Efeeso 6 - NEAJEEDA EESH BEA BUUNEESSEAN

Diibiga ea ghweaniga nyaawa ea gheamadiga nyaawa

¹ Diibiga, asissiina mureeda ghweanigeagwa ea gheamadigeagwa aba naweeda Ng'uttamiida, aba gideaba ng'asheanji ghwadoabiiw.

² “Sissiina gweanu mureeda ea geamadu” (diigheanji nii digheanda madeeda gil mideawa heelleeda),

³ “Ak ginyasi ng'wanooda nea gibiidi gweannyeeka saang'a jeeda ng'eanyiida.”

⁴ Ghweaniga, adoonnyareesayi diibigeagwa, oarreara nea ghoanung' ghwanyas mureeda ea ginealshooda Ng'uttamiida.

Soomjooga ea Fuga hees

⁵ Soomjooga, asissiina mureeda fugeagwa hees bea ng'eanyiida, aba muuwda nea ghoabwaadannyi, ea doobiiwnatta gurorooda, gawurji giloosissi Gristo;

⁶ nea mii gideaba googadiyeesi aba gheanyanga gil akghwahit, gawuurji fuga ahoosan buuneeda, gagasa gawuurji soomjooga Gristo, nea goosinnyi ng'asheega bwariiy Aseetta leabu jih,

⁷ asna gadiyeedeang'wa nea goobeayi jeesinga miyaas aba gideaba googadiyeesi Ng'uttamiida mii siida gil,

⁸ nea ghoanalli gideaba gidamiy wassean sin siida, gaygabiikta ghwanyas gichcha aba heeda Ng'uttamiida, ea ging'ng'oonyaneeda gil ghanea siida abalgeawi.

⁹ Fuga hees, asissiina ng'asheega sunu saawa, nea ghoanung'waadi gimuuwda, nea ghoanalli gideaba dea was siida nyaawa haw ea deang'wa gwanda humng'eeda, ea gideaba headaannyi manda shiitmeeda.

Dabitta sean bea Aseetta bea ng'uchcheeda

¹⁰ Aba huuydeanda awoosa majeekcheewi aba jeeda Ng'uttamiida ea aba gimmuusta ea uurdaannyi.

¹¹ Oang'ng'waanya dabitta ng'uchcheeda sean bea Aseetta ak gajoammuusa otteala ng'asheega rengaweega bea meang'nyeandeenda.

¹² Aba gideaba ng'uchcheedeanya maba saseeda ea foojeanda gaba badayda sugoochcheandumeeda ea gheambalmeeda appadayda fuga ambaliischi bea jeedeaba misaneani, appadayda shirikkareeda meangeenda munyas aba jeeda daroorakka humng'eeda.

¹³ Asi aba sareani oang'ng'waanya dabitta ng'uchcheeda sean bea Aseetta, ak abeeda gajoammuusa ang'uchcheena damandida bea ng'asheega munyasiin, abeeda iyoahhiichchi ghoamiinaadi.

¹⁴ Asi amiinaada, nea radeadi mananunatkeagwa aba huumeanda, ak gookkwealli nea goodiinyi igeambooda ng'uchcheeda doabiiwaat aba daghanunatkeagwa,

¹⁵ ak gidoogassiidi rukkwiideayda Gijasta Miy bea hoyyooyda anung' gawurji geekka aba geeshangeagwa;

¹⁶ appadaydeaba suu seaniin, oang'waanya igeambooda masaweega, ak abeeda gajoammuusa ahiirjeaweeda geatka sean bea furgweega bea diitta muyiin.

¹⁷ Ak ghoang'ng'waanyi nngoofajeanda hang'way bea lealeenooda, ea bwangeeda Guroorooda was ng'asheega Aseetta.

¹⁸ Amwaasha Aseetta damannyoojiga sean aba jeeda Gurorooda aba mooshta sean bea Aseetta ea baditta. Ak ghoang'ng'wearu nea ghoashng'u aba baditta Aseetta appdahuukka fuga ghaydidi sean,

¹⁹ ak gwasnu earaba heedeanyu, ak abeeda ghammuuschi darukuta iyajaachchi ghuutteanyu ak gearukuti makcheameeda funyaat bea giijasta miy,

²⁰ Ak aniini geawoschi siida sichcheagu ak geandi ghealooniga; asi amwaasha Aseetta appadaydeanyu dammu darukta giijasta miy ghabeada gidamiisean rukuteayda.

Giighachcheekka huydean

²¹ Asi agooga iyoogasayi anala gideawurjeewi ea gideasinnyi, gaygwarukuneegwa Dikikoyda abwariinyi was oorjeediyya ak gabiissa ea siida doabiiwaat gil aba heeda Ng'uttamiida niny gaygwarukuneegwa haleanjeessean.

²² Ak ea neajeagu niny heedeang'wa appadaydeaba ng'asheesu, ak ghoanalli gissuwuurjeewi, nea goomajeek jeesingeagwa.

²³ Gagasa ghwanyas oorjoogiyya hoyyoo ea bariinyeega ea masaweega leabu heeda Aseetta was Bwaabwa ea Ng'uttamiida was Yeesu Gristo.

²⁴ Gagasa gagooneegwa Aseetta dagheerjeandumeeda sea Fuga sean bwariiy Ng'uttamiida was Yeesu Gristo, appariinyeega manda mudeanooda.