Baibulo la pa intaneti

Dèd́è̆lî̄ 6 - Geba Roman New Testament

Dèzwî̄la tòcò

¹ Kî ja tcahtî thŏpho htoòkè̆ dèzwî̄la aŭsu dèdè̆ kî jî thîhè̆b́ègè dèphodèwe aòthôḿô̆ le d́ŏ aklè̆ tod́ŏ htŏhtagè ze lē acab́ô̆ hlăwō nu kî cò d́ò, “Lekha!”

² Ja tcagè d́ŏ jò hlò̆mò̄ nu thîrîb́ô̆ tod́ŏ! Ad́ò akho dèbwè òi khli tèb́è kî khocò̆ tèb́è kî Zò dòblò̄hèhtagè cab́ô̆htè ze gē le d́odèphjadè acab́ô̆ anoabèdè dèbwè akhò̆ nu.

³ B́ĕ thŏpho htoòkè̆ dèzwî̄la gīdè̆ dèdè̆ nu, jî thîhè̆b́è dèphodèwe aòthôḿô̆ gīd́ŏ tod́ŏ d́ò, “Lekha!”

⁴ B́ĕnu lò thîrîlî tod́ŏ hèhtagè kî ad́ò d́ŏ akho dèbwè b́è ilanigè agî̄ phîkè̆ dèjīdèd́wă d́ŏ Lākho, kî bija tòcò gè̄ mèthĭmèhlè̆mè̄ lōwa kî Cè b́è ilanigè d́asĕ adoakhò̆ tèb́è.

⁵ B́ĕ thŏpho htoòkè̆ dèzwî̄la thŏdè̆ dèdè̆ nu, jî thîhè̆b́è dèphodèwe aòthôḿô̆ thŏd́ŏ tod́ŏ d́ò, “Lekha!” kî ja tcahtîgè thîrîthĭ tod́ŏ! Ad́ò akho dèbwè b́è ilanigè kăpè dokho d́ŏ zu cukhò bu nu.

⁶ Kî jî thîhè̆b́è d́ŏ dèphodèwe aòthôḿô̆ lwīd́ŏ aklè̆ dèlē thèhta dèdè̆ ad́ò, “Hô̆ dagjābu ani hŭ dakhwa, ani hŭthîthô thŏkhwa, kî mèkè̆bò̄ ḿè òlĭvo amu kî thobiscige ḿè!”

⁷ B́ĕ thŏpho htoòkè̆ dèzwî̄la lwīdè̆ dèdè̆ nu, jî thîhè̆b́è htè dèphodèwe aòthôḿô̆ lwīd́ŏ tod́ŏ kèwohta kî ad́ò, “Lekha!”

⁸ Ja tcahtîgè thîrî ab́ô̆côkrô tod́ŏ! Ad́ò akho dèbwè ami ḿî Dèthĭ. Kîd́ò̆ Larrā le dèglè̄wè̄gè ze lekă. Cè tòcò nib́è dècô̆dèthèlè̆ d́ŏ Lākho lwīpu tupu akho nu kî agè̄ mèthĭ dè kî d́asĕ, dèwīthô̆, dèsè̆b́èwe kî dèphodèwe akhŭahè̆ tòcò acu bu nu.

⁹ B́ĕ thŏpho htoòkè̆ dèzwî̄la jè̄dè̆dèdè̆ nu, ja tcahtîgè d́ŏ dèthèb́è̆kho akălè̄ nu, bija ab́è mèthĭgè tòcò atha, d́ŏ dèkhathè̆thî Kib́ĭcè Alēahwè akhoacè̆ tòcò nu.

¹⁰ Cè tòcò kèwohtasô kî d́ò, “Ŏ B́ĭcè Atcahtĭ kî Adî̄ahma dèbwè, Ńò kò̄ òsô̆wô̄ d́ò̆ agè̄ mège bija amèthĭ wa d́ŏ Lākho akho jo tòcò akholī htôdè̄?”

¹¹ Cè tòcò b́èthònī scid́ŏdò̄dô ab́ôthă dèbwè tèb́è, dèbwè tèb́è, kî dèd́ò̆sa cè agò̄ khòthad́ò̆ tod́opho be lò, htô̆ zò khò̆ zè khè kî cè thè̆buthè̆we akè b́è mèthĭ acab́ô̆ cè tòcò adèmè gā hwă nu.

¹² B́ĕ thŏpho htoòkè̆ dèzwî̄la adè̆thăthô dèdè̆ nu, dèbosôgè kî lumu tèb́è thĭpapi kî othephegè acab́ô̆ tîkî̆jā bègôlè a sô̆ tòkò̆lā nu, kî hlè̆ thèd́è̆b́è lîtò̆tîhtagè acab́ô̆ dèthwi,

¹³ kî sè aò d́ŏ Mò̄kholè̄ tòcò ladē d́ŏ Lākho acab́ô̆ thod́ohtĭthè larū d́ŏ Gīlli dobōsô akhoacè̆ akhò̆ nu.

¹⁴ Mò̄kholè̄ hlè̆mè̄gè acab́ô̆ bija htŭtuklŭhtage khlò nu kî khò̆mukhòlò̆ kî khò̆htĭkho tòcò b́è thodòbòkè̆ tèpwègè lŏcăcè d́ŏ alleaklè nu.

¹⁵ Mèhwă, Lākho asaphra tòcò, aŭitcai htĭge tòcò, codomādo tòcò kî klĭbo tòcò, bija ajèdā tòcò kî adojāmadi tòcò, kî bija lŏcăcè, zôbwè kî htĭgepho lŏcăcè cwèle d́ŏ khò̆mukhòlò̆ alò kî òhugè d́ŏ habuhagî̄ kî losò abu nu.

¹⁶ Cè tòcò jokèhtagè khò̆mukhòlò̆, lo tòcò kî d́ògè, “Ladēphabò̄ wo kho kî lè̄hubò̄ wa d́ŏ asańălăò Nabu dèbwè kî Thŏpho adèthèhtè ahlò̆mò̄ nu,” cò d́ò do.

¹⁷ Manè̄ d́ō, Dèthèhtè Amuni dole htŏ kî bò̄bwè kò̄ ò sòhtokèhta bwè?

« Zam'mbuyo

Ena »

Bible Society of Myanmar

Titsatireni:

Maulalo othandizidwa

Zotsatsa