Baibulo la pa intaneti

Dèd́è̆lî̄ 8 - Geba Roman New Testament

Dèzwî̄la Thăthôdèmè̆ Dèmè̆

¹ B́ĕ Zo htoòkè̆ dèzwî̄la thăthô dèdè̆ nu, kî dèòzòlògè d́ŏ Mò̄kho nu nareklăḿè̆ adābu.

² Kî ja tcahtîgè dèilanigè Mò̄khobwèzo asò̆hto ò d́ŏ Kib́ĭcè ahlò̆mò̄ thăthô dèbwè kî khaja thăthôdèmè̆.

³ Mò̄khobwèzo dèbwè htè aòi hlòba gobohtè̆ dèbwè le kî sò̆htoògè d́ŏ dèthèb́è̆kho akhahtî nu. Dèilani cè hlòba òèòò agō d́okhuhta ploplo kî bija tcahtĭ tòcò d́ŏ dèthèb́è̆khohtĕ aò Na ahlò̆mò̄ dèdè̆ akho nu.

⁴ Kîd́ò̆ d́ŏ Mò̄khobwèzo acukhòbu ploplo kî bija tcahtĭ tòcò adèthèb́è̆ dèhnŭẃi khuhtagè d́ŏ Kib́ĭcè ahlò̆mò̄ nu.

⁵ Alekă Mò̄khobwèzo phî hwă hmîŭd́ŏ dèthèb́è̆kho nu cè b́è̆nīgè d́ŏ hlòba gobo bu nu, mèhwă ze hwĕladēgè d́ŏ lākho nu; taplakhă lò hlăwō hlăphla kî dèbogè.

Khaja Aŭsu Dèmè̆

⁶ Mò̄khobwèzo thăthô dèbwè htè aòi khaja thăthôdèmè̆ ò dòlò agū uhta akhaja.

⁷ Mò̄khobwèzo aŭsu dèbwè uhta akhaja lò kî thŏo kî hmî aciklè̆d́ò thwi ladēduhtrugè d́ŏ lākho; Lākho thŏputupu gè̄hògè kî tho hô thŏputupu kî mihnè gŏ ab́ò̆ gè̄hògè.

⁸ Mò̄khobwèzo gībwè dèbwè uhta akhaja lò kî mègè acab́ô̆ hmîgè̄hòni khòlò̆do dèmè̆ ladēhtî nī d́ŏ pèllè abu nu, pèllè thŏputupu kèhta thwi be lò.

⁹ D́î kî dā aò d́ŏ pèllèbu tòcò aklè̆ thŏputupu thĭ lō hlè̆mè̄ lōgè kîd́ò̆ khlĭ thè̆bò thŏputupu kè̆hlè̆mè̄lōgè.

¹⁰ Mò̄khobwèzo thŏbwè dèbwè uhta akhaja lò kî sèdo ò d́ŏ Mò̄kholè̄ dèmè̆ gè̄hta acab́ô̆ hmî athèĺèd́ŭ dokhlo ladēgè lò̄do lò̄pho thŏputupu akho;

¹¹ Sè ajo dèmè̆ gō jo ami ḿî Thokhè, kî htĭ lŏcăcè aklè̆ thŏputupu khècèńègè acab́ô̆ thokhè nu kî bija aò̆ni cè tòcò thĭ òèòògè.

¹² Mò̄khobwèzo lwībwè dèbwè uhta akhaja lò kî lumu thŏputupu, hlè̆ thŏputupu kî sè tòcò aklè̆ thŏputupu bohtè̆phagè d́ō alabî̄gè kî muni thŏputupu kî Lumunèkhè̆ thŏputupu nu adābu dèkhigè.

¹³ D́ŏ jè dètcahtî abu jî thîhè̆b́è lē tèb́è, abwî sôtèklè, mè acab́ô̆ ahwi ko kokho lò dèzè̄ nu, ad́ò, “Dèba, dèba, dèba bija aò lākho lŏcăcè anikhĭ b́ĕ Mò̄khobwèzo thŏbwè dèbwè uhta khaja akhî nu,” ad́ò do.

« Zam'mbuyo

Ena »

Bible Society of Myanmar

Titsatireni:

Maulalo othandizidwa

Zotsatsa