Baibulo la pa intaneti

Dèd́è̆lî̄ 16 - Geba Roman New Testament

Kib́ĭcè Adèthèhtè Alaba

¹ Alekă jî thîhè̆b́è dèlē sôtèklè aò d́ŏ dèthèb́è̆ Zarādo, akèwo le Mò̄khobwèzo thăthô dèbwè ad́ò, “Le kî hlòlakè̆bò̄ Kib́ĭcè adèthèhtè alaba thăthôtèb́è d́ŏ Lākho akho nu!”

² Mò̄khobwèzo aŭsu dèbwè le kî hlòlakè̆gè za laba d́ŏ Lākho akho nu; taplakhă lò, gajă bija aòi dèphodèwe akhŭ adu phuŭ anebî̆cè alò kî athèb́è̆ zè bwèjò tòcò anebî̆cè alò nu abulebukle azizòmòthŏ òhta danāgè.

³ Mò̄khobwèzo gībwè dèbwè le kî hlòlakè̆gè za laba d́ŏ pellè akho nu kî pèllè kèhtagè dèthwi mè acab́ô̆ bija athŏ nu kî dè athaò aò d́ŏ pellèbu lŏcăcè thĭlō tèpwègè.

⁴ Mèhwă Mò̄khobwèzo thŏbwè dèbwè le kî hlòlakè̆gè za laba d́ŏ lò̄do lò̄pho tòcò akho d́ō, htĭ phî̆hta lŏ tèpwè thwi lò.

⁵ Ji thîhè̆b́è htĭ aMò̄khobwèzo d́ò, “Ŏ B́ĭcè Atcahtĭgudu dèbwè, Nî ḿî Khŏnujo kî hlĕ aŭsu kî alekă b́ĕ lahtŭlablo nu, Nè dècirra ḿî adî̄ahma hŏ!

⁶ Cè tòcò hlòlagè bija tcahtĭ tòcò kî prò̆fèt tòcò athwi; mègōnu akhoacè̆ na hnaò̆gè cè tòcò dèthwi acab́ô̆ ca tani nu.”

⁷ Kîd́ò̆ jî thîhè̆b́ègè dèthèb́è̆kho thè̆ne d́ògè, “Ŏ B́ĭcè Dèado, ab́èhŏ! Amèzadè lŏcăcè, Ni ila dècirra ḿî ab́è kî adî̄ahma hŏ!”

⁸ Mò̄khobwèzo lwībwè dèbwè le kî hlòlakè̆gè za laba d́ŏ lumu alò, kî lumu b́è ila acô̆thèlè̆ agè̄ gè̄ôphî̆ bija kî hmîŭ agosô nu;

⁹ ḿî bija tòcò b́èphogè̄hò nòthò̆ hmî hnò̆nu, cè tòcò hôkî̆kkè we tèpwè Kib́ĭcè ami d́ŏ ci ilani lōwa dèssègnè̆bòdò akhoacè̆ nu, ḿî za da bajalage ze ne ńò kî da htăigè lōwa ńò dòkhò̆.

¹⁰ Mò̄khobwèzo jè̄bwè dèbwè le kî hlòlakè̆gè za laba d́ŏ dèphodèwe akhŭ ana bu d́ō, dèkhithurŭgè d́ŏ zi htĭ ze ge abu nu. Aeawè̄ asè̆ bija pwĕ ce ela zî blî nu,

¹¹ zô hôkî̆kkègè Mò̄kho Ab́ĭcè d́ŏ zè dèsè̆ abulebukle acè̆ nu. Ḿî zè dè sèphlòḿĭ ni d́ŏ dèkî̆kkèmèhlò̆ aklè̆ ńò dòkhò̆.

¹² Mò̄khobwèzo abwèthăthô dèbwè le kî hlòlakè̆gè za laba d́ŏ Euphrătès gòllò̄ abu nu. Htĭ lathwi lōgè kî aphî̆htagè lumuhta saphra tòcò anikhĭ klèdoklèb́ă.

¹³ Alekă ja tcahtîgè dèhnè acîpô thŏ d́ŏ htè amè acab́ô̆ d́î nu hèhtakô d́ŏ Wudo, dèphodèwe kî prò̆fèt aplè ahòbŭ nu.

¹⁴ Zî ḿî dèscidèhnè, zè mè za dèbòdèba, zè kèhtî Lākho asaphra tòcò kî zo jo ladēplo lōwa Kib́ĭcè Amèzadè lŏcăcè adèd́o Munido anikhĭ nu.

¹⁵ “Sòkhĕńebò̄! Je gē lekò̆ acab́ô̆ bwèahudè nu! Ab́èhôwî ḿî bija aòphôthèńè kî akô̆b́ithòb́i anebî̆cè, cab́ô̆htè agè̄ dè hè dîwî̄dewe toklŏhtub́èkò̆ d́ŏ bija òè̆bwè ahlò̆mò̄ dèthăwāthablè̄ aklè̆ ńò dèbwè nu.”

¹⁶ Mèhwă dèscidèhnè jo ladēplogè saphra tòcò d́ŏ ale dokhlo htè Hebrè̆upho tòcò htă ami Armagèddòn nu.

¹⁷ Mò̄khobwèzo thăthô dèbwè dèbwè le kî hlòlakè̆gè za laba d́ŏ gīlliklè̆ nu kî dèlē kèwohtagè d́ŏ Na htè aò d́ŏ Zarādo abu ad́ò, “Dèhwălō htŏ!”

¹⁸ Hlăgolî, hlăwō hlăphla kî dèbosô amò scisăthabo zî̄gè. Hlĕ Kib́ĭcè b́òla Lākho hwă htô̆ dola khŏnujo bija dè kèhtîgè dè acab́ô̆ ajo dakhă ńò nu. Ajo ḿî Lākho jijā asôgudu, azî̄azô̄ gudŭ dèdè̆ nu.

¹⁹ Udo b́è bēphagè thŏkò̆lā kî htĭge lŏcăcè audo tòcò b́èkè̆b́èhlè̆mè̄lōgè. Kib́ĭcè gomohtani Babilŏnia udo kî za hna ò̆ lōwa thobiscihtĭ aò Za phală bu, Zè dèthèhtèsô athobiscihtĭ nu.

²⁰ Khò̆htĭkho lŏcăcè kî khò̆mukhòlò̆ lŏcăcè hlè̆mè̄ lōgè.

²¹ Thŏo akhlodo dokhlo dokhlo aò azwè ascĭthăthôsè tòcò ò d́ŏ Mò̄kholè̄ ladēhtî bija kho, cè tòcò hôkî̆kkè Kib́ĭcè d́ŏ za hna ladē thŏo khlodo acè̆ nu, manè̄ d́ō, zî ḿî dèssègnè̆ adogudŭ domo acè̆ nu.

« Zam'mbuyo

Ena »

Bible Society of Myanmar

Titsatireni:

Maulalo othandizidwa

Zotsatsa