lè̄labò̄ d́ŏ Kib́ĭcè acukhòbu nu lò. Acab́ô̆ Cè Tcahtĭ d́ò nu, “Dè mège akhoalī ḿî Jè è̆, Ji ki igekò̆ cè tòcò,” Kib́ĭcè aḿăkhai do.

²⁰ Ḿî aòwe, “Nè thè̆d́ĕd́ò gā thaẃi d́ō, ńò mò icè dèa. Ca thaò̆ d́ō, cò ò̆ d́ò̆è cè. Nè gè̄ mègōnu d́ō, nu gū wula hwă hmîŭd́ŏ co kokho nu.”

²¹ Mèd́îd́ă dè tè è ńò aklè kî nobèbò̄ cè kî dè aè lò.

« Zam'mbuyo

Ena »

Bible Society of Myanmar

Titsatireni:

Maulalo othandizidwa

Zotsatsa