Baibulo la pa intaneti

Dèd́è̆lî̄ 4 - Geba Roman New Testament

Dèthèb́è̆ d́ŏ Mò̄kho

¹ Hlĕnu d́ŏ jè dètcahtîdòlò abu ja tcahtîgè khaglè̄ b́ăhta d́ŏ Mò̄kho nu. Kî thîhè̆b́ègè dèlē ahtowè̄ jè hlĕ aŭsu dèdè̆ nu htè ala kî khaja alē nu, kî ad́ò, “Hta b́ĕjo, jè kè d́è̆lî̄ nè dè gî̄ phî̆hta alekholekă tòcò nu.”

² B́ĕnu lò Spirito Tcahtĭ phîb́è jè. Kî ja tcahtîgè Saphra ana ò d́ŏ Mò̄kho nu bija asańălăò d́ŏ Nabu ògè dèbwè.

³ Zu mūkă lă kî lob́ô̆ kî lolî lò. Kî htobāthŏko ala kî loklô tòb́ò̆ we khwè̆b́agè Za na.

⁴ Napho gīscĭ lwīmè̆ ò khwè̆b́agè Nado kî ja tcahtîgè athobwethabwe gīscĭ lwībwè thò scid́ŏdò̄dô ab́ôthă kî plô khocò̆htè̆ kî sańălăògè d́ŏ napho tòcò akho nu.

⁵ Hlăgolîgè d́ŏ Nado alò kî hlăwōgè, mèhwă d́ŏ Na ahlò̆mò̄ nu hmîhôsè gè̄htagè thăthôtòb́ò̆ htè aḿî Kib́ĭcè aSpirito Tcahtĭ thăthôdèmè̆ nu.

⁶ D́ŏ Nado ahlò̆mò̄ nu aò ḿî mè cab́ô̆ pèllè, mētca ală kî lob́ô̆ ahlăsiri nu. D́ŏ athaklăḿè̆bŭ khwè̆b́a B́ĭcè aSpirito Tcahtĭ nu ḿî d́ò̆gè dèphodèwe lwīd́ŏ kî agādŭ òèòò d́ŏ ahlò̆mò̄mò̄ alekăkă.

⁷ Dèphodèwe aŭsu tod́ŏ lakî glādo, gid́ŏ tod́ŏ lakî bophè̆, thŏd́ŏ tod́ŏ amūkă lakî bija amūkă, lwīd́ŏ tod́ŏ lakî lē ahwi tèb́è.

⁸ Dèphodèwe tod́ŏ tod́ŏ ad́e ò ab́è thăthô kî agādŭ ò khwè̆b́a anebî̆cè akhlŏkhlŏ abubu. Ca thăbô̄ thè̆musè̆munè; kî cò d́ò; “Tcahtĭ, Tcahtĭ, Tcahtĭ, ḿî B́ĭcè Dèado, Amèzadè lŏcăcè; Cò ò hlĕ akăhtî, Khŏnujo kîd́ò̆ d́ŏ alekă alahtŭlablo!”

⁹ Gŏ apla b́ĕ dèphodèwe lwīd́ŏ bè̄dòbè̄the kî d́ŏb́èj́ab́è kî thîhè̆htage bija asańălăò d́ŏ Nabu dèbwè nu kî cò d́ò, “Cò ò thôḿô̆ thèjô̆ lahtŭlablo!” nu.

¹⁰ Adoabwe gīscĭ lwībwè gò̄la b́îtèd́è Zò hlò̆mò̄ kî thèb́è̆htagè cè aòthôḿô̆ lahtŭlablo dèbwè nu kî b́è̆lă zo khocò̆ d́ŏ lōwa Ana ahlò̆mò̄ kî Cò d́ò;

¹¹ “Nî ḿî wè Dèado kî wî B́ĭcè, Na tani dèdòdèthe, dèd́ŏdèj́a kî dècô̆dèthèlè̆, manè̄ d́ō, Ńò b́òlagè Mò̄kho Lākho, kî dèlŏcăcè òhtakî Nè dèthaèni lò acè̆ nu.”

« Zam'mbuyo

Ena »

Bible Society of Myanmar

Titsatireni:

Maulalo othandizidwa

Zotsatsa