Baibulo la pa intaneti

Dèd́è̆lî̄ 9 - Geba Roman New Testament

¹ Mò̄khobwèzo jè̄bwè dèbwè uhta akhaja lò kî ja tcahtî sè dèmè̆ ò d́ŏ Mò̄kholè̄ aladēgè d́ŏ Lākho nu. Kîd́ò̆ sè anu b́è ilagè hnèwî̄kă akā b́ăhta khaglè̄ ala d́ŏ dèlajò̄codibi abu nu.

² B́ĕ ca b́ăhta dèlajò̄codibi akhaglè̄ nu, hmî khuhtagè d́ŏ hmîŭbòdo dòbò abu nu pwĕ acab́ô̆ lumu kî Mò̄kholè̄ ohtakhihtakô akă nu.

³ Kî d́ŏ hmîkhu aklè̆ d́è̆bāhmu la òèòògè htè ae za bija acab́ô̆ lode nu.

⁴ Cè tòcò b́è mèd́îd́ăi agè̄ mè b́èdô̆ khlòlè, b́uhŭ kî thomu tòcò nu, ḿî ake e bija htè Kib́ĭcè adèzwî̄la tò òwè̄ amēbòlò ńò tòcò nu lò.

⁵ Zè dè mèthĭb́è lōwa ńò, ḿî mèsè̆ cè jè̄hlè̆ adābu lò. Ḿî ae bija ḿî agè̄ sè̆b́è acab́ô̆ lode e bija nu.

⁶ B́ĕnu bija tòcò thaè thĭ nòthò̆ zi di thĭ zakò̆ ńò; Za thaè thĭ, ḿî dèthĭ sèkô̆ni ze le.

⁷ D́è̆bāhmu ajo dalā ḿî ala tèpwè bija grōb́i thîrî kî kreb́ă agā hta dèd́o anikhĭ nu. D́ŏ akohtĭkho nu ală kî khocò̆htè̆ ò domo kî agādŭ bu thamò̆ la tèpwè bija amūkă.

⁸ Akhulŭ la tèpwè amihmu akhulŭ kî athô̆ la glādo aè̆.

⁹ Anebî̆cè akă ako ḿî acab́ô̆ scid́ŏ htaĺa nu, abla ad́e d́ō mè acab́ô̆ thîrîgèhè̆ cwèle dèd́o abu nu.

¹⁰ Akăhmî lakî lode, aphlŏ bija kî akăhmîkhĭ kî amèkè̆mèsè̆ bija jè̄hlè̆ adābu nu.

¹¹ Cè è̆ akhoane ḿî saphrado, htè aḿî dèlajò̄codibi aMò̄khobwèzo htè zî ḿî Hebrè̆upho alē ḿî Abadom kî Grĭs alē ḿî Apolliòn (ahtabohtab́ă ḿî amèkè̆mèô dè) nu.

¹² Ajo ḿîgè dèbadèsè̆ aŭsu dèdè̆, kò òwe gīdè̆ be.

¹³ Mò̄khobwèzo jè̄bwè dèbwè uhta akhaja lò kî jî thîhè̆b́ègè dèlē thèhtagè d́ŏ dèthèb́è̆kho anebuhtè̆ lwīb́ò̆ d́ŏ Kib́ĭcè ahlò̆mò̄ nu.

¹⁴ Ajî̄b́èhtî Mò̄khobwèzo abwèthăthô dèbwè htè aòi khaja nu kî ad́ò, “B́ăsèhta Mò̄khobwèzo lwībwè htè ab́è cŏgloi htaĺabi d́ŏ Euphrătès lò̄wē tòcò nu.”

¹⁵ Mò̄khobwèzo ajo lwībwè ḿî ab́è bè̄ladòlògè d́ŏnu ajo ted́e, ajo dèhlè̆, ajo dini kî ajo danare anikhĭ kî khŏnujo cè b́è b́ăsèhta agè̄ mèkè̆lō bija Lākhopho akhwĭathèlè̆ thŏputupu nu.

¹⁶ Jî thîhè̆b́è htè d́ŏ ci klĭ zè bwè aboahò bu nu, bija ad́òthîrî ògè bwè gīkŭdi.

¹⁷ D́ŏ jè dètcahtî abu nu ja tcahtîgè thîrî tòcò, kî ad́òthîrî tòcò akŏaka kî ascid́ŏhtaĺa ḿî amè acab́ô̆ hmîŭ nu; alîklôhlè̆ kî ab́ăswè, thîrî tòcò ako ḿî glādo, hmîblî, hmîkhu kî d́ithèhmî hèhtakô

¹⁸ d́ŏ zò hòbu nu amèthĭlōgè bija akhwĭ thŏputupu.

¹⁹ Thîrî tòcò akhoaă ò d́ŏ alòmò bu kî akăhmîkhĭ nu amè cab́ô̆ wu nu kî ako mèkĕmèbrô za bija.

²⁰ Barasă bija akhwĭthèlè̆ ahlô̆hta tòcò nu da bāphlòḿĭgè cu cubōkhajò tòcò nu ńò; htè bwèjòhô̆, bwèjòhtè̆ bwèjòkre, lo kî tho htè atè kèhtî za ńò, adî thîhè̆ za ńò kî ade gemeelô za ńò tòcò nu, dò sò̆tab́a athèb́è̆hta dèscidèhnè tòcò ńò.

²¹ Za da bāphlòmĭ zè dèmèthĭasè̆, dèmèd́umèkho, dèlathulakèḿè kî dè ahuthoklŏ adèmè tòcò nu ńò.

« Zam'mbuyo

Ena »

Bible Society of Myanmar

Titsatireni:

Maulalo othandizidwa

Zotsatsa