Lododowo 9 - Biblia alo Ŋɔŋlɔ Kɔkɔe La Le Eʋegbe Me 1913

Nunya le ameyɔyɔ xɔlɔ̃lɔe.

¹ Nunya tu xɔ, eye wòkpa eƒe sɔti adreawo,

² ewu eƒe lãwo, edzro eƒe wein, eye wòɖo kplɔ̃ hã;

³ edɔ eƒe dɔlanyɔnuwo ɖa, ne woaɖo ɣli le dua ƒe kɔkɔƒewo be:

⁴ „Mi bebewuwo, miva dze afii!“ Ele gbɔgblɔm na nunyalawo be:

⁵ „Miva, ne miaɖu nye abolo, eye miano nye wein, si metɔtɔ la!

⁶ Miɖe asi le bometsitsi ŋu, ne mianɔ agbe, eye milé gɔmesese ƒe mɔ tsa tẽ!

⁷ Amesi le mɔnu fiam fewuɖula la, kplɔa ŋukpe ƒua eɖokui, eye amesi le mo kam na ame vɔ̃ɖi la, dzu wònyena nɛ.

⁸ Megaka mo na fewuɖula, ne wòalé fu wò o, ka mo na nunyala boŋ, eye alo wò.

⁹ Na nu nunyala, eye wòaganya nu ɖe dzi; fia nu ame dzɔdzɔe, eye wòadzi eƒe nunyanya ɖe dzi.

¹⁰ Yehowa-vɔvɔ̃ enye nunya ƒe gɔmetoto, eye sidzedze kɔkɔetɔ la enye gɔmesese.

¹¹ Elabena wò ŋkekewo asɔ gbɔ to dzinye, eye agbenɔƒewo adzi ɖe edzi na wò.

¹² Ne èdze nunya la, enye viɖe na wò ŋutɔ; ke ne ènye fewuɖula la, wò ɖeɖe akpee.

¹³ Nyɔnu bometsila ƒe mo nyrã, bebewu wònye, eye nunya mele tagbɔ nɛ o.

¹⁴ Ebɔbɔ nɔ zikpui dzi le eƒe aƒe ƒe agbalinu le dua ƒe kɔkɔƒe,

¹⁵ ne yeayɔ amesiwo to mɔ dzi yina, amesiwo le woƒe, mɔ tsɔ tẽ be;

¹⁶ „Amesi nye gegeme la, neva dze afi!“ Eye wole gbɔgblɔm na nunyalawo be:

¹⁷ Tsi, si wofi, eyae vivina, eye vivimebolo le ŋanɛ.“

¹⁸ Ke menyae be, ŋɔliwo le afima, eye be amesiwo wokpe la, tsiẽƒe ƒe aʋli me wole o.