NEHEMIYA 12 - Bibliyeeda Ghaydit

Mooneeda ashoohoodiga ea gea fuga Lawi

¹ Suh ashoohoodiga gil ea fuga Lawi ghayi siyeeng'u sea Serubabeli was orjeeda Shealtieli, ea Yeshuwa: ea Seraya, ea Yeremiya ea Esra,

² ea Amariya, ea Maluki, ea Hatushi,

³ ea Shekaniya, ea Harimu, ea Meremoti,

⁴ Ido, ea Ginetoni, ea Abiya,

⁵ Miyamini, ea Maasiya, ea Bilgayi,

⁶ Shemaya, ea Yoyaribu, ea Yedaya,

⁷ Salu, ea Amoki, ea Hilkiya, ea Yedaya. Suh abeeda fuga hees gil bea ashoohoodiga, ea fuga nyaawa duupchi aba damanda Yeshuwa.

⁸ Nea fuga Lawi: ea Yeshuwa gil ea Binuyi, ea Gadimieli, ea Sherebiya, ea Yuda, ea Mataniya, sea siidaanyi duupchi was siida ambal fuga sarmani bea heeda badiischeesiinda.

⁹ Ea Bakbukiya ea Uno, ea fuga nyaawa duupchi miinaada aba murdeenyaawa bea heeda sibata ASEETA.

Jeata Yoshuwa was ashoohoocheanda haw

¹⁰ Nea Yoshuwa abeeda ghweanda Yoyakimu gil, Yoyakimu ea ghweanda Eliashibu, nea Eliashibu ea ghweanda Yeada,

¹¹ Yeada ea ghweanda Yonatan gil, nea Yonatan ea ghweanda Yaduwa.

Fuga hees bea dooshta ashoohoodiga

¹² Nea aba damanda Yoiyakimu abeeda gwanda ashoohoodiga, ahaaghwa dooshinga ghweaniga nyaawa: Seraya gaba dooshta Meraya; nea dooshta Yeremiya ea Hananiyahi;

¹³ dea dooshta Esra Meshulamu; dea dooshta Amariya Yehohanani;

¹⁴ dea dooshta Maluki Yonatan; dea dooshta Shekaniya Yosefu;

¹⁵ dea dooshta Harimu Adna, dea dooshta Meremoti Helkayi;

¹⁶ dea dooshta Ido, Sakariya, dea dooshta Ginetoni Meshulamu;

¹⁷ dea dooshta Abiya, Sikri, dea dooshta Miyamini, dea Moadiya, Biltayi;

¹⁸ dea dooshta Bilgayi, Shaamuwa; dea dooshta Shemaya, Yehonatani;

¹⁹ dea dooshta Yoyaribu, Matenayi; dea dooshta Yedaya, Usi;

²⁰ dea dooshta Salu, Galayi; dea dooshta Amoki, Eberi;

²¹ dea dooshta Hilkiya, Hashabiya; dea dooshta Yedaya, Netaneli.

Fuga sing'waar bea dooshta ashoohoodiga ea fuga gheeh Lawi

²² Aba damanda Eliashibu ea Yoiyada, ea Yonatan, ea Yaduwa geang'waar ghoah fuga hees bea gheanyaawa; nea ghoah ashoohoodiga, ea ghwahita damanda waseewa Dariyo sugoocheanda ng'eanyiida Ajemi.

²³ Orjooga Lawi ea fuga hees bea gealga gweargwa geeng'oorsa jeeda Gitaabooda Damanyoojiga, ea ghwahita damanda Yonatan was orjeeda Eliashibu.

Lachooda gadiyeeda gheeda sibata ASEETA

²⁴ Ak fuga hees bea Lawi: was Hashabiya, ea Sherebiya, ea Yeshuwa was orjeeda Gadimieli, sea fuga nyaawa duupchi ghamiinaada aba murdeenyaawa ghoaghaambiit nea gabadiischeesa, gawuurji gidaghayi rukuteayda Dawdi was siida ASEETA, gideaba gajeelaja gadiyeeda.

²⁵ Ak furiischoodiga dooshinga gealga siitiiwshacheewa ea Mataniya gil, ea Bakbukiya, ea Obadiya, ea Meshulamu, ea Dalmoni, ea Akubu.

²⁶ Nih abeeda damanda Yoyakimu gil, was orjeeda Yeshuwa orjeeda Yosadaki, ea damanda Nehemiya was sugoocheanda haw ea Esra was ashoohoocheanda ea ng'oorshoocheanda.

Nehemiya ghwajaat museasooda mujiini

²⁷ Ak damanda siitina ghamarda Yerusalemu hean geegasa fuga Lawi aba ng'eanyoojiga nyaawa sean, ak geeyeadu saawa Yerusalemu jeeda ghweelmeeda giitinda ghamarda ea hooseaneega, sea badiischeesiinda ea sarmeeda, geabwar gidoondoorajeega, nea ghwanya ghuusiga gureayeeka.

²⁸ Hean ghabwat geat orjooga fuga sarmani ghang'eada darooraka neaweesa Yerusalemu ea gharang'weaka fuga Netofati;

²⁹ ak ghang'eada gicha Bet-gilgali ea daroorda Geba ea Asmaweti; aba gideaba fuga sarmani nideas gharang'weaka nyaawa gwaneaweesa Yerusalemu.

³⁰ Ak ghoamiidu geat ashoohoodiga ea fuga Lawi, amang'ata geamiidu buuneeda ea dooshinga ea ghamarda.

³¹ Hean geadiing'di fuga hees bea Yuda uhuuda ghamarda, ak ghaanung' ghabwat geat gheamughuushcheew iyeenya hees nea gabadiischeesa ASEETA ak gaweay nea ghwaroap geat. Akaleala gawa meatkweeda geatinda dugwa nea gagal dooshta raghwata;

³² ng'ata gaweay nea goodeayi Hoshaya ea fuga hees silach bugusta nibiyeenya bea Yuda,

³³ ea Asariya, ea Esra, ea Meshulamu,

³⁴ ea Yuda, ea Benjamini, ea Shemaya, ea Yeremiya,

³⁵ ea ashoohoodiga mwaatkwa ea orjooga weay nea googuuleada: nea Sakariya gil orjeeda Yonatan, ea orjeeda Shemaya, ea orjeeda Mataniya, ea orjeeda Mikaya, ea orjeeda Sakuri, ea orjeeda Asafu;

³⁶ ea fugaaschi duupchi, ea Shemaya ea Asareli, ea Milalai, ea Gilalayi, Maayi, ea Netaneli, ea Yuda, ea Hanani, nea abeeda gwandeawa haleanjeeda sarmeeda siguuda bea Dawdi was siida ASEETA; nea goosheedeawa saawa Esra was ng'oorshoocheanda.

³⁷ Hean sihita dooshta gheang'deenda, hean geascheang'da, aba madeanyaawa ak geala gidingeayoojiga mujiineeda Dawdi, bea ghamarda naawa gheeh Dawdi ea eahita heeda beega laabwa dooshta heeda ghayeawa.

³⁸ Ak suuk gea bwatgeat nea gabadiischeesa gaweay nea gagal geatinda ghaadaam, ak ghaayaachi geeshteaba saawa sea fuga silach bugusta nibiyeenya, nea geegali heeda ghamarda, ea eahita madalooda duwayda beasta, ea eahita heeda ghamarda haw,

³⁹ Sing'eadi hoowa geesikchi ghuuta dooshta Efraimu, ea eahita dooshta waas, ak geeweayi ea eahita dooshta ghweayeanda, ea Madalooda Hanaeli ea Madalooda Hameya, ea dooshta gisilga; ak geapka ea eehiidu dooshta furiischoocheanda.

⁴⁰ Hean fuga bwatgeat ea gea badiischeesa ghamiinaada aba gheeda ASEETA, ak aniini ea fuga hees silach bugusta nibiyeenya sea aniini;

⁴¹ ea ashoohoodiga weay nea ghaghuut durumbeati gaba Eliyakimu, ea Maaseya, ea Miyamini, ea Mikaya, ea Elioenayi, ea Sekariya, ea Hananiya,

⁴² ea Maaseya, ea Shemaya, ea Eleasari, ea Usi, ea Yehohanani, ea Malkiya, ea Elamu, ea Eseri. Ak fuga sarman gwasarman aba nyeashta haw nea Yesrahiya ea siida mida madeanyaawa gil.

⁴³ Ak eaweedida geatayda lukghumajeega saang'a nea geehoosan, aba badayda ASEETA nung' gahoosan saawa muuchi; ak gahoosan eara gadeemga ea diibiga. Ak geayiiy nea sheagi hooseaneega Yerusalemu.

Haleanjeeda siitayda bea badiischeesiinda bea gheeda sibata ASEETA

⁴⁴ Hean eaweedida gealoat fuga jea gang'ula gijigoonga giidiiwshooda, jea eayiin haghweega madeeda, ea gilagi aba jeeda gea atamanamughuush, siiweamsa hijagi gwadeena gidanyaashta deaweedeeda ashoohoodiga fuga Lawi ghang'eada madameega mujiinajeega; aba gideaba Yuda gahoosan aba badayda ashoohoodiga ea fuga Lawi gadiiyi.

⁴⁵ Ak gang'ula gadiyeeda ASEETA nyaawa ea gadiyeeda giimiinnooda, gawuurji gidasinda fuga sarmani ea furiischoodiga dooshta, gawuurji gidaghayi rukuteayda Dawdi ea orjeedaanyi was Sulemani.

⁴⁶ Aba gideaba damanda Dawdi ea Asafu bea garayi abeeda gwanda siida haw ambal fuga sarmani, bea sarmeeda gwarsiinda nea geebadiischeesa ASEETA.

⁴⁷ Ak fuga Israeli sean damanda Serubabeli ea damanda Nehemiya inyeesa galeagasean geatayda gidagusguseega aba badayda fuga sarmani ea furiischoodiga, ak geasach gea fuga Lawi nea ghwasach fuga Lawi gea orjooga Haruni.