Nahum 3 - Biblia alo Ŋɔŋlɔ Kɔkɔe La Le Eʋegbe Me 1913

Niniwe ƒe nuvɔ̃ ta wole to hem nɛ.

¹ Baba na hlɔ̃dodu, si me alakpadada hɔ ɖo, ŋutasesẽ yɔe fũ, eye wòghe aslɖeɖe le adzodada ŋu!

² Fu to anyi, sɔƒokawo le ɖiɖim, eye tasiaɖamfɔwo le zi nyẽm, sɔwo le du dzl, eye tasiaɖamwo le hoo wɔm!

³ Sɔdolawo dze aʋa, yi le dzo dam, eye akplɔwo le dzo sim; ame tsiaʋawo teƒe mekɔ o, eye ame kukuwo sɔ gbɔ kpaŋkpaŋ, seƒe meli na ame kukuwo o, eye wodze anyi ɖe woƒe ame kukuwo dzl.

⁴ Le gbolo ƒe ahaslwɔwó vivivo kple dzotɔ dzetugbee nyo la, amesi tso eƒe gholowɔwɔ ƒle dukɔwoe, eye wòtsɔ eƒe dzosasa ƒle ƒomewoe ta la,

⁵ kpɔ ɖa, ale Yehowa Zebaot gblɔ esi: Maƒo ɖe dziwò, eye maɖe wò taɖedzi lewo ŋutɔ ŋkuwò me, mana dukɔwo nakpɔ wò ama, eye fiaɖuƒewo nakpɔ wò ŋukpeƒe.

⁶ Matsɔ nu nyɔŋuwo axlã ɖe wò, maɖi gbɔ wò, eye matsɔ wò aɖo kpɔdzidzee.

⁷ Eye wòava me be, ne amea ɖe to ŋuwò yina la, asi le nuwo agblɔ bena; Wogblẽ Niniwe, ameka afa nɛ, eye afika maɖadi akɔfala le na wò?

⁸ Ɖe nènye wu No-Amon, si hɔhɔ nɔ Nil-tɔsisi to, tsi ɖe to ɖee goɖoo, atsiaƒu nye kpo nɔ eŋu, eye tsi nye gli nɔ eŋu laa?

⁹ Kusitɔ kple Egiptetɔ gbogboawo nye eƒe ŋusẽ, Putitɔwo kple Lubitɔwo nye wò xɔnametɔwo.

¹⁰ Ke wonyã eya hã ɖe gbe wòyi aboyo me, eye woxlã viawo ɖe kpɔdomeewo ƒe dzogoewo katã, wodzidze nu ɖe eƒe bubumewo dzl, eye wode kɔsɔkɔsɔ eƒe amegãwo katã.

¹¹ Wò hã àmu aha, wò mo atsyɔ zi, eye nadi sltsoƒe le futɔ la nu.

¹² Wò mɔ̃ sesẽwo katã le abe gboti, siwo dzi kutsetse ɖiɖiwo le la ene; ne woʋuʋu wo la, woade adze nu me na wo ɖula.

¹³ Kpɔ ɖa, wò amewo le abe nyɔnuwo ene le dowòme; wò anyigba ƒe agbowo aʋu wo ɖokul na wò futɔwo siaa, eye dzo afiã wò gametiwo.

¹⁴ Du tsi na ɖokuiwò, elabena wole to ɖe ge ɖe wò, eye ƒu kpo ɖe dzi, ɖo agbi me nanyã anyi, eye namè anyikpewo!

¹⁵ Afima dzo aɖu wò le, aɖu wò abe ʋefra ene, eye yi atsrɔ̃ wò, ne éde ha abe ʋetrawo ene, eye nèsɔ gbɔ kpaŋkpaŋ abe ʋetsuviwo ene hã.

¹⁶ Wo asitsalawo sɔ gbɔ wu dziƒoɣletiviwo, ke ʋetrawo aɖɔ li aʋala ahadzo adzo.

¹⁷ Wo amegãwo le abe ʋetrawo ene, eye wò aʋaflawo le abe ʋe-tsuviwo ƒe ha ene, wodzona ɖe gliwo ŋu le gbesigbe vuvɔ le wɔwɔm, ke ne ɣe dze la, wotuna dzona, eye womegadzea siwo teƒe o.

¹⁸ Asur-fia, wò lãkplɔviwo le alɔ̃ ɖɔm, eye wò bubumewo le gbɔgbɔm ɖe eme, wò amewo kaka ɖe towo dzi; eye amea ɖeke meƒo wo nu ƒu o.

¹⁹ Wò ghe-ghlẽ nu mafa o, eye hayahaya manɔe na wò ahlxɔxɔ o. Amesiwo katã se nya le ŋuwò la, aƒu akpe ɖe ŋuwò; elabena ameka dzie wò vɔ̃ɖiwɔwɔ meheva atraɖii o ma?