Giidaheechta 13 - NEAJEEDA EESH BEA BUUNEESSEAN

Diyean iyyeenya

¹ Hean ghaadaayi diyeayda nea ghwadambiir aba jeeda basooda, nea gwandeawa gujaw damwanamughuush ea iheen ispwa, ak gwanda shiip damwanamughuush uhuuda gujakkaaschi ak gwandeawa gheawunga ging'weakka aba iheenga gujakkaaschi.

² Nea diyeaydida adaayiin gawuurji mariirda, nea geeshangaaschi gawuurji idamooda, ak ghuuttaannyi gawuurji ghuutta ng'adiida. Ak ghoadaw hararjooda diyeayda uurdaannyi ea hoorgeadaannyi bea sugoochcheandumeeda ea gheambalmeeda haw.

³ Ghaadaayi uhuunagi aba iheengaaschi gawuurji gili mideawa dearjooda miyeeda, nea deanneandeadaannyi bea miyeeda ea nihaap, ak ghwaat geashta diyeayda ng'eanyiissean aba muuwuda.

⁴ Hean ghaghadoowan buuneeda ichchiboodida, aba gideaba niidaw gheambalmeadaannyi diyeayda, hean ghaghadoowan diyeaydida nea gwayi, “Gawuurji ng'eaha diyeayda, ak gayghoammu ng'eaha gang'uchi sea niny?”

⁵ Ak geattaw diyeayda ghuutta jea gabaloola ng'asheega hees bea ging'weakka, ak geattaw gheambalmeeda jea gwasna gadiyeadaannyi sheeh haradam ea iyyeenya;

⁶ hean ghwajaat ghuuttaannyi gong'eawi Aseetta, nea gong'eawi eara gheawungaaschi ea heeda abiitta, nea gea abiitta humng'eeda.

⁷ Ak geesiksa gang'uchi sea fuga ghaydidi ak ghwajoar. Ak geattaw gheambalmeeda appadayda gilinyoo ea emoochean gil ea buuneeda ea iitta ea emoojiga,

⁸ nea haleanjeessean mida muunda ng'eanyiida gayghaghadoawan niny, giliwas sih miyeeng'oorsa gheawungaaschi jeeda gittaabooda eaweega bea Dayeenda Gisilleanda ghayi sinuus nea miyeebwat sindeetta ng'eanyiida.

⁹ Gilinyoo gwandeawa iitta dayiinya:

¹⁰ Siida wassean iijea gawa ghealooniga, gaygawa ghealooniga; siida wassean iilach gheatteaba niirja aba bwaanga, eara niny gajealach gheatta aba bwaanga. Nii heeda mida gihang'ooyda ea doobiiwnatta fuga ghaydidi.

¹¹ Hean ghaadaayi diyeayda nuut siyeeng'u nea gwaleabu badayda ng'eanyiida; nea gwandeawa gujaw iyyeenya nea gawuurji Dayeenda Gisilleanda ak gabaloolda ichchibooda.

¹² Ak gagadiyeatta gheambalmeedeaba diyeaydida bea madeedean iisidaah, ak ghwanung' ghoaghadoawan ng'eanyiida ea fuga mida jeeda diyeaydida bea madeedean, nea dearjoadaannyi bea miyeeda ea nihaap.

¹³ Ak gwasin gwadeagwajeega hees, nea iissa ghwanung' ghwararang'aana beasta humng'eeda ak ghwahidu ng'eanyi madeeda buneeeda;

¹⁴ nea aba gwadeagwajeega siittaw gwasin aba madeeda diyeaydean, hean gwareengani fukka mida ng'eanyiidean, ak ghwanung' gwasin giduurji diyeayda silasa bwaanga ak ea gudugwanda;

¹⁵ ak geanung' gaguusa jeammeeda gidida uurji diyeaydean ak abeeda ghoammu gidida uurji diyeaydean gabalool, ak ghwanung' ealajaada gheatkweakka fuga mwaghadoawana gitta uurji diyeaydean.

¹⁶ Hit gageanu sean fuga manang'i ea gea hees, fuga sean was meanang'oodiga ea gea barbari, sean fuga abal geat ea ging'ng'oonyanga, ak geayiin giirooranga geattinda dugwa ghana gheamamuunatka,

¹⁷ ak abeeda ea siida jea ghoammu ghwasha gil ghana ghwashaayda, geaghus gwandeawa giirooraneedida was gheawungeaba diyeaydideaniin, ghana moonneeda gheawungaaschi.

¹⁸ Ak nii geeguura weaghumeeda: ninyeeda mideawa fughareeda jea ghwanal ea dayiitta moonneedeaba diyeanyi, nea nii ea gidittiida buuneeda, nea moonneadaannyi ea bughalaji lah ea laadam ea lah.