4 Mose 33 - Biblia alo Ŋɔŋlɔ Kɔkɔe La Le Eʋegbe Me 1913

Asaɖabɔƒewo xexlẽ

¹ Esiawo nye Israel-viwo ƒe toƒewo, lé esime woʋu tso Egipte-nyigba dzi hamehame, eye Mose kple Aron le wo nu la.

² Eye Mose ŋlɔ woƒe mɔzɔzɔ la le woƒe toƒewo nu, abe alesi Yehowa de se ene. Esia nye woƒe mɔzɔzɔ la le woƒe toƒewo nu.

³ Woho tso Ramses le ɣleti gbãtɔ ƒe ŋkeke wuiatɔ̃lia dzi, ŋkeke, si dze ŋutitotoŋkekenyuie yome la dzi asi sesẽ kplɔ Israel-viwo dzoe le Egiptetɔwo katã ŋku me,

⁴ le esime Egiptetɔwo le woƒe ŋgɔgbevi, siwo katã Yehowa vu le wo dome la ɖim, eye Yehowa ɖe eƒe ŋusẽ fia woƒe mawuwo hã.

⁵ Eye Israel-viwo ho tso Ramses heva ƒu asaɖa anyi ɖe Sukot.

⁶ Woho tso Sukot heva ƒu asaɖa anyi ɖe Etam le gbegbe la nu,

⁷ eya woho tso Etam hetrɔ ɖo ta Pihaxirot le Baal-Zefon ŋgɔ, eye woƒu asaɖa anyi ɖe Migdol ƒe ɣedzeƒe gome.

⁸ Woho tso Pihaxirot, eye wotso ƒu la heva gbedzi, eye wozɔ Etam-gbedzi ŋkeke etɔ̃ heva ƒu asaɖa anyi ɖe Mara,

⁹ eye woho tso Mara heva Elim, afisi vudo wuieve kple deti blaadre le, eye woƒu asaɖa anyi ɖe afima.

¹⁰ Woho tso Elim heva ƒu asaɖa anyi ɖe Avaƒu la nu,

¹¹ eye woho tso Avaƒu la nu heva ƒu asaɖa anyi ɖe Sin-gbedzi.

¹² Woho tso Sin-gbedzi heva ƒu asaɖa anyi ɖe Dofka;

¹³ eye woho tso Dofka heva ƒu asaɖa anyi ɖe Alus.

¹⁴ Woho tso Alus heva ƒu asaɖa anyi ɖe Refidim, afisi tsia ɖeke mele, be dukɔ la nano o;

¹⁵ eye woho tso Refidim heva ƒu asaɖa anyi ɖe Sinai-gbedzi.

¹⁶ Woho tso Sinai-gbedzi heva ƒu asaɖa anyi ɖe nudzrolawo ɖiƒe;

¹⁷ eye woho tso nudzrolawo ɖiƒe heva ƒu asaɖa anyi ɖe Xazerot.

¹⁸ Woho tso Xazerot heva ƒu asaɖa anyi ɖe Ritma;

¹⁹ eye woho tso Ritma heva ƒu asaɖa anyi ɖe Rimon-Perez.

²⁰ Woho tso Rimon-Perez heva ƒu asaɖa anyi ɖe Libna,

²¹ eye woho tso Libna heva ƒu asaɖa anyi ɖe Risa.

²² Woho tso Risa heva ƒu asaɖa anyi ɖe Kehelata,

²³ eye woho tso Kehelata heva ƒu asaɖa anyi ɖe Sefer-to la gbɔ.

²⁴ Woho tso Sefer-to la gbɔ heva ƒu asaɖa anyi ɖe Xarada,

²⁵ eye woho tso Xarada heva ƒu asaɖa anyi ɖe Makehelot.

²⁶ Woho tso Makehelot heva ƒu asaɖa anyi ɖe Taxat,

²⁷ eye woho tso Taxat heva ƒu asaɖa anyi ɖe Tarax.

²⁸ Woho tso Tarax heva ƒu asaɖa anyi ɖe Mitka,

²⁹ eye woho tso Mitka heva ƒu asaɖa anyi ɖe Xasmona.

³⁰ Woho tso Xasmona heva ƒu asaɖa anyi ɖe Moserot,

³¹ eye woho tso Moserot heva ƒu asaɖa anyi ɖe Bene-Yakan.

³² Woho tso Bene-Yakan heva ƒu asaɖa anyi ɖe Xor-Hagidgad,

³³ eye woho tso Xor-Hagidgad heva ƒu asaɖa anyi ɖe Yotbata,

³⁴ Woho tso Yotbata heva ƒu asaɖa anyi ɖe Abrona,

³⁵ eye woho tso Abrona heva ƒu asaɖa anyi ɖe Ezeon-Geber.

³⁶ Woho tso Ezeon-Geber heva ƒu asaɖa anyi ɖe Kades le Sin-gbedzi,

³⁷ eye woho tso Kades heva ƒu asaɖa anyi ɖe Hor-to la gbɔ, le Edom ƒe liƒo dzi.

³⁸ Eye nunɔla Aron ɖe Hor-to la dzi, abe alesi Yehowa gblɔ ene, eye woku le afima, le esime Israel-viwo ʋu tso Egipte-nyigba dzi ƒe blane megbe le ɣleti atɔ̃lia ƒe ŋkeke gbãtɔ dzi.

³⁹ Aron xɔ ƒe alafa ɖeka blave vo etɔ̃ hafi ku le Hor-to la dzi.

⁴⁰ Eye Kanaanitɔ, Arad-fia, si nɔ Kanaan-nyigba ƒe dziehe gome la, se bena, Israel-viwo gbɔna.

⁴¹ Woho tso Hor-to ta gbɔ heva ƒu asaɖa anyi ɖe Zalmona,

⁴² eye woho tso Zalmona heva ƒu asaɖa anyi ɖe Punon.

⁴³ Woho tso Punon heva ƒu asaɖa anyi ɖe Obot,

⁴⁴ eye woho tso Obot heva ƒu asaɖa anyi ɖe Iyim-Abarim le Moabitɔwo ƒe liƒo dzi.

⁴⁵ Woho tso Iyim heva ƒu asaɖa anyi ɖe Dibon-Gad,

⁴⁶ eye woho tso Dibon-Gad heva ƒu asaɖa anyi ɖe Almon-Diblatayim.

⁴⁷ Woho tso Almon-Diblatayim heva ƒu asaɖa anyi ɖe Abarim-to la gbɔ, le Neho ƒe ɣedzeƒe gome,

⁴⁸ eye woho tso Abarim-to la gbɔ heva ƒu asaɖa anyi ɖe Moab-tagba le Yordan nu le Yerixo kasa.

⁴⁹ Woƒu asaɖa la anyi ɖe Yordan nu tso Bet-Yesimot vaseɖe Abel-Sitim le Moab-tagba.

Se le Kanaanitɔwo tsɔtsrɔ̃ ŋuti.

⁵⁰ Eye Yehowa ƒo nu kple Mose le Moab-tagba, le Yordan nu, le Yerixo kasa bena:

⁵¹ Ƒo nu kple Israel-viwo, eye nagblɔ na wo bena: Ne mietso Yordan va Kanaan-nyigba dzi la,

⁵² ekema mianya anyigbadzinɔlawo katã le mia ŋgɔ, eye miagbã woƒe aklama kpakpɛwo katã kple woƒe legbawo katã kpakple woƒe vɔsamlekpuiwo katã.

⁵³ Eye miaxɔ anyigba la wòanye mia to miano edzi; elabena miawoe metsɔ anyigba la na, be wòanye mia to.

⁵⁴ Miadzidze nu ɖe anyigba la dzi amãe ɖe miaƒe ƒomeawo nu; miana domenyinu la amesiwo sɔ gbɔ la, wòalolo, eye amesiwo le ʋee la, ƒe domenyinu nanɔ ʋee. Teƒe, si dzi nudzidze la dze nɛ la, afima woaxɔ; mianye ɖe mia fofowo ƒe toawo nu.

⁵⁵ Ke ne mienyã anyigbadzinɔlawo le mia ŋgɔ o la, ekema amesiwo miegblẽ ɖi la, atro zu ŋu ano miaƒe ŋku ta kple aŋɔka anɔ mia xa, eye woaxaxa mi ɖo le anyigba, si dzi miele la dzi.

⁵⁶ Eye matsɔ nusi meɖi be, mawɔ wo la, awɔ mi.