Yoswa 19 - Buku Lopatulika

Malire a Simeoni

¹ Ndipo maere achiwiri anamtulukira Simeoni, fuko la ana a Simeoni monga mwa mabanja ao; ndi cholowa chao chinali pakati pa cholowa cha ana a Yuda.

² Ndipo anali nacho cholowa chao Beereseba, kapena Sheba, ndi Molada;

³ ndi Hazara-Suwala, ndi Bala, ndi Ezemu;

⁴ ndi Elitoladi, ndi Betuli, ndi Horoma;

⁵ ndi Zikilagi, ndi Betemara-Kaboti, ndi Hazara-Susa:

⁶ ndi Betelebaoti, ndi Saruheni; mizinda khumi ndi itatu ndi midzi yao;

⁷ Aini, Rimoni ndi Eteri ndi Asani; mizinda inai ndi midzi yao;

⁸ ndi midzi yonse yozungulira mizinda iyi mpaka Baalati-Bere ndiwo Rama kumwera. Ndicho cholowa cha fuko la ana a Simeoni, monga mwa mabanja ao.

⁹ M'gawo la ana a Yuda muli cholowa cha ana a Simeoni; popeza gawo la ana a Yuda linawachulukira; chifukwa chake ana a Simeoni anali nacho cholowa pakati pa cholowa chao.

Malire a Zebuloni

¹⁰ Ndipo maere achitatu anakwerera ana a Zebuloni monga mwa mabanja ao; ndi malire a cholowa chao anafikira ku Saridi;

¹¹ nakwera malire ao kunka kumadzulo ndi ku Mareyala nafikira ku Dabeseti, nafikira ku mtsinje wa patsogolo pa Yokoneamu;

¹² ndi kuchokera ku Saridi anazungulira kunka kum'mawa kumatulukira dzuwa, mpaka malire a Kisiloti-Tabori; natuluka kunka ku Daberati, nakwera ku Yafiya;

¹³ ndi pochoka pamenepo anapitirira kunka kum'mawa ku Gatihefere, ku Etikazini; natuluka ku Rimoni umene ulembedwa mpaka ku Neya,

¹⁴ nauzungulira malire kumpoto, kunka ku Hanatoni; ndi matulukiro ake anali ku chigwa cha Ifutahele;

¹⁵ ndi Katati, ndi Nahalala ndi Simironi, ndi Idala ndi Betelehemu: mizinda khumi ndi iwiri ndi midzi yao.

¹⁶ Ichi ndi cholowa cha ana a Zebuloni monga mwa mabanja ao, mizinda iyi ndi midzi yao.

Malire a Isakara

¹⁷ Maere achinai anamtulukira Isakara, kunena za ana a Isakara monga mwa mabanja ao.

¹⁸ Ndi malire ao anali ku Yezireele, ndi Kesuloti, ndi Sunemu;

¹⁹ ndi Hafaraimu, ndi Siyoni, ndi Anaharati;

²⁰ ndi Rabiti ndi Kisiyoni, ndi Ebezi;

²¹ ndi Remeti ndi Enganimu ndi Enihada, ndi Betepazezi;

²² ndi malire anafikira ku Tabori, ndi Sahazuma, ndi Betesemesi; ndi matulukiro a malire ao anali ku Yordani; mizinda khumi ndi isanu ndi umodzi ndi midzi yao.

²³ Ichi ndi cholowa cha fuko la ana a Isakara, monga mwa mabanja ao, mizinda ndi midzi yao.

Malire a Asere

²⁴ Ndipo maere achisanu analitulukira fuko la ana a Asere monga mwa mabanja ao.

²⁵ Ndi malire ao ndiwo Helekati, ndi Hali, ndi Beteni ndi Akisafu;

²⁶ ndi Alamumeleki, ndi Amada, ndi Misala; nafikira ku Karimele kumadzulo ndi ku Sihori-Libinati;

²⁷ nazungulira kotulukira dzuwa ku Betedagoni, nafikira ku Zebuloni ndi ku chigwa cha Ifutahele, kumpoto ku Betemeke, ndi Neiyeli; natulukira ku Kabulu kulamanzere,

²⁸ ndi Ebroni, ndi Rehobu, ndi Hamoni, ndi Kana, mpaka ku Sidoni wamkulu;

²⁹ nazungulira malire kunka ku Rama, ndi kumzinda wa linga la Tiro; nazungulira malire kunka ku Hosa; ndi matulukiro ake anali kunyanja, kuchokera ku Mahalabu mpaka ku Akizibu;

³⁰ Uma womwe ndi Afeki, ndi Rehobu; mizinda makumi awiri mphambu iwiri ndi midzi yao.

³¹ Ichi ndi cholowa cha fuko la ana a Asere monga mwa mabanja ao, mizinda iyi ndi midzi yao.

Malire a Nafutali

³² Maere achisanu ndi chimodzi anatulukira ana a Nafutali, ana a Nafutali monga mwa mabanja ao.

³³ Ndipo malire ao anayambira ku Helefe ku thundu wa ku Zaananimu, ndi Adami-Nekebu, ndi Yabinele, mpaka ku Lakumu; ndi matulukiro ake anali ku Yordani;

³⁴ nazungulira malire kunka kumadzulo ku Azinoti-Tabori, natulukira komweko kunka ku Hukoku; nafikira ku Zebuloni kumwera, nafikira ku Asere kumadzulo, ndi ku Yuda pa Yordani kum'mawa.

³⁵ Ndipo mizinda yamalinga ndiyo Zidimu, Zeri, ndi Hamati, Rakati, ndi Kinereti;

³⁶ ndi Adama, ndi Rama, ndi Hazori;

³⁷ ndi Kedesi, ndi Ederei, ndi Enihazori;

³⁸ ndi Yironi, ndi Migidalele, Horemu, ndi Betanati, ndi Betesemesi; mizinda khumi ndi isanu ndi inai, ndi midzi yao.

³⁹ Ichi ndi cholowa cha fuko la ana a Nafutali, monga mwa mabanja ao, mizinda ndi midzi yao.

Malire a Dani

⁴⁰ Maere achisanu ndi chiwiri anatulukira fuko la ana a Dani, monga mwa mabanja ao.

⁴¹ Ndipo malire a cholowa chao anali Zora, ndi Esitaoli, ndi Irisemesi;

⁴² Saalabini, ndi Ayaloni ndi Itila;

⁴³ ndi Eloni ndi Timna ndi Ekeroni;

⁴⁴ ndi Eliteke, ndi Gibetoni, ndi Baalati;

⁴⁵ ndi Yehudi, ndi Beneberaki, ndi Gatirimoni;

⁴⁶ ndi Meyarikoni, ndi Rakoni, ndi malire pandunji pa Yopa.

⁴⁷ Koma malire a ana a Dani anatuluka kupitirira iwowa; pakuti ana a Dani anakwera nathira nkhondo ku Lesemu, naulanda naukantha ndi lupanga lakuthwa, naulandira, nakhala m'mwemo, nautcha Lesemu, Dani; ndilo dzina la Dani atate wao.

⁴⁸ Ichi ndi cholowa cha fuko la ana a Dani, monga mwa mabanja ao, mizinda iyi ndi midzi yao.

Cholowa cha Yoswa

⁴⁹ Ndipo atatha kuligawa dziko likhale cholowa chao monga mwa malire ake, ana a Israele anapatsa Yoswa mwana wa Nuni cholowa pakati pao;

⁵⁰ monga mwa lamulo la Yehova anampatsa mzinda umene anawapempha, ndiwo Timnati-Sera, ku mapiri a Efuremu; ndipo anamanga mzindawo nakhala m'mwemo.

⁵¹ Izi ndizo zolowa anazigawa Eleazara wansembe, ndi Yoswa mwana wa Nuni, ndi akulu a nyumba za atate a mafuko a ana a Israele, zikhale zaozao, ndi kulota maere ku Silo pamaso pa Yehova ku khomo la chihema chokomanako. Momwemo anatha kuligawa dziko.