Psalmowo 113 - Biblia alo Ŋɔŋlɔ Kɔkɔe La Le Eʋegbe Me 1913

Mawu vea amesiwo bɔbɔa wo ɖokui ɖe anyi la nu.

¹ Mikafu Yehowa! Mi Yehowa ƒe dɔlãwo, mikafu Yehowa ƒe ŋkɔ, mikafui!

² Woakafu Yehowa ƒe ŋkɔ tso fifia vaseɖe mava me!

³ Woakafu Yehowa ƒe ŋkɔ tso ɣedzeƒe vaseɖe eƒe toɖoƒe!

⁴ Yehowa ɖo kpo ɖe dukɔwo katã dzi, eƒe ŋutikɔkɔe ɖo kpo ɖe dziƒo dzi.

⁵ Amekae ɖe Yehowa, mía Mawu la, amesi bɔbɔ nɔ dzi me,

⁶ amesi le ame bɔbɔɖeanyiwo kpɔm ɖa le dziƒo kple anyigba dzi la nu?

⁷ Eya, amesi fɔ ame tsa la tso ʋuʋudedi me kple ame dahe la tso ba me;

⁸ ne wòatsɔe aɖo bubumewo gbɔ, aɖo eƒe dukɔ la ƒe bubumewo gbɔ;

⁹ amesi na konɔ la nɔa aƒe me, ne wòakpɔ dzidzɔ ahe vidada ene. Mikafu Yehowa!