Psalmowo 6 - Biblia alo Ŋɔŋlɔ Kɔkɔe La Le Eʋegbe Me 1913

Dawid do dzimetɔtrɔgbe ɖa le esime wòle ŋutilã kple luʋɔ ƒe fukpekpe te. Duɖoɖo de Mawu ƒe kpekpeɖeŋu ŋu.

¹ Dawid ƒe ha na gbe gã kasaŋkutɔtvo ƒe henɔ.

² Oo, Yehowa, megaka mo nam le wò dɔmedzoe me o, eye megahe to nam le wò dziku me o!

³ Yehowa, ve nunya, elabena nu te ŋunye belibeli; da gbe le ŋunye, elabena ŋɔdzi lé nye ƒuwo!

⁴ Dzidzi ƒo nye luʋɔ ŋutɔ! Eye wò Yehowa, vaseɖe ɣekaɣie?

⁵ Yehowa, trɔ kɔ, ne naɖe nye luʋɔ, xɔ nam le wò amenuveve la ta!

⁶ Elabena ŋkuɖoɖo dziwò meli le ku me o, eye ameka akafu wò le tsiẽƒe!

⁷ Meɖea hũ ʋuu ɖeɖi tea ŋunye, meƒoa aɖatsi nye aba bekee zã sia zã, eye aɖatsi ƒoa nye dɔƒe.

⁸ Nuxaxa na nye ŋkuwo le ayi, nu te wo ŋu le nye ketɔwo katã ta.

⁹ Mi nu vlo wɔlawo katã, mite da le gbɔnye, elabena Yehowa se nye avigbe la.

¹⁰ Yehowa se nye kokoƒoƒo. Yehowa xɔa nye gbedodoɖa alɔ eve.

¹¹ Ŋu akpe nye futɔwo katã, eye dzidzi aƒo wo ŋutɔ; woagbugbɔ, eye woƒe mo atsi da enumake.