Baibulo la pa intaneti

Hebrè̆u 8 - Geba Roman New Testament

Jezŭ Wu Phŭgimā

¹ Wò d́ò̆sa htŏ dèwîdèkè̆ lŏcăcè aklè̆, adogudŭ ḿî phŭgima awîakè̆. Ze lenī kî sańălăògè d́ŏ Mò̄kho d́ŏ Kib́ĭcè Ahĭahtè̆ ana acudèhtwè dòkhò̆ nu,

² kî akhazô Kib́ĭcè d́ŏ Dèlle Tcăhtĭ gudŭ kî Hipho Tcahtĭ, htè Kib́ĭcè prahta thè̆ne kî tè b́è bija prahta è̆ ńò nu.

³ Phŭgima gŏ abwè gū hluhtaib́è Kib́ĭcè adèhlu d́ō, ajo dèbwè ḿî ḿî adèhluhtai kò òb́è b́è.

⁴ Cò kò ò ma d́ŏ Lākho jo d́ō, Zî dî ḿî tèpwè phŭgi ńò, manè̄ d́ō, bija alewe tòcò hluhtai dè acab́ô̆ Dèhmèla ò atherĕ nu. Cè tòcò mè ajo ḿî ad́è̆lî̄ Mò̄kho ahô̆agèlè lò.

⁵ Manè̄, b́ĕ Mŏzè prahta ahipho nu, Kib́ĭcè d́ò cè, “Tca kî mèkôlŏbò̄ dè htè ju htulahmèla nè d́ŏ khòlò̆kho tòcò nu,” Cò d́ògè lōwa do.

⁶ Wa tcahtî htŏ htè Krĭstu b́è ilanigè Phŭgimā adèphîdèmè kî Zî ḿîgè thè̆thî aè d́okhlŏ Abwèzo nu; thè̆thî htè ailani wa dèaḿăkhai aè d́okhlŏ tòcò nu.

⁷ Thè̆thî aŭsugudŭ aklè̆, dèkèḿè kò tò ò ma ńò d́ō, agò̄ do loba mè alewe dèdè̆ gā htablô ńò.

⁸ Athĕbwe ḿî Kib́ĭcè pahtîgè abijakhwĭpho adèkèḿè, Cò d́ò; “Tcabò̄, muni tòcò do htŏ, Dèado d́ò do, B́ĕ Jè mèhta thè̆thî athè̆ d́ŏ Israè̆l akhwĭ kî Jŭda akhwĭ akhè̆ nu,

⁹ ada lakî Jè mèplo zi phĭ zu phŭ tòcò nu ńò. D́ŏ muni dini htè Jô pôglo hwă cu cukhò kî hèhtaihŭgè cè tòcò d́ŏ Izî̆t agebu ńò ńò. Cè tòcò bāphlòḿĭgè Jè Dèthè̆thî, mègōnu Jè hèthĭwīgè cè tòcò.

¹⁰ Khŏnujo Jè gè̄ mèplokò̆ Israè̆lpho tòcò Thè̆thî, b́ĕnu dini nu, Dèado d́ò do. Jè kè b́è̆nīkò̆ Jè Dèhmèla d́ŏ zè dègomo bu hwelakò̆ d́ŏ ca thabu nu. B́ĕnu khaĺè Jî gî̄ ḿîkò̆ cè tòcò aKib́ĭcè, kî zî gî̄ ḿîkò̆ Ja bija.

¹¹ Bija tòcò dô thôithò̆ib́è kò̆ zò khò̆ zè khè ńò. Ḿî̆dîḿî ńò, athè̆buwe dèbwè kò tò d́òb́èkò̆ cè thè̆buwe; ‘Thîhè̆bò̄ B́ĭcè,’ ńò. Manè̄ d́ō, cè tòcò gî̄ thîhè̆ lŏkò̆ Jè, asciphogudu htô̆do adogudŭ nu.

¹² Ja ka b́ăplèkò̆ zè dèkèḿè, kî Ja gā da hmăikò̆ zè dèkhòwè ńò.”

¹³ B́ĕ Zî jî̄b́èhta thè̆thî athè̆ awîakè̆ nu, Ca thaè d́ò ḿî thè̆thî aŭsu dèdè̆ ḿî alilagè. Dè alila domo ḿî alila dere dere kî agudulă ahlè̆mè̄ tèpwè.

« Zam'mbuyo

Ena »

Bible Society of Myanmar

Titsatireni:

Maulalo othandizidwa

Zotsatsa