Baibulo la pa intaneti

Dèd́è̆lî̄ 12 - Geba Roman New Testament

Amihmu kî Wudo

¹ Khŏnujo dègèlè ado pòhtagè d́ŏ Mò̄kho dèdè̆, amihmu dèbwè ògrōhtab́ŭhtakî Lumu, kî hlè̆ ògè d́ŏ za khaî̆thalè̄ nu kîd́ò̆ zo khocò̆ ḿîgè sè scigīmè̆.

² Zu muthèd́ŏ kî zu phŭ sè̆htasôgè d́ō, za haphuhasiri b́ĕ zo phozelai zo pho nu.

³ Kîd́ò̆ dègèlè alewe pòhta d́ò̆ dèdè̆ be. Ḿî tèpwè Wudo alîtò̆tî tòb́ò̆, ako ò thăthôtod́ŏ kî ano ògè ab́ò̆sci. Ako thăthôtod́ŏ akho nu khocò̆ ògè thăthô dèdè̆ dè̆.

⁴ Kî akăhmî tòb́ò̆ cwidôhôgè sè aò d́ŏ Mò̄kho nu tòcò thŏputupu kî ahwĕladēgè d́ŏ Lākho nu. Wudo anu tòb́ò̆ nu sò̆htoògè d́ŏ amihmu athaḿò̆ phozelai apho anu dèbwè ahlò̆mò̄ cab́ô̆htè zo gō phozela d́ō, zu gū hjŭnīabò̄ lōwa apho nu.

⁵ B́ĕnu zo phozelai zo phokhŏ htè aku ŭib́è htĭge lŏcăcè kî htaĺa thab́ăsè̆ dèbwè nu. Barasă d́ō, abĭsèpho b́è ăwū phlòḿĭ dòbògè d́ŏ Kib́ĭcè ò, d́ŏ Za na abu nu.

⁶ Amihmu anu dèbwè cwèphlòḿĭgè d́ŏ hmîlè̄klè̆ htè Kib́ĭcè pradòlònigè cè dokhlo nu, kî b́ĕnu cè kè b́ètcaiôi aniathè̆ 1,260 adābu nu.

⁷ B́ĕnu dèd́o phî̆htagè d́ŏ Mò̄kho nu, b́ĕ Mikĕlè̄ kî zè Mò̄khobwèzo tòcò d́ophjagè Wudo nu, Wudo kî zè Mò̄khobwèzo tòcò d́ògegè cè alī,

⁸ ḿî zu sugè d́ō, cè kî zò Mò̄khobwèzo di nib́è be akò ò d́ŏ Mò̄kho be ńò.

⁹ Wudo tòb́ò̆ b́è hwĕladē d́ŏ Lākho nu—kî wu hlemo htè ami ḿî Mod́èlî, ḿî̆diḿî ńò Sătana, htè ahlòplè Lākho thèd́è̆b́è nu. Cè b́è hwĕladē d́ŏ Lākho, ploplo kî zò Mò̄khobwèzo lŏcăcè lò.

¹⁰ Kîd́ò̆ jî thîhè̆b́è dèlē a sô̆ dèdè̆ d́ŏ Mò̄kho nu, ad́ò, “Khŏnujo Kib́ĭcè adèhlô̆htage dole htŏ! Khŏnujo Kib́ĭcè d́è̆lî̄htagè Zè dèkhodèă acab́ô̆ Saphra nu! Khŏnujo Zî Krĭstu d́è̆lî̄hta htŏ adècô̆dèthèlè̆! Manè̄ d́ō, bija htè asò̆hto ò d́ŏ wî B́ĭcè ahlò̆mò̄ kî abè̄ dèkèḿè d́ŏ wè thè̆buwe tòcò alò thè̆musè̆munè dèbwè nu, b́è htîladēkè̆gè d́ŏ Mò̄kho htŏ.

¹¹ Cè tòcò nobè htŏ lōwa d́ŏ Thŏpho athwi kî d́ŏ dèdî̄dèhma htè cè tòcò d́òŭd́ò̆sagè, kî cè tòcò athaò agā khathĭkhahlè̆mè̄ ane akhoacè̆ nu.

¹² Mò̄kho kî aò d́ŏnu tòcò gā thalōthala d́ò̆è! Ḿî khò̆kho kî pellè anikhĭ dèba gō dolegè! Manè̄ Mod́èlî gò̄ hlò̆wè̄kò̆ thĭ lò d́ŏ dèthèhtèd́òd́è̆ abu d́ŏ zî thîhè̆ zu munimuthè̆ òdawe tod́opho be lò nu.”

¹³ B́ĕ Wudo thîhè̆gè cè b́è htîladē d́ŏ lākho nu lò kîd́ò̆ zô lôgè amihmu htè aphoscilai apho amikhŏ dèbwè nu.

¹⁴ Ḿî amihmu nu (ce d́e d́òlagè acab́ô̆ lēdo ad́e nu gīb́è kî) cè b́è ilagè lēdo ad́e gīb́è cab́ô̆htè agī hwiphlòḿĭgè d́ŏ alleaklè lothĭḿizekho nu, kî d́ŏnu cè b́ètcaikhwèigè thŏd́e kî klăḿè̆ adābu, òhlô̆òlagè Wudo.

¹⁵ Mèhwă d́ō, Wudo pòladē htĭ amè cab́ô̆ lò̄do tòb́ò̆ dolakô ze le cab́ô̆htè agò̄ doblîb́a kî mèlaothĭ cè nu.

¹⁶ Barasă Lākho mèhlô̆htage amihmu; ab́ăhta ahòbŭ kî hjŭnī lò htè Wudo pòladē khŭnu tòb́ò̆ nu.

¹⁷ Wudo thèhtèb́èsôgè amihmu kî ze led́olephjagè lōwa aphoali alewe tòcò nu, lŏ bija asòkhĕńe Kib́ĭcè adèhmèla kî aòdî̄òhma d́ŏ dèkhathè̆thî Jezŭ anikhĭ tòcò nu.

¹⁸ Kîd́ò̆ Wu sò̆htogè d́ŏ pellèwe nu.

« Zam'mbuyo

Ena »

Bible Society of Myanmar

Titsatireni:

Maulalo othandizidwa

Zotsatsa