1 Samuel 27 - Biblia alo Ŋɔŋlɔ Kɔkɔe La Le Eʋegbe Me 1913

Dawid nɔ Ziklag le Filistitɔwo ƒe anyigba dzi.

¹ Ke Dawid gblɔ le eƒe dzi me bena: Gbe ɖeka ko mele Saul si me tsi ge; anyo nam wu, ne mesi yi ɖe Filistitɔwo ƒe anyigba dzi, ekema Saul atasi nye nya, eye magadim le Israel-nyigba blibo la dzi azɔ o, eye mage le esi me.

² Tete Dawid kple ŋutsu alafa aɖe, siwo le eŋu la, dze mɔ yi Gat-fia Axis, Maox vi gbɔ.

³ Eye Dawid kple eƒe amewo, amesiame kple eƒemetɔwo, tsi Axis gbɔ le Gat; Dawid kple srɔ̃a eveawo, siwo nye Axinoam tso Yezreel kple Nabal srɔ̃ Abigail tso Karmel.

⁴ Esi wova gblɔ na Saul bena, Dawid si yi Gat la, megadii azɔ o.

⁵ Eye Dawid gblɔ na Axis bena: Ne ève nunye la, ekema na nɔƒem ɖe anyigba dzi duawo dometɔ ɖeka me, ne manɔ afima; nukaŋuti wò dɔla anɔ fiadua me kpli wò?

⁶ Tete Axis tso Ziklag nɛ gbemagbe; eyata Ziklag zu Yuda-fiawo to vaseɖe egbe.

⁷ Ŋkeke, siwo Dawid no Filistitɔwo ƒe anyigba dzi la, le ƒe ɖeka kple dzinu ene.

⁸ Eye Dawid kple eƒe amewo yi ɖadze Gesuritɔwo, Girzitɔwo kple Amalekitɔwo dzi; elabena woawo na anyigba la dzi tso tititi yi ɖake de Sur kple Egipte-nyigba ŋu.

⁹ Tete Dawid si anyigba la, eye mena ŋutsu alo nyɔnua ɖeke tsi agbe o, eye wotso alẽwo kple nyiwo, tedziwo kple kposɔwo kple avɔwo gbɔe va Axis gbɔ.

¹⁰ Ne Axis bia bena; afika dzi mieɖadze egbea hã la, Dawid ɖoa ŋu bena: Míetso Yuda ƒe dziehe. Yeraxmeelitɔwo ƒe dziehe kple Kenitɔwo ƒe dziehe.

¹¹ Dawid mena ŋutsu alo nyɔnu tsi agbe o, elabena ebu be, ne yekplɔ wo va Gat la, woava ƒo nu le yewo ŋu agblɔ be: Ale kple ale Dawid wo enye si. Alea wòwɔ le ŋkeke, siwo katã wònɔ Filistitɔwo ƒe anyigba dzi la me.

¹² Axis ɖo ŋu ɖe Dawid ŋu hebu bena, anya wɔ nu baɖaa ɖe le eƒe dukɔ Israel gbɔ, eye wòanye yeƒe dɔla ɖaa.