Psalmowo 87 - Biblia alo Ŋɔŋlɔ Kɔkɔe La Le Eʋegbe Me 1913

Zion ŋu kɔkɔ to trɔ̃subɔlawo ƒe dzimetɔtrɔ me.

¹ Hadzidzi; Korax-viwo ƒe ha. Eƒe agunu le to kɔkɔewo dzi.

² Yehowa lɔ̃a Zion ƒe agbowo wu nɔƒewo katã le Yakob.

³ Mawu ƒe du, nya nyui wogblɔ de ŋuwò. Sela.

⁴ Meyɔ Raxab kple Babel be, wonye amesiwo nyam; kpɔ ɖa, Filistitɔwo, Tiro kple Kus la, afima wodzi wo ɖo.

⁵ Ke woagblɔ le Zion ŋu be: Eya me wodzi amesiame ɖo, eye eya dziƒoʋitɔ la li kee.

⁶ Ne Yehowa le dukɔwo ɖem agbalẽ me la, axlẽ wo be, afima wodzi wo ɖo. Sela.

⁷ Hadzilawo kple ɣeɖulawo agblɔ be: „Nye susuwo katã le dziwò.“